مشروع التخرج ...

اسعد الله مساكن بالخير

وعلى طاري المساكن فتحت مع امي موضوع زواجي وليش ما اعرس وعلشان ما احرق عليكم السالفة خلونا نشوفها مع بعض << وقال بيديه هكذا

يمه ...... يمه ... امي << بكسر الهمزة <<< صوت علوووش وهو ينادي امه ، وترد وهي في المطبخ اهاااااااااااااا قلت تعالي ابفتح معك موضوع مهم وتجي ويديها مليانة عجين قالت خير ان شاء الله وافقت ايران يفتشون الكالسيوم << تسمع بالاخبار ، قلت لا الموضوع الي ابيتس فيه اهم ، بمه انتي تدرين الحين اني بلغت اشدي << وانا مستحي واناظر الارض ، قاطعتني وقالت تعال حط يدك في اذني وحركها ثم طلعت من ثمها صوت مثل كذا ( قنقنقنقنقنقن ) وراحت لمطبخها وهي تقول الحقني بذا البادية ، الحين مناديني من مطبخي علشان تقول بلغت اشدي ، والحقها في المطبخ واكمل كلامي قلت يمه انا ابي اعرس ولا ابي اكرر غلطة ابوي يعني ابي زينه ، والتفت علي وشيلتها طايحه على وحدة من عيونها وقالت وش عند غالب كامل <<< على بالها ازين واحد ، طيب يوم انك تبي تعرس ورى ما تاخذ بنت خالتك فطيم ، قلت لها يمه انتي ما تبين تشوفين عيالي قالت هوه وراه قلت اجل اقول لك ابعرس تقولين فطيم ، وش ابي بذا الدبا حتى رقبتها متصفطه ، لو تحطين بين ذا الصفطات cd كان اشتغل . قالت اها بس عاد رح حاتس ابوك اجل . دنقت وهي ميته من الضحك وقالت الله يمكر بك اجل cd .

انا مبعد الموضوع عن ابوي لانه يبغى له طريقه خاصه ، اول شي نشيط وقوي بس مشكلته مهوب اي واحد يقدر يتعامل معه ، الا انا يا عياله لان لو تلفت عليه وتقول اطقه التفت عليك لا شعوريا وقال والله لاطقه وقام وطق الي جنبه ، يعني مره رحت انا وياه بنشتري فريزر وعقدنا راعي المحل بالسعر نبيه يخفض لنا ورفض وانا الحقيقه مليت منه وقلت وانا رايح لو ان هالفريزر عندي نطلته قال ابوي على طول والله لانطله وشال راعي المحل ونطله في الفريزر .

طيب مثل هذا وشلون بتفاهم معه ، المهم رحت له ولقيته مطول على الرادو وكل ما قلت له شي قال هااااه ، ما يسمع لانه مطول على الرادو ، قلت لازم يطفي هالرادو قلت يبه قال سم قلت اطفيه قال والله لطفّيه وقام وطفى هالرادو ، قلت له يبه انا بلغت اشدي قال طيب وش تبي قلت يعني ابي اعرس قال تبي تعرس وانت لاوظيفه ولا راتب قلت له يابوي ابشرك انا سجلت في دورة في المعهد المهني قال ابعدي ابوي وش هالدورة قلت له دورة لحام قال اجل الين تخرجت علمني وابشر وانا ابوك .

دخلت الدورة وبعد شهرين قال المدرب الآن يا شباب علشان تخرجون لازم من تنفبذ مشروع التخرج وهو عبارة عن عمل خزان موية ، وبكل اصرار وعزيمة بديت الحم ذلك الخزان ، وبعد ما انتهيت من تنفيذه ، قام المدرب مشكورا باستئجار ددسن وحمّل الخزان وراح به لبيتنا ، يوم فتح ابوي الباب لقى المدرب ومعه مشروعي ، وقال خير ان شاء الله من الي شاري هالخزان ، قام المرب وعرف بنفسه لابوي وقال له انا مدرب ولدك علوووش في المعهد ، وكان عنده مشروع تخرج عمل خزان مويه ، قال ابوي اجل وين ولدي ، قال المدرب في وسط مشروعه ، قال ابوي وشلون قال المدرب انا يوم جينا نوزع الشهادات لقينا المشروع ولا لقينا الخريج ، يوم شفنا الخزان الين ما فيه فتحه ودرينا ان ولدك ملحم على نفسه ، والحين نبيك ما تلومنا لانه ما تخرج وجايبين معنا اوكسجين علشان تشوف فعايل ولدك .

فكوا الخزان وطلعت التفت على المدرب وقلت هاااه وش رايك في المشروع وتفاجأت بوجود ابوي في المعهد وقلت المدرب وش رايك نكتب على المشروع انتاج المعهد المهني ، التفت المدرب على ابوي وقال ترى المشروع لكم وركبوا ددسنهم وراحوا ، تأثر الشايب وبدا يسمعني كلام مهوب زين ، دريت اني حست الدنيا واقلت لابوي ، يبه قال سم قلت ازوجه قال والله لزوّجه ، قال من هي بنته قلت يبه لازم بنت قال الله ابو الا انت سمرمديه يالربع عطوني لحام الحم عليه في مشروعه ، انا من يوم شفتك تزرط من هالزعتر وانا داري بس ان شفتك رايح يم هالاشوام لاكسر رجيك .

صارت امي تروح لاي عرس علشان تخطب لي ، وفي عرس ما شافت لها وحدة مووووووووووووووووت وسألت حرمة جنبها ، من هذه بنته ، ردت عليها الحرمة وقالت بنتي قالت امي هي معرسه قالت الحرمه لا ، قالت امي اجل نبيها لولدنا علوووش كان بيتخرج لو ان الله فاكه من هالخزان ، قالت الحرمه هذا عنوان بيتنا وتعالوا اخطبوها ترى ولد عمها يبيها ، قالت امي وش ولد عمها بنجيكم الخميس . المهم رحنا لهم يوم قعدنا شوي الا امي تناديني وهي طالعه ، والحقها قلت يمه وش فيتس قالت لعبت علينا هالحرمه ، البنت الي شفت مهيب بنتها ، عندها بنت لو تشتري خبز توست عطوك ايها هديه ، رجعت لابوي ولقيته قاعد جنب ابوها قلت يبه قال سم قلت اعضه قال ابوي والله لعضّه ولقط اذن ابوها وعضها وبحكم خبرتي في لحام ما فك اذن ابوها الا الاوكسجين .

والحين يالربع انتم عارفين اني بلغت اشدي واني شبه خريج لحام ، فالي يخبر لي مدرسه وجميله وشعرها طويل يرسل على عنوان المنتدى .

الادارة ( ايميل هذا الشخص موجود لدينا )

عليييييييييييييييييييش

ابشر والله بسعدك
انا عندي وحده جابتها
لي ام توتو نقلا عن الاخت كرز

وانا ما ابيها 0000000000
مدرسه وقديمه في التدريس
وعلى المستوى الخامس
وراتبها 11380.68 ريال

هذي والله تصلح لك
انت مقلع وهي مقلعه

مبروك مبروك والف مبروك
منك المال ومنها اقصر عيال

وبالرفاه

تحياتي

سمسار 15

افهمووووووووووها

يا شابا

الرجاال معتااز لقرشين ولا لقى طريقه الا هالسالفه يعني ما عنده وظيفه

يالله نقط له بس تراها سلف

وش قلت يا عليش

كم تبي وحنا زاااهبين

سلام

وش فيكم كل واحد حاط لة موضوع قطو قطو

وين بقايا والتوبيس وماتقدم لكم قرض مجانى

اهليييييييين شباب

كيفكووووووووووووووووون

انا عندي مشروع حمّص اسف قصدي تخرج حلو كتير

واتمنى انو مشروعك يكون ناجح بالمستقبل او ال بي سي

وانا من عنا اللي بدك ياه حاضر

وانتا يا عليش معجبني كتير واحس انو انا وانتا اخوااااااات >>> صرت مصري

اقولك

مع السلامه قبل انكشف


الشقراااوي

شقراروى ؟؟

كشفناك يا المصرى ططط

مبدع يا علوش

تصدق اني انسمجت مع موضوعك


وسعت صدورنا الله يوسع صدر ويزقك بالمدرسة اللي على وشك التقاعد


بس اقول كان الدعوا مثل ما قال هااادي كاتب هالموضوع تبي سلفك


ليت الله ومرك ولحمت اثمك قبل تقول هالسالفة كل شي ولا السلف


قاطعتني وقالت تعال حط يدك في اذني وحركها ثم طلعت من ثمها صوت مثل كذا ( قنقنقنقنقنقن )


تكف ترجم لنا هذي ( قنقنقنقنقنقن )


يسلموووووو علوش وكثر من هالسوالف

مبروك مشروع التخرج

بس ابغي اعرف كيف ما تموت من الحر داخل الخزاااان

تسلم لنا؟؟؟؟


;)بنـ الشيوخ ــت;)

اقتباس: المشاركة الأصلية كتبت بواسطة سمسار 15    عليييييييييييييييييييش ابشر والله بسعدك انا عندي وحده جابتها لي ام توتو نقلا عن الاخت كرز وانا ما ابيها 0000000000 مدرسه وقديمه في التدريس وعلى المستوى الخامس وراتبها 11380.68 ريال هذي والله تصلح لك انت مقلع وهي مقلعه مبروك مبروك والف مبروك منك المال ومنها اقصر عيال وبالرفاه تحياتي سمسار 15

اقوول سمسوومي >>>> يدلع سمساار

انت متاكد من التسلااام اللي انت حااطه ولا تبي توهقني تراني وانا اخووك طفراان ودي بالعرس والمشرووع فشل من قفلت على نفسي ... المهم عطنا العنوان بنروح نخطب الرااتب ...

يسلموو سمسااار على هيك رد وهيك مشااركه ...

اقتباس: المشاركة الأصلية كتبت بواسطة هادي    افهمووووووووووها يا شابا الرجاال معتااز لقرشين ولا لقى طريقه الا هالسالفه يعني ما عنده وظيفه يالله نقط له بس تراها سلف وش قلت يا عليش كم تبي وحنا زاااهبين سلام

اخووي هاادي

الموضوع حله سمسوومي في الرد اللي فووق وبعدين تعاال من قال لك اني معتااز درااهم انا محتااج حرمه ابي اعررس وش فيك قااري المووضوع مقلووب ...

يسلمو هدهوودي على الفزعه ومنتحرمشي ...