الشاعر الكبير : فلاح بن عريج البرازي الواصلي المطيري

[align=center]

بسم الله الرحمن الرحيم




بعض النساء تجلب على بيتك الخير
والبعض منهن لـك تجيـب النكـاده

والبعض منهن مثل وصف النواويـر
ومع العقل والزيـن فيهـا الركـاده

والبعض منهن يستر الحـال تستيـر
لوهي تعيش العمر صبـر وجـلاده

والبعض منهن عقلها يـوزن النيـر
ومعها على تـاج الرزانـه شهـاده

وبعضهن احلى من حليب المغاتيـر
واحلى من الطايـف ونفحـة بـراده

وفي مجتمعها تمشي ابحسـن تدبيـر
عقلٍٍ رزيـن وفـي حلاهـا زيـاده

وبعضهن اينومسك عنـد المساييـر
والبْـن فالدلـه اتظـبـط اقـنـاده

وبعض اللسنتهن مثل وصف المناشير
والبعض منهن طايـشٍٍ فـي عنـاده

والبعـض منهـن فكرهـا بالدنانيـر
قشـرا وشوشتهـا سـواة العـراده

والبعض منهـن مايكـب المشاويـر
وفيها التغطـرس والغبـاء والبـلاده

وهذي هي اللي تستحـق البواكيـر
حيـث انهـا للسـوق فيهـا عبـاده

والبعض منهن عايـشٍٍ دون تفكيـر
وان شفتها منتـه ب ويـا السعـاده

وان رحت عنها ولعت فوقك اسعير
وشنت عليك الحرب حرب الابـاده

واللي ماصار اترهمه غصب ويصير
ومن جورهـا لازم تـزور العيـاده

والبعض منهن دايم اقدامهـا اتسيـر
علـى امهـا والام راس القـيـاده

وتنفـذ اللـي تسمعـه دون تاخيـر
وترسم امخططها لفـرض السيـاده

واليا حصل من بينكم شـيٍٍ اصغيـر
تفيـد منهـو ماطلبـهـا الافــاده

وتوافـي اهلهـا بكـل التقـاريـر
ليـن الرجـل يعـاف شربـه وزاده

واليا ظربهـا كـف مالـه معاذيـر
راحت هو ياكل عشاء البيـت سـاده

راحت طموح وبلشـوه العصافيـر
ومن همهم حـارب منـام الوسـاده

وان جاء يرجعهـا عيونـه مطاييـر
قالوا قبـل ترجـع تجيـب القـلاده

وسبحه من الأربش وأطقم أساويـر
ومن جورهـن لا واعنـاه وهجـاده

وان كان ماانسابك ارجـالٍٍ مناعيـر
هيجـن وهوبـل ياحيـاة الـقـراده

وارجو السموحه من جميع الغناديـر
وهن الأصل منهن للاقطـار سـاده

ومصنع رياجيـلٍٍ تقـود الطوابيـر
والحـرب تقـدح للمعـادي ازنـاده

والمعذره وان كان بالقـاف تقصيـر
وماكل من يجهد نجح فـي اجتهـاده

وللكلمه الجزلـه زبـون وجماهيـر
وقول بـلا حكمـه مافيـه استفـاده

والله يجعل لي مـن الذنـب تكفيـر
يوم ان راع الـزرع يلقـا حصـاده

ويرسل على الانذال زلزال كشميـر
حتى الفلل تصبـح سـواة الرمـاده




وسلامتكم. [/align]

[align=center]والبعض منهن عقلها يـوزن النيـر
ومعها على تـاج الرزانـه شهـاده

.
.
.


ونعم والله والسبع انعااااااااام في الشاعر فلاااااااااااااااح


.
.

عذاري الله يعطيك العافيه على هالنقل الاكثر من رائع

.
.

دمتِ بهذا التميز
.
.[/align]

كل الشكر لك اختي لنقل هذه القصيده الجميله
توصيف جميل للمراة وهو فعلا حاصل سواء جميل او قبيح
تحياتي لك
النادر

واليا حصل من بينكم شـيٍٍ اصغيـر
تفيـد منهـو ماطلبـهـا الافــاده

وتوافـي اهلهـا بكـل التقـاريـر
ليـن الرجـل يعـاف شربـه وزاده

النوعيه اللي مثل هذي لا تقربك ابعد عنها هي اللي تخرب البيوت

الله يعطيكي العافيه اختي عذاري على القصيده

وصح لسان الشاعر

صح لسانك يالبرازي

قصيده في الصميم والله يجنبنا الشر منهن

ويقرب الطيبات ..

ما ودنا نقول شي ..

يعطيك العافيه يا عذاري ..

والله يجعل لي مـن الذنـب تكفيـر
يوم ان راع الـزرع يلقـا حصـاده


آآآآآمين يارب



تسلمين أختي عذاري على هذه القصيده


وصف كامل لأنواع النساء


الله يكفينا شر الرديات منهن

تقبلي مروري

[align=center]سحايب صيف
النادر
المتحـ 2007د
السنافي
العضيد

احبائي الله يعطيكم مليون عافية على المرور العذب والذي اعتبره شرف لي ولصفحتي
والله يرزقكم بالحريم الطيبات زي ماقال الشاعر

والبعض منهن مثل وصف النواويـر
ومع العقل والزيـن فيهـا الركـاده

والبعض منهن يستر الحـال تستيـر
لوهي تعيش العمر صبـر وجـلاده

والبعض منهن عقلها يـوزن النيـر
ومعها على تـاج الرزانـه شهـاده

وبعضهن احلى من حليب المغاتيـر
واحلى من الطايـف ونفحـة بـراده

وفي مجتمعها تمشي ابحسـن تدبيـر
عقلٍٍ رزيـن وفـي حلاهـا زيـاده

وبعضهن اينومسك عنـد المساييـر
والبْـن فالدلـه اتظـبـط اقـنـاده


واللي يبي التعدد في الزوجات يجرب النوعين ترى الحياة تجارب !!!!!!!![/align]

[align=center]يسلمو اخوي عذارى

وصح لسانك ولسان الشاعر الكبير فلاح بن عريج البرازي الواصلي المطيري

بصراحه الوصف حقّه شي

تحياتي لقلبك ,,,

الشمالي [/align]

صح السانك ياأحمر الناظر
كفو ودايم مايجي منكم الا كل علم طيب

وبعض اللسنتهن مثل وصف المناشير
والبعض منهن طايـشٍٍ فـي عنـاده

لا يقربكم هالنوع تكفون


خذو هذي

والبعض منهن عقلها يـوزن النيـر
ومعها على تـاج الرزانـه شهـاده

عز الله أن هذي حرمه سنعة

الشــــــــــاعرة المتألقة

عذاري

شكراً من الأعماق