[poem=font="Times New Roman,6,blue,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
نفسي تراودها هواجيس وهموم =دارت رحاها من الفرح بالهمومي
مرات اشجعهـاوأوجه لهـااللوم =وضــيعتهامابين صحــي ولــومي
كل مـاغزيت بدرب عودت مهـزوم = وكل درب اجيله جيت منه مهزومي
اصبحت من جور الزمن مابي عزوم = اثرا الزمن لاجار يرخي العـزومي
يمسي بي الهاجوس بالصدر مردوم = ولابان نور الصبح يـزداد كومـي
وقعت لي فـي بحـرهـايج وبه زوم = وطاح الشراع وصـار فوقي يزومي
فـي غبته قابلـت ضلعـان وحزوم = وغرقت في موجة وأناأصيح وأومي
وأدلهـك يا نفـس وأقول مقسـوم =صبرك علـي أخير مـن صبر قومـي
يا نفس هيـدي كل وقـت به ثلوم = ماهـوب وقتك بـس فيه الثلومـي
ياما و يامامن جفت عينه النوم =مثلـي عـن المرقاد عينه تشومي
وقتي رما بي وحط في جسمي وسوم = ومهما يطول الوقت تبقى وسـومي
من عصر نوح وفيه ظالم و مظلوم = دنيـاً كفينـا شـرهـا ما تدومي
وبعد الصبر ياتي الفرج شيئ مفهوم =بس أنتـي همك ما يفارقك دومي[/poem]
23 / 04 / 2006, 41 : 02 PM
نفسي تراودها هواجيس وهموم
