أنا على المقناص قلبي يرفي

]

	أنا على المقناص قلبي يرفي = فترة ونرجع يم أهلنا مناكيف بديار لفروق الحبارى تلفي = جنوب من حزم الجلاميد وطريف الطير هو غاية مرامي وشفي = أقدرة تقدير الأجواد للضيف من كبر قدره شايله فوق كفي = وأرعاه تسع شهور بالقيض والصيف وأداهله لا شفت ريشه مصفي = على الدعو واخفف النسر تخفيف نقله يشرفني وشوفه يكفي = عن شوف ناسٍ ما تعرف المعاريف لا شفت لي نو بروقه ترفي = نويت أجهز موتري للتكاليف القيض كله جالسٍ ومتعفي = وبرد المكيف نشف الدم تنشيف متى سموم القيض عنا تقفي = وسهيل قبلي يعمد الفجر قد شيف والنار يصلح شبها للتدفي = والبرد نوجس من نسيمه هفاهيف قمنا لعزبتنا نشيل ونضفي = ونكمل الناقص ونملا المطاريف اللي نشيل من اللوازم مكفي = مكتفين العفش بالحبل تكتيف يمكن الى جينا البقالة نوفي = حاجات نشريها كمالت مصاريف والصبح من حزم ابرقيه مقفي = صوب المعضم والهضاب المقاييف بديار جعل أشجارها ما تجفي = تعلها غر المزون المراديف في رفقة اللى نارها ما تطفي = على الشرف والجود ربعٍ مواليف مجلاس طلقين الشوارب بصفي = على الدلال اللي بهن ساخن الكيف خويهم ما أوجس كلامٍ يحفي = غير المزوح الطيبه والسواليف عقال وزن عقولهم ما يخفي = ولاهم على الفاضي خفاف وملاقيف[/poem]

الشاعر....... بدر الحويفي

تسلم يدينك

وصح لسانك ولسان الشاااااعر

مشكووووووووووووور على نقلك



سلام

السعودى تسلم على حسن الاختيار والنقل المميز


والله لايهينك

تحياتى

صح لسانك

ولا تحرمنا من اختياراتك

مثل هالقصائد تنومس للقنص والبر

	مشكور على اتحافنا بهذه القصيده الرائعـــــــــــــة

مشكور على اتحافنا

بهذه القصيده الرائعـــــــــــــة

صح لسان الشاعر بدر الحويفي وعلى حد علمي فهو من الشعار الذين يعشقون المقناص ويتضح ذلك في هذه القصيده التي نقلها المتميز السعودي فألف شكر لك على هذا الاختيار ....

وتقبل تحياتي