الرحله

الاحبة في منتدى تمير
اهديكم جديدي

الرحله

الرحــلــه اللي عطتني في حياتي علـوم==مابين وقت الذهاب وبين وقت الاياب!!!

اجمع حقايب ســفر واجمع حقايب هموم==ولا تأخرت لـجلك يافـــلــول الزهاب!!!!

وان كان غيري يشوف ان القرار محسوم== قناعتي ماتشوف الا اكتمال النصاب!!!

مبداي مبدأ التســامح واتواضع واشــوم==عن كل إثاره يدوربها الخطأ والصواب!!!

وانشــفت عوّد حضوري مايسـدّ اللـزوم==ماله لزوم الحضور اللي مثابة غياب!!!

ماهـوب معناه مجهول القدر وامهــضوم==لكن تورّعت في عصرٍ تطير الجعاب!!!

(وش عاد لوبين جمهوري ضهرلي خصوم==صحيت روح التنافس عند بعض الشباب)

يوم الحقــايق ماكــانت واضحه للــعموم==اسدل عليها الستار ودونها صك باب!!!

والموهبه شـمس مايحجب سـناها غيوم==مهـما تخــلل بدايــتـها بدايـة ضــباب!!!!

ماهيــب لـحية تجــارب بين ليـله ويـوم==تجاربي وقت لويحسب يطول الحساب!!!

طموحــي اللـي وراه احـث كـل العزوم==واثق من الصولجان اللي يسوق الركاب!

دليلي اني نجم واعشق مصاف النجوم==امسيت فوق الرمل واصبحت فوق السحاب

هذي هي الرحـله الي كـان ودي تقوم==ماهوب خوفٍ دفعني لــقتحام الصـعاب.!!!

الخوووف من رحلةٍ ماعـاد فيها قدوم==اصبح من اعلى الرمل وامسي علي التراب

ليلان الرشيدي

مبداي مبدأ التســامح واتواضع واشــوم == عن كل إثاره يدوربها الخطأ والصواب!!!

وانشــفت عوّد حضوري مايسـدّ اللـزوم == ماله لزوم الحضور اللي مثابة غياب!!!

::::::::::::

صح لسانك .. وعلا شانك يا ابو حامد

دائماً متميز ودائماً مبدع

واتمنى بان تكون هذه الرحلة ( تواصل اكثر وحضور اقوى )

في هذا الكيان الشامخ وان لا تحرمنا من عذب كلماتك ونثرها بين جنبات هذا الكيان

فالف الف شكر وجزاك الله الف خير لهذا الحضور وهذا العطاء

(وش عاد لوبين جمهوري ضهرلي خصوم==صحيت روح التنافس عند بعض الشباب)


يوم الحقــايق ماكــانت واضحه للــعموم==اسدل عليها الستار ودونها صك باب!!!

صح لسانك شاعرنا المبدع والله يوفقك يارب

اقتباس: الخوووف من رحلةٍ ماعـاد فيها قدوم==اصبح من اعلى الرمل وامسي علي التراب

صح لسانك
ولنا عليك حق ماوفيته ياليلان
حنا من احبابك وعشاق شعرك
بس انت لالاسف بخلت علينا بهالشي
واعذرني على قساوة عبارتي
ولاكن تاكد انها من قلب محب
وان كنا قصرنا في حقك في استضافتك في منازلنا
فكن انت الاكرم
وتواصل معنا في هذا المنتدى
اخوك
جار القمر

قصيدة رائعة

تستاهل التميز والنجوم

وانشــفت عوّد حضوري مايسـدّ اللـزوم==ماله لزوم الحضور اللي مثابة غياب!!!


ماهـوب معناه مجهول القدر وامهــضوم==لكن تورّعت في عصرٍ تطير الجعاب!!!

صح لسانك ياليلان وأنشرح بالك
وأجعل مقامك عالي وين مارحت

ودومك متورع

يسلمك ربي وين مارحت يابو حامد..

الخوووف من رحلةٍ ماعـاد فيها قدوم
اصبح من اعلى الرمل وامسي علي التراب


كتب واتعبت القوافي يـ الرشيدي
صح نبضك على هـ الآبيآت الجزله
لاهنت

اقتباس: المشاركة الأصلية كتبت بواسطة مخاوي تمير    مبداي مبدأ التســامح واتواضع واشــوم == عن كل إثاره يدوربها الخطأ والصواب!!! وانشــفت عوّد حضوري مايسـدّ اللـزوم == ماله لزوم الحضور اللي مثابة غياب!!! :::::::::::: صح لسانك .. وعلا شانك يا ابو حامد دائماً متميز ودائماً مبدع واتمنى بان تكون هذه الرحلة ( تواصل اكثر وحضور اقوى ) في هذا الكيان الشامخ وان لا تحرمنا من عذب كلماتك ونثرها بين جنبات هذا الكيان فالف الف شكر وجزاك الله الف خير لهذا الحضور وهذا العطاء

هلا ابو عبدالله وحياك ربي.

صح الله بدنك ولاهنت على هذه الاشادة.
الحقيقة غيابي ليس له مبرر الا اني ليس لدي جديد.
تعمدت ان لا اكتب الا شي متجدد مللنا من المنسوخ؛؛ نشوف الان الشعر الجديد قليل لكن الشعراء الجدد كثُر.

لكن صدقني اول مايكون عندي جديد اخص به منتدى تمير.شاكر ومقدر على ماتقدمونه.

طابت ايامكم.
تحياتي

اقتباس: المشاركة الأصلية كتبت بواسطة النادر    (وش عاد لوبين جمهوري ضهرلي خصوم==صحيت روح التنافس عند بعض الشباب) يوم الحقــايق ماكــانت واضحه للــعموم==اسدل عليها الستار ودونها صك باب!!! صح لسانك شاعرنا المبدع والله يوفقك يارب

صح الله بدنك اخوي النادر..

لاهنت على تواجدك في متصفحي ..بيض الله وجهك.

صح لسانك