الى متى يامياه تمير

كل عام وانتم بخير
نقطه ودي اتحدث عنها

سبوع او اكثر والمشروع مايصب ماء مدري عندي بس او كل الديره
والماء امس ضايع في الخزان الجديد واصل الشارع مدري ويش المشكله من يوم ركبو العداد الجديد وهو ماصب
نصيحه كل واحد يعبي خزانه قبل لايخلص ثم يقعد بدون ماء وحتى الدينمو يحترق.

مشكوووررر على الخبررر المهم

شكرا على المرور وان شاء الله تنحل المشكله

ليش ماتروح ياأخوي إلى وحدة مياه تمير
وتستفسر منهم عن المشكله إللي عندك
عساك تلقى عندهم حل
والله يعطيك العافيه

على فكره وحده المياه ماتقصر من ها الناحيه ....خدمه انسانيه

اقتباس: المشاركة الأصلية كتبت بواسطة قاهرالصحارى    على فكره وحده المياه ماتقصر من ها الناحيه ....خدمه انسانيه

انا اقول ويش المشكله لااكثر ولا اقل
وانا منصح لكم لاتصير على قولتهم (ناصح البدو في النار)

هلا والله أخوي هداد تمير
بالفعل كلامك صحيح وياليت اخوي تطرقت إلى مشكلة العدادات الجديدة التي صارت من اول ماركبوها تخر من المياه وبعضهن مركب بالغلط

اقتباس: المشاركة الأصلية كتبت بواسطة البحار الشبرمي    هلا والله أخوي هداد تمير بالفعل كلامك صحيح وياليت اخوي تطرقت إلى مشكلة العدادات الجديدة التي صارت من اول ماركبوها تخر من المياه وبعضهن مركب بالغلط

اهلاهلابك ياالبحار الشبرمي من طول الغيبات جاب الغنايم
اتوقع قلت الماء وصوله بسبب المواصير الي خارج العداد لانها صغيره مره
بنسبه تركيبت العداد فيها غلط نص البيوت مو كلها
نأمل من وحده المياه المتابعه جيدا فهم كفو ان شاء الله

اقتباس: المشاركة الأصلية كتبت بواسطة قاهرالصحارى    على فكره وحده المياه ماتقصر من ها الناحيه ....خدمه انسانيه

منور المنتدى يا قاهر الصحارى

اشتقنا لمشاغباتك ،،،،،،

إن شاء الله تنحل مشكلتك..