يا ليت عندي في رصيدي ملايين .. قصيدة رووووووعة

يا ليت عندي في رصيدي ملايين .. قصيدة رووووووعة

--------------------------------------------------------------------------------

ياليت عندي فـي رصيـدي ملاييـن
وادخل بها في سوق الاسهم علاشـان
ارفع بها الشركـات وانقـذ مساكيـن
تعلقـوا تعليقتـن شانـهـا شــان
طبوا وهم صاحين وامسـوا مجانيـن
يمشون بالشارع ومن غيـر حذيـان
توهقـوا توهيقتـن فالهـا شـيـن
وبعض الهقاوي تجعل الشخص عميان
خسروا 00وروس اموالهم كلها ديـن
مدبولتـن تدبيـل مـن عنـد ديـان
والبيـت مليـان ٍ حريـم ووراعيـن
مصروفهـم يقطـع قويـات الامتـان
صاروا من صدوف الليالـي حزينيـن
لاوالله الا 00 روحوا في خبـر كـان
راحوا ضحايا فـي يديـن الخبيثيـن
شلـة هواميـر ٍ تلاعـب بالاذهـان
تنهب دراهم شعـب مثـل الشياطيـن
وترفع سهم شركه ولو كان خسـران
لكن انـا بنخـى زعيـم السلاطيـن
بو متعب اللـي للصعيبـات مزبـان
وانخى ولي العهـد سقـم المعاديـن
عضيد ابو متعـب ويمنـاه سلطـان
ملوكنـا نفخـر بـهـم فالميـاديـن
اهل الوفـا وافعالهـم خيـر برهـان
إلكم ولا 00 والكم غلا 00 يالعزيزين
غلا حقيقـي مايجـي فيـه نقصـان
تبصـروا فـي سوقنـا يالميامـيـن
لابـد يرجـع سوقنـا زي مـاكـان
لاهان ابو متعـب زعيـم الشجيعيـن
صقـر العروبـه للشكـالات عنـوان
اللي مشى حبـه بوسـط الشراييـن
محزم ظهر شعبه على كـل الازمـان
له فزعتن تشهد بها الهنـد والصيـن
غيث ٍ على كل المناطـق والاوطـان
تكفا يابـو متعـب ترانـا مصابيـن
افـزع لنـا يامسنـدي ياكحـيـلان
من سوق الاسهم صابنا الهم والبيـن
والقلب من شغل الهواميـر مرضـان
احمرت الشركـات واحمـرت العيـن
امن النظر في شاشة ٍ كلهـا احـزان
سوقك يابو متعب يبي دعمك الحيـن
عوايـدك فعـل المكـارم والاحسـان

منقوووووووووول ( الوافي)

الله يرزقك ياخوي وما تهون عن اللي تقول اخاف تتوهق مثلهم

قصيدة جميلة وتسلم على الاختيار الموفق وجبتها عل الجرح

يا أخي الغالي ((وافي الخـــيـر))

قصيدة جميلة فيها الكثير من الإبداع والتميز
عمل رائع جداً الله يوفقك
الله يعطيك ألف ألف عافية
بارك الله فيك.
وهذه تحية لك من قلب أخ محب صادق تحية إجــــــــــلال وتقديررررر

دمتم لنا سنداً ودعماً ودامت توجيهاتكم واستمرت جهودكم الجبارة والمميزة.
منكم أنتم وبكم نستمد العلم والفائدة حفظكم الله ورعاكم لنا ذخراً

أجتهد في خدمتكم,فان أصبت فمن الله وان اخطأت فمن نفسي,وشفيعي امام الخالق ثم امامكم اجتهاد المحب لاعضاءه الحريص عليهم اكثر من حرصه على نفسه.......مرعب النفوس