ليت السفر بين المحبين ممنوع((قصيدة لكل محب))

قصيدهـ عن السفر والاجازهـ

ليت (السفر) بين المحبين ممــــنـوع
تحجز(جوازت) المـــــــــحبين بالذات

حتى لوأن ( السفر) حق مـــشروع
المشكلة.. لأهل الهوى حزن وآهات

لاغاب (خلّك) والرجاء فيه مقـــطوع
لابه (رسايل) تاصلك واتصـــــــالات

الخط مغلق...كنّه (الكرت) مـــــنزوع
من ضيقتك تلعن جميـع الاشتراكـــات

تضرب على الكفّين والقلب مفــجوع
تضيق بك عقبه جميـع المســـاحـات

في ليل دامس ضايعٍ مابه شمــــوع
(الفكر) تايه فـي دروب المتاهــــات

(العين) تذرف بالدقايق له دمــــــوع
و(القلب) عايش بين حسره وونـــــات

لوّك تجر الصوت ماهوب مســـــموع
ياطول مـا بينـك وبينـه مسافــــــات

يمكن ظروفه متمشت له على طـــوع
ويمكن سلا فكره بروحـه وجيّـــــات

سايح بدار(الغرب) والأجر مدفــــــوع
يسرح ويمرح بيـن سجّـه ولـــــــذات

الجو صافي بين خضره وينبـــــــوع
وأنت بسموم(القيض) مابه إجــــازات

الهم مدهالك من أسبـوع لسبــــــوع
لاحل ذكرى (الترف) هلّيت عــــــبرات

صار(السفر) كنّه مثل حبّة الكــــــوع
جمع الحبايب سابع المســـــتحيـلات

بس الأكيد أن (الغلا) فيك مــــــزروع
(الحب) يبقى بالضمايـر ولا مـــــــات

الصدق قلته والزعل دوم مرفــــــوع

وقت(السفر) تبدي كثيـر المعانـــات

صح لسآن شآعرهآ وسلمت على الــاختيآر ..
تقديري

اقتباس: المشاركة الأصلية كتبت بواسطة الراقيه    صح لسآن شآعرهآ وسلمت على الــاختيآر .. تقديري

نورتي يالراقيه
وياهلا ورحب

سلمتي يآخيو ع هالذائقة الروعه
ماننحرم منك يآرب
ودي ووردي لك

اقتباس: المشاركة الأصلية كتبت بواسطة لميس    سلمتي يآخيو ع هالذائقة الروعه ماننحرم منك يآرب ودي ووردي لك

الله يسلمك نورتي لموووس
وياهلا ورحب