رحله القراوى لبرج المملكه

السلام عليكم..
بما إني تميراويه فما عندي وقت أضيعه في كتابة المقدمات لأني لازم أروح أذاكر دروس السنة الجاية .. خبركم ما باقي الا شهر على الدراسة ..

في مرتن من المراريت قررت أمي الله يحفظها إنها تجمع عيالها ( إللي هم حنا) وعيال أختها وعيال أختها الثانية وتتمشى هي وياهم وبالمرة راحت معنا صديقتها وعيال صديقتها .. (( و جميع أفراد القبيلة وجهت لهم الدعوة ))

المهم ضفنتا أمي وبتمشينا ,, وقعدت تفكر وين تبي تودينا ؟؟؟
ياربي وييييين ؟؟ :smiley7:
بسسسسسسسسسسسسسسس
برج المملكة .. (( لازم نكتشف العالم الاخر ....)) :)
<< تحسب إنها بتروح لبيت الأشباح
المهم يوم وقفت سيارتنا المصونة وأتلفت يمين ويسار ولا أشوف إلا ذا البنوز واللكزس والبي إم اللي أسمعهم يسولفون بها وقمت رسمت شعارها على يدي علشان إذا شفتها مرة من المراريت أسلم على راعيها
(( أكيد أمير )) يمكن يخطبني ..... والاحتمال الأرجح إنه يخبطني .,,
المهم يوم شفت ذا السيارات وأنا أستحي .. وش معنا احنا جايين بالددسن ومركبين البزران ورى في الصندوق ؟؟
ومن الحيا انحشت كني ماني تبعهم ..وبينما أنا أتأمل مخلوقات ربي من قزاز مصفوف فوق بعض لين صار عمارة اكتشفت وجود زبيرية تلحقني واذا لفيت لفت .. وألف وتلف .. لين خبطتني .. أثاريه أخوي يقول ليه تنحاشين ؟؟ مو عاجبينك ؟؟ :012::pipe:
قلت .. إلا وين بألقى أحسن منكم ..
المهم إنا مشينا سوا .. (( ماهي بطاقة شحن))
وأحس إن كل الناس يطالعون فينا .. مدري ليه .. ؟؟ أكيد معجبين ..
المهم يوم طلعنا الاصنصير قاعدة امي تعلمهم تقول .. إحنا بنطلع فوق للبرج ..
ويوم بدا الاصنصير يرقى إلا يقولون البزارين الله يجنن الجسر .. (( من الدلاخة يحسبون إن الاصنصير هو الجسر ))
وقام اللي معنا حاطينه يحكي يعلمنا ويقول بنصير على ارتفاع 300 متر عن سطح البحر .. كاني منين واهمة
المهم ويهبون فيه بزاريننا المصونين ويقولون يانصاب الرياض مافيها بحر
المسكين شكله يدربي راسه وماعمره شاف ذا الأشكال .. وصار وجهه كذا :k5:
ويوم رقينا استغلوا بزراننا الفرصة للعب الحبشة .. ( يحسبونهم في ستار أكاديمي ..))
<< تسمع الأخت دايم بستار أكاديمي .. يمكن إنه حارة ...
وهم يلعبون انقلبت الدعوا جد وما تشوف إلا النعال كنها الكتب إذا خلص الاختبار
<< دافورة صدق..
المهم إن جدتي صااااااااااااااااااااالت وعصصصصصصصصصصصصصصبت وقالت
لا تفشلوننا عند ذا الأطخم
وفجأة سمعت أمي تكلم عمتي تقول .. وش رايكم تجون .. مكان وش زينه يصلح نبسط فيه وجيبي الكراث والفصفص ..
في اللحظة هذي كان ودي أحلتهم كلهم من ذيك الفتحة اللي كنها ابتسامةمدهش حق دبي ..

والحد لله إن سيارتهم في الورشة والا كان علوم ..





المهم إننا حولنا ل77






ويقال لنا إنا بنسوي حركة وبنطلب من مطعمهم .. ونقرى القائمة وما عرفنا الاالبيتزا والعصير الكوكتيل
وطلبناها ..
ومن زود الكشخة قامت اختي تاكل البيتزا بالشوكة والسكين ..
وفجأة من الفجأات طارت علي بيتزتهاعلي كأنها طبق طائر حق توم اند جيري ..
المهم إن الوضع ماشي تمام .. .. بالنسبة لنا ..
وراح الجرسون يحط أشياء مدورة صغيرة .. وكلنا نناظر فيها ما ندري وشهي ..
فجأة جاب كيسان العصير وحطها فوق الشي المدور .. واختي من زود الدلاخة قامت تجمعها تحسب فيها كلمة سر تخلي العشا بلاش .....
المهم إنهم صكونا بذيك الفاتورة .. وهم يضحكون بعد ..
ويوم ناظرتها أمي وفي رواية (( ماما)) إلا نقزت عيونها من ورى النقاب صارت كبر البيتزا اللي تونا ماكلينها ..
وأنا أحسب الرقم بالهللات ..
وتعصب جدتي .. قالت ماعاد عليك إلا ذي ؟؟ أجل حنا ناكل بخمس مية ؟؟ هذي تشبعنا شهر....
ولو يحرجون علينا واحد واحد في حراج ابن قاسم ما جبنا ميتين وخمسين ,,,,,
المهم إن ورانا رجال يناظرنا ويضحك .. شكله من البزبز مان .. (( يقرب لببسي مان ))
قال ولا يهمكم ياخالات الحساب علي اليوم ..
نطت جدتي وقالت ..
أجل أنت فيذا بكرة ؟؟ نسير عليك .. نط أخوي وقال والله ماتدفع ولا قرش .. وأنا فواد بن بطاح
وحسابك علينا .. ترانا نمزح مع الرجال تو ..
راح ابن الحلال وهو يشك في الوضع أحس إنه يحسبنا نصور طاش ماطاش وفرحان إنه بيطلع فيها
ودفعنا وحنا نحلف ماعاد نتعدى منتزه سلام .. (( يخب علينا ))
وحنا نازلين أحس إن اللي بيطلعون وشافونا ننزل يقولون الحمد لله إن ذولي سبقونا ونزلوا ..




ما يستفاد من القصة
ون .. اذا بغيت تروح المملكة اركب وانيت عشان تحس إن كل الناس يناظرونك يا مهم .
تو .. يفضل إذا بغيتوا تطلعون الجسر تصيرون جايبين البساط والعدة معكم
ثري .. اذا جات الفاتورة سوو صجة لين يجي واحد يقول بادفع عنكم .. والأهم إذا قال كذا لا تعيون .
فور .. إذا جيتوا من المملكة وكتبتوا ما يستفاد لا تكتبون أولا ثانيا بل اكتبوا ون تو وإذا متطورين مرة اكتبوا فيرست وسكوند

فايفن حبيت أعلمكم إني أعرف أعد من واحد إلى خمسة بالانقليزي .. الله يكفينا شر الماصلة.

...........................................

منزول

بيني وبينك يبيلك جلسه انت وقصتك علشان اقراها

والمره الثانيه اختصر

[align=center]قصه غريبه يا قمر تمير

من زمان مااحد كفخك
اجل تروحون لمثل هذي
الاماكن ولا تبون احد يضحك
علينا ,, حدنا حديقة البلديه
وتخب علينا ,,,, مشاء الله
عليكم انتم كلتوا بيتزا غيركم
اكل طراقات ,,, انتم في نعمه
حتى ولو كان مباشر عليكم ,,
عزتي للعجيزات شهر يسولفن
فيها ,,
حلوه وتشكرين عليها,,

تحياتي

سمسار 15[/align]

وتمير وكلام قرقر

يادبا واثريك ماعندك سالفة قاعد تسرقين


نعال خلق اللة من عند المساجد خخخخخ

ونا مستانس مع السالفة اقول ربعنا اهل تمير

فية تطور ياكلون بتزا فى المملكة ولا كل وحدة هالحين


اشوف عاضة شليتها وتشوف براطمها كانها براطم نملة


خلاص ثانى مرة انقطى بيتكم لاعاد تروحين ولا لحراج

بن قاسم خليك من محلات الخالدية وتخب عليك


اخلاق شكرا اختى الغالية قمــــ تمير ــر على هالابداع

والنقل مايخالف

ههههههههههههههههههههههه
ههههههههههههههههههههههههههه
هبوب الله يرجك كل وحدة هالحين


اشوف عاضة شليتها وتشوف براطمها كانها براطم نملة


ههههههههههههه

بس حياكم جميعا

هههههههههههههههههههههههه

الله يرج شيطاااانك

وربي صرقعه من جد

ليت من حط رجله معكم وجاب قهوته<--جتك عاد راعية القهاوي والتمر:0101:

يسلمووووو مرره قمووورة على الموضوع الكوووليشن

سمعت فية قهوة

<<<<<<< صاكة راسة

لاتطرين القهاوى عندى ترى منطح << ثور هههههه


شكلك عجوز غلا خخخخخخخخخ

احسن شي انك انخبطتي لا وبزبيريه واااااااااااااااااااااااااوك

<<<<تراه خبرة زبيريات تلقى جميع انواع الخبطات من جميع الانواع وجميع المقاسات

<<<بس تراه كبر ألحين ما يخبطونه

اذكر اوووووول ناس راااحو للدرج المتحرك

وجو على وجيههم ما عرفوا يركبوونه

وواحد دخل محل بلاط سراميك وجاك على قفاه نعاله زبيريات والبلاط املس

مشكووووووره

سلام

[align=center]مداخله قمورتمير

هااااااااااااادي

فيه واحد دخل محل
سيراميك وفيه طاوله
جنب الدريشه وهي مفتوحه
والنور داخل عكس ضل الطاوله
على البلاط , تدري وش سوى

رفع ثوبه يبي يتخطرى الطاوله
لا ويحط يده على الضلال ,,
تعال خذ ضحك ,,,

متأسف

تحياتي

سمسار 15[/align]