الجمهرة لحاامد زيد

للأستماااااااااااااااااااااااااااع

اي بالله أخطوا والخطا اللي جابهم عين الصواب
مبطي وأنا أشوف الطمع يكشف رداهم وأستره
مايملي عيون الحسود بهالزمن غير التراب
ومن لايتوب من الخطا تحرم عليه المعذره
اللي من أولها خراب أكيد بتاليها خراب
والبندق اللي ماتثور في هدفها تذعره
ودك اليامن جاتك الغلطه من الناس القراب
الصاحب اللي ماكسبت محبته ماتخسره
مشكلتي إني ماعرفت أحسب لصدتهم حساب
قلطتهم صدري على ذكرى قصيد وحنجره
صوت ٍ يصول بمنبره واخطاب مامثله خطاب
والطيبه اللي زعزعت صوت الخطيب ومنبره
مافيه دمع ٍ صوبوه أحبابي بوجهي وخاب
ولازرق حزني على غالي ولافج انحره
كل الزهاب اللي معي ذكرى من أصحاب الزهاب
واللي بقالي من عذاب اشرس طريقي وأخطره
لأني تجنبت الغرق.. عديت من فوق السحاب
لأن أكثر أصحابي ورق..ماشفت للطيب إثمره
والله ماحطيت بين الحقدوالخوه حجاب
حتى غدوا ربعي يحدوني على الضيق أشكره
البارحه ثارت علي رقاب وأوتني رقاب
البارحه ياثقل دم البارح ويامحقره
أثر المصايب ماتجيك إلا من الناس القراب
وبهالزمن حتى الخوي اللي تثق فيه أحذره
أهب ياوجه الحسد وشلون جمعهم وغاب
كيف السنين اللي عطتني بعثرتهم بعثره
لابارك الله في رفيق ٍ تزعله كلمة عتاب
ولاجمع الله الرجال اللي تفرقهم مره
الصاحب اللي مايجي من صحبته غير العذاب
نذر ٍ علي إن ماهجرني وإلا أنا اللي ب أهجره
من يفتح لفرقاي باب أفك له عشرين باب
وأذا خويي مايقدر خوتي ما قدره
عو ّدت نفسي كل ماشددت لليمّه ركاب
مأصد وجهي عن طموح إلا لياجبت خبره
أن روّحوا فأنا بري منهم ليوم الحساب
وإن جرحوا قولوا لهم ماحركوا فيّ إشعره
شفهم لهم حول السنه ولا خذوا مني جواب
أحسن دوا للي يحاول يستفزك تحقره
ماكنت أحاتيهم صغيّير ..عاد أحاتيهم شباب
الصاحب اللي ما أذخره لليوم الأسود ما أذخره
شفني جمعت أوراقهم بكتاب وأغلقت الكتاب
ياوقت لم اللي تلمه وأنثر اللي تنثره
اللي يخاف من الظما يترك لنا طرد السراب
واللي ماهو بقد الظلام ووحشته لايسهره
عقب أكتئاب البارحه ماعاد انا حمل إكتئاب
الطيب جرجرني وانا ماني بناقص جرجره
انا تجرعت الظما لين أحترق وجهي وذاب
انا كسرت بخاطري قبل الصداقه تكسره
انا خسرت اللي غيابه غير عن كل الغياب
انا غفرت لعلام ٍ ماتستحق المغفره
انا أكثر (أنسان) تعلم من كثر ماأخطأ وصاب
انا أخر (لسان) يتكلم في زمان الثرثره
انا القصيد اللي فزع من دفتره مليون ناب
وانا الوحيد اللي جمع مليون ناب بدفتره
جفني وجرّحه السهر ، حيلي وهدّته الصعاب
دمعي هدر،ضحكي ندر،عمري وضيعت أكثره
شيب بعقول العرب..هيبت روس ٍ ماتهاب
جمهرت ناس ٍ عمرهم مايعرفون الجمهره
ماصرت ذيب إلا لأن اللي تحدوني ذياب
ما كنت أغيب إلا لأن العفو عند المقدره
ترى حلاتك لاحملت لصاحبك كلمة عتاب
أن مانطقت بها بوجهه ماتذمه بظهره
في هالزمن مايملي عيون الحسود إلا التراب
والا الحظيظ.. الطلقه اللي ماتصيبه تذعره
ودك اليامن جاتك الغلطه من الناس القراب
الصاحب اللي ماكسبت محبته ماتخسره

[align=center]قصيده رائعه من شاعر رائع وله أسلوبه المميز

هذه القصيده أتوقع لها سالفه

ولكن المعنى في بطن الشاعر ..

شكرا يا شموخ على هذا الجهد المتواصل ....[/align]

مشكورين على الإبداع والى الامام

في هالزمن مايملي عيون الحسود إلا التراب
والا الحظيظ.. الطلقه اللي ماتصيبه تذعره
ودك اليامن جاتك الغلطه من الناس القراب
الصاحب اللي ماكسبت محبته ماتخسره

صح لسان حاااامد زيد

وسلمت لنا أناملك ياشموخ أنثى

تميز في كل شي ماشاء الله

ومن أبداع الى أبداع

دمتي بود

اقتباس: المشاركة الأصلية كتبت بواسطة السنافي    [align=center]قصيده رائعه من شاعر رائع وله أسلوبه المميز هذه القصيده أتوقع لها سالفه ولكن المعنى في بطن الشاعر .. شكرا يا شموخ على هذا الجهد المتواصل ....[/align]

العفووووووووووووو يالغلا
شاكرة لك مرورك
لاتحرمني تواجد
ك
دمت بخير

اقتباس: المشاركة الأصلية كتبت بواسطة أبو مهند    مشكورين على الإبداع والى الامام

العفووووووووووووو يالغلا
شاكرة لك مرورك
لاتحرمني تواجد
ك
دمت بخير

اقتباس: المشاركة الأصلية كتبت بواسطة ولي العهد    في هالزمن مايملي عيون الحسود إلا التراب والا الحظيظ.. الطلقه اللي ماتصيبه تذعره ودك اليامن جاتك الغلطه من الناس القراب الصاحب اللي ماكسبت محبته ماتخسره صح لسان حاااامد زيد وسلمت لنا أناملك ياشموخ أنثى تميز في كل شي ماشاء الله ومن أبداع الى أبداع دمتي بود

العفووووووووووووو يالغلا
شاكرة لك مرورك
لاتحرمني تواجد
ك
دمت بخير

صح لسان الشاعر حامد زيد

وقصيده روووووووووووعه وفي الصميم


الف شكر يا شموخ انثى على أختيارك الررررررررررائع

[align=center]صح لسان الشاعر حامد زيد ويعطيك العافيه يا شموخ انثى على أختيارك الرائع[/align]

أن روّحوا فأنا بري منهم ليوم الحساب
وإن جرحوا قولوا لهم ماحركوا فيّ إشعره
شفهم لهم حول السنه ولا خذوا مني جواب
أحسن دوا للي يحاول يستفزك تحقره


مــــافيك حيلة أختي شموخ
إبداع متواصل ماشــاء الله أتمنى أن لاينقطع