مـحـتـآر فـي قـربــك / نـآصـر بن دهـيـم

//
لك وجه تسألني عسى عندي اخبار .!
يامدور دروب الهجر والقطاعه
اتشوفني مسجون ورموشك اسوار
في وسط عينك اتحرى الشفاعه
تايه وادور بين الاضلآع لي دآر
الحب واحد والخطايا جماعه
محتار في قربك وفـ البعد محتار
مثل الرضيع اللي احرموه الرضاعه
ماعاد باقي لك من اعذارك اعذار
عذرك ضعيف ومايسر استماعه
كنك تقول بتطفي النار بـ النار
يالضايع اللي منخدع فيه ضياعه
ياما فرشت القاع من تحتك ازهار
الورد تحتك قال سمع وطاعه
خليتني اترجم احساسي اشعار
محلآ غلآك ونشوته واندفاعه
احلى من الجلسه على شبة النار
في وسط روضٍ زين الله قاعه
الصمت مايمشي على درب ثرثار
والصدق ماتبني عليه الاشاعه
خلك على ماقيل ماضي وتذكار
بياع مثلك قلبي اليوم باعه
لاجيت ابرجع لك وكن شي ماصار
قمت اتشوق لـ القمر وارتفاعه
انا كذا مخلوق من خمسة انهار
حزن والم شعر وخيال وشجاعه
بيني وبين الحظ ممشى ومشوار
همي سنه وافراحي ساعه
لـ الشـــآعـــــر المـبــــدع : نـآصـر بن دهـيـم

ياما فرشت القاع من تحتك ازهار
الورد تحتك قال سمع وطاعه
خليتني اترجم احساسي اشعار
محلآ غلآك ونشوته واندفاعه
احلى من الجلسه على شبة النار
في وسط روضٍ زين الله قاعه
الصمت مايمشي على درب ثرثار
والصدق ماتبني عليه الاشاعه

سلطان الشبرمي صح لسانك

ولسانك الشاعر

وقصيده مميزه

تحياتي

قناص

صح السانك اخوي سلطان الشبرمي على مانقلت الله لايهينك

رووووووووووعة سلمت اخوي على ذوقك الرائع


تقبل مروري ....

صح لسان بن دهيم

شاعر متمكن وله اسلوبه الخاص به ..

سلطان الشبرمي هذا الحضور وإلا فلا ...

أتحفتنا بهذه الرائعه وليست غريبه منك ..

صح السانك وصح لسان الشاعر ناصر بن دهيم
ابيات جزله ومعاني جميله

قناص

يعطيك العافيه على هالحضور الراقي

تحيتي

الشمالي
صح بدنك ولاهنت على المرور
تحيتي

روعة الكون
يشرفني مرورك وتعليقك وتعطيرك
مرورك كالورد الانيق وحضورك كالعطر الرقيق
شكرا لكي

السنافي
الله يسلمك
مشكور جزيل الشكر على تواصلك
بما أطرح ومدى حضورك الراقي
تحياتي