عشاء غييير .. تجربة المغش اليمني .. مع حلاوة الدجاج المشوية ...

السلام عيكم ورحمة الله وبركاته

كل عام والجميع بخير

اولً المعذره على ظروف الانقطاع المتكرر في انزال كل جديد (( التقارير موجوده بس العجز شين ))

المهم اليوم حبيت اغير شوي بأكلتين غريبتين قد تكون غريبه على البعض ومعلومه عند البعض الأخر

بداية الطلعة كانت مجرد طلعة لشرب الحليبه في الغراميل مع هالبرادات الي جايتنا مبكرة بالحيل (( عسى الله يعجل بالامطار والخيرات ))

المهم قبل لانطلع صملنا نجيب معنا المغش الجنوبي لتجربته مع كم لحيمه وجبنا زيادة دجاجتين نبي نقصدرهن

المهم مالكم بالطويلة اترك الصور تتحدث
المقادير
حبتين بصل تقطيع شرايح-- بطاطس الكمية حسب الرغبه--- 3 طماطات تقطيع مربعات --- كوسه (( ماحطينا الا حبتين تطعيمه)) --- لحمة من الاضاحي --- فلفل حار حسب الرغبه --- بهارات --- ملح


(1)


المعذره ماصورت الى البصل والبطاطس


بعدها حطيناه في المغش الزيت بعده البصل ثم الطماط ثم بعض البطاطس واللحمه في الوسط وفوقها الحبحر وباقي البطاطس والكوسه وماننسى البهارات والملح (( انواااااااااع السواااااليف ))
توضع جميع ومايحتاج حمس ولا لمس

(2)



حطيناها على الجمر

(3)



اهم شي لفها بقصدير بأي شي المهم حاول تكتمها

(4)



نجي الحين للدجاج

(5)



وبداية القصدرة

(6)



(7)




(8)



بعد اللف

(9)



للمعلومية تم وضع الطماطم والبصل مع الدجاج بالقصديره بس مشكلتي ماصورت الى الي فاضيه


(( الحلاوة بعد الانتهاء من اللف ))
(10)




تم وضعها على النار بجوار المغش

(11)



لحظة انتظار وأخذ بعض اللقطات

لقطة للمكان (( الذرا زين في هالبرد ))
(12)



والان صورة على الطاير للقمر

(13)



بعد الانتظار تم فتح المغش

(14)



اقتراب اكثر

(15)



يعيني على اللحمة


(16)



قرصااااااااااان وش خليت

(17)



والان نجي للدجاج والحمد لله تمام التمام
اجرااااااام

(18)



الصورة الاخيره للعشاء يالله ان تحييهم كلن بأسمه (( للمعلومية الدجاج ماحطيت الا حبه على شان ماتغطي على الباقي ))


(19)






هذا وصلى الله وسلم على نبينا محمد


وفي الاخير اقدم اعتذاري على قل المحتوى وان شاء الله الجايات اكثر

اخوكم : ابوبدر

ما شالله طبخه حلو تسلم على التقرير

مآشآء الله
تقرير وصور روعه ..
أول مره أسمع بالمغش شكله مثل برميل المندى بس الفرق وضعه فوق الآرض ...
عليكم بــ العآفيه ..وتسلم إيدك على التقرير ...
وكل عآم وأنتم بخير
ويستآهل التقرير التقييم + النجوم

بــآآلـعـآآفييييييييه

تسسلم على التقرريرر

كفيت ووفيت يالغالي

ولاتحررمنا من جديدكـ

،،

بالعافيه ابو بدر انت وربعك جعله مداخيل العافيه تسلم على الطبخه ما شالله تبارك الله تقرير روئعه

ماشاء الله تبااارك الله
طبخه رائع
تسلم ايديييييييييييييييييينك

اقتباس: المشاركة الأصلية كتبت بواسطة صاحب المعالي    ما شاء الله طبخه حلو تسلم على التقرير

الله مير يلمك اخوي الغالي صاحب المعالي

شرفني مرورك يالغلا

اقتباس: المشاركة الأصلية كتبت بواسطة الراقيه    مآشآء الله تقرير وصور روعه .. أول مره أسمع بالمغش شكله مثل برميل المندى بس الفرق وضعه فوق الآرض ... عليكم بــ العآفيه ..وتسلم إيدك على التقرير ... وكل عآم وأنتم بخير ويستآهل التقرير التقييم + النجوم

الروعه مرورك اختي الغاليه الراقية

وبخصوص المغش لايمت لبرميل المندي باي صله

وكل الشكر والتقدير لكي اختي على التقييم والنجوم

اقتباس: المشاركة الأصلية كتبت بواسطة ابوتركيT    بــآآلـعـآآفييييييييه تسسلم على التقرريرر كفيت ووفيت يالغالي ولاتحررمنا من جديدكـ ،،

الله مير يعافيك اخوي الغالي ابوتركي

شرفي مرورك يالغلا

والقادم احلى

اقتباس: المشاركة الأصلية كتبت بواسطة أتعبني غلاك    بالعافيه ابو بدر انت وربعك جعله مداخيل العافيه تسلم على الطبخه ما شاءالله تبارك الله تقرير روئعه

الله مير يعافيك اخوي الغالي أتعبني غلاك

والعافيه على قلوب الجميع

شرررفني مرورك العطر