مشارك2 ** الحمام بالزبدة.. والمندي الفخار .. طعم ولاأروع ..

بسم الله الرحمن الرحيم
السلام عليكم ورحمة الله وبركاته ..

في خضم قرقعة المواعين .. ونطل الصحون ..والدخول إلى المطبخ .. والذي نسيت ديكوراته ..
أجبرتنا هذه المسابقة على المشاركة .. والدخول للمطبخ والمشاركة في تقديم وجبة أكل جديدة .. وغريبة ..
في البداية تم شراء كم جوز حمام .. وبعد النتف والمصع .. تم الانتقال لتجهيز وجبة غداء شهية ..ففي بداية الأمر ..

** نحضر سبعة أعواد من حطب الأرطى , ونضعهن في البرميل المخصص .. ونوقد عليهن النار ..



** ليتم الانتقال وتجهيز فصيص بصل , وحبة طماطه .. وتبشير الجزر .. وحبحر شقراء الأحمر ..



** يتم الحمس بعد إضافة البهارات والملح .. لمدة ثمان دقائق وثلاثون ثانية ..



** نحضر العدد المطلوب من الحمام ونطليهن بالزبدة .. بعد التبهير والتمليح ..



** ونأخذ لنا طلة على النار .. لنقلب عاليها سافلها ..



** ونبدأ بصفصفة وترتيب الحميمات على الشبك بعد تخريق القصدير ..



** بعد التجمير ... يتم إنزال القدر على المركابة ..



** ثم يوضع فوقهن شبك الحميمات ..



** ثم يغلق السطل .. علماً أنه تم بناء على جوانبه الفخار ..



** وبعد ثلاث وأربعين دقيقة .. نفتح البرميل .. لنرى تحميه الحميمات ...



**وبعد رفع الحمام يظهر لنا الأرز ..



** وتقدم الكبسة مع مشروبات غازية غالية الثمن .. تتمثل في السفن .. وبعض الفواكة لحالة الطوارئ التي قد نجحت ..



** وبالهناء والعافية .. على قلوب الجميع ..



لا تنسوا التقييم .. وإلا رجعت موضوعي الأول ..

لالا ترجع موضوعك الاول احذف ذاك من عرقه وابشر بالتقييم يا المهند
بس هالمره ما شفنا شوكات على قوله الريم ..
وبالعافيه عليك بس برميلك ما ياخذ الا ثلاث حميمات وراه..

ماشاء الله تبارك الله ،،
شغل عدل يالمهند وفالك الفوز "
وموضوعك هذا مكمل للأول وتستاهل التقييم بعد 24 ساعه على كلام السستم "

سبحان الله ياابو الضفادع
ماتجيب الا شي من البر دور لنا شي يفتح الشهيه
سبحان الله مالله عطاني من صيد البر كله
بس تقريرك احلى من ضب العام بس ماقلت والحمام من العام بعد
فالك الفوز ولو ان الشروط ماطبقتها خخخ

ولو يالمهند اتضح لي حدا امرين اما انك متوحش والا طفران ،اجل امس طابخ ضب منقطع وهالحين قوقسي !!!!!!!!!

ماشاء الله
طبخه لذيذه
بس شكل مائدة الضب أحسن من هالمائده
وين السلطه ولبن اأو خصيفه
والشطه طايحه كنك زعل ههههههه
عجبتني طريقة وضع الفخار هذي جديده علي
وش الفايده من وضعه ؟؟
بجد والله جهد وتعب مرتين تطبخ وتنفخ
تستاهل التقييم مره ثانيه
وإن شاء الله فالك الفوز بالمركز الآول الآصلي مو المكرر

وعليكم السلام
مع آني مآحبْ الحمآمُ بس ْ يهونْ عند الضب ْ
شغلَ نظيفْ ومرتبْ وآتكيتْ ------------> بسْ وينْ الشوكة
بعدينْ قيمني وآبشرْ بالتقيمُ ---> تلعبْ علينآ
تستآهلْ الفوزْ وبعدينْ هالموآدع حايمنْ تسبديْ شروط ومآشروط ْ
ماعليكْ منهْ انت بتفوزْ قبله --> آفلقني ْ
كنُ بخيرْ

اقتباس: المشاركة الأصلية كتبت بواسطة » اِلـَوَفْآءْ بـِنْـتْ    وعليكم السلام مع آني مآحبْ الحمآمُ بس ْ يهونْ عند الضب ْ شغلَ نظيفْ ومرتبْ وآتكيتْ ------------> بسْ وينْ الشوكة بعدينْ قيمني وآبشرْ بالتقيمُ ---> تلعبْ علينآ تستآهلْ الفوزْ وبعدينْ هالموآدع حايمنْ تسبديْ شروط ومآشروط ْ ماعليكْ منهْ انت بتفوزْ قبله --> آفلقني ْ كنُ بخيرْ

الي يحط شروط يتقيد بها ولا من الاصل وشوله
مقادير وروابط والاسم ووو .. الخ
المهم ياحسافة تعبي راح في ضب وحمامه

ماشاء الله تبارك الله
هذاالطباخ ..ولوانه مهنا فرق عن الضب
وبعدين تراني رديت على مشاركة الضب والحمام ولاشفت لك ردود

المهند يعجبني فيك شي واحد انك تحاول انك تلحق بالركب ولا فيه امل تلحقه بس انك تحاول ومن سار على الدرب وصل .اخراج سفرة في قمة التواضع عبارة عن موزه واحدة التفاح شكلين حبتين فقط ملاعق والسفرة ذيك الرهيفه .
المهند واصل واصل وحنا معك