مطبات الاولين

السلام عليكم ورحمة الله وبركاته

اتمنى ان تكونوا في صحة جيدة اخواني واخواتي
اجازة المدارس الاخيرة كنت بتمير وهذا اخر خبر لي فيها
اليوم وانا جاي للديرة الغالية مشتاق ومغيب البزران عن مدارسهم
والجو كمل فرحتنا بس فرحة ماكملت

تفاجات في احد الحواري بعقم قصدي مطب واااو راحت سيارتي

مع اني ماكنت مسرع بس ماتوقعت مطب نهائيا
انا نشبت في الدركسون وام محمد في القزازة ومحمد تحت المرتبة
والجنط انكسر والعكس طاح والكفر بنشر >>>>> صار حادث مو مطب

حتى اغراضنا في الشنطة احتاست

رجعت المغرب للمطب وحاولت اصوره بس الظلمة سبقتنا
ودي اعرف الهندي اللي مصلح المطبات لان خويي يقول الديرة كلها لغموها بس شي عن شي
هو فعلا يخدم اهالي الحارة بس مو بالشكل هذا
المفروض مطب عصري يعني مطولينه شوي عشان اللي يسرع يهدي غصب
والسيارة ترتاح في تجاوزه
على العموم اسف على الاطالة بس اتمنى تعديل المطبات وبشكل سريع

والسلام عليكم

يادافع البلا ..
الحمدلله على السلامة
غديه ماصورة كهرب طايحه وانت مانتبهت !!!
وين ذا المطب فيه لانطيح فيه

الحمد لله على سلامتك

الحمداللة ع سلامتك ماتشوف شر

الحمد لله ع سســلآمتك

سنك ايــأيي شفته حسســبته ضــلآل ماصورة الكهرب باللــيل مادريت الانــي مــاكله
موتــري احس انه شوي وينكسر والحمد لله ذاك اليوم ع موتر اخوي هايلكس ومرفع مــوب بموتــري صغيره لوه كــآن منكٍسسر

فعلاً اخوي ابو محمد :

العزيزيه ملغمه تلغيم بالمطبات وانا مثلك كلته مادريت وتفقعت مساعداتي ..واتمنى من البلديه وضع

المطبات للتهدئه وليست لتكسير السيارات لان التكسير فيك فيك حتى لو تهدي على قولة اخوي ابو محمد (عقم) .
ولكن ان شاء الله يشوفون لها حل في اقرب وقت.

اقتباس: المشاركة الأصلية كتبت بواسطة جار القمر    يادافع البلا .. الحمدلله على السلامة غديه ماصورة كهرب طايحه وانت مانتبهت !!! وين ذا المطب فيه لانطيح فيه

يدفع البلا عنا وعنك ان شاءالله
وماصورة الكهرب اهون من مطبهم
دمتي بخير

اقتباس: المشاركة الأصلية كتبت بواسطة ولد لندن    الحمد لله على سلامتك

الله يسلمك اخوي

اقتباس: المشاركة الأصلية كتبت بواسطة ملاامح الخجل    الحمداللة ع سلامتك ماتشوف شر

والشر مايشوفك ان شاء الله

والله مشكله هلامطبات...