دمج المناهج ؛؛ و تطوير التعليم

يمر التعليم السعودي بمرحلة يطلقون عليها الان اسم ( التطوير ) و الكل سمع بالميزانيات الكبرى لتطوير التعليم و كانت البداية من الرياضيات و العلوم ؛؛

يروج الان كثير من الكلام عن دمج عدد من المناهج و المقررات ؛؛

المناهج الدينية و دمجها من اهم المواد التي نسمع عن الدمج فيها ؛ و كذلك مناهج اللغة العربية ؛؛ ؛؛ ؛؛ و يقال ان هناك تطويراً كبيراً فيها و تغيرات كثيرة ؛؛

فهل تعتقد ان هناك قبول من المجتمع للتغيير و الدمج ؟

وهل يجب ان يشمل الدمج مواد الدين ؟

وان كنت ترى ان الدمج ممكن ؛ فماهي الضوابط التي تعتقد انها مناسبة للدمج ؟

وهل نعتبر ان اي تغيير في طريقة التعليم الحالية بالمناهج الدينية او بدونها ؛ نوعاً من الانفتاح غير المرغوب ؟

تحياتي

اي تطوير واي خرطي حنا ياحبيبي نكمل فشل الاخرين وتسيرنا منظمات عالميه تريد بنا ان نتخلى عن عقائدنا وعاداتنا وثقافتنا ونعيش حياة البهيميه كمايعيشون
اذا كان تعليمنا فاشل من بدايته فانت ياوزير التربيه فاشل لانك من خريجي ذالك التعليم وجميع الوزراحسبي الله عليهم وكلش يهون الا الدين
تصدق ان عندي ولد في اولى ابتدائي يعطيه مدرس الرياضيات واجب يحله في البيت انا ماعرفت احله ويمكن المدرس بعد معطيهياه علشانه ماعرفله اي تطوير كلها دريهمات قسمت بينهم >> تراهم يقولونه
وياغافل لك الله

مرحبا اخوي توام الجود ان شاء الله طيب .والله مبطين عنك .وين الناس ؟حي والا ميت؟
شف انت الوحيد اللي مواضيعك صعبة جدا وتخلي الواحد يكتب ويمسح واخر شي يهون.
وهذا يدل على عقلية جبارة وبعد نظر وفكر وخيال واسع وثقافة عالية الله يزيدك ويعطيك لكن حاول انك تراعي قدراتنا .
التطوير مطلوب اخوي والتجديد مطلوب ولابد ان نغير مثل ماتغيرنا حنا على سبيل المثال(امس كيف حياتنا؟)واليوم كيف؟تغيرنا وغيرنا الواقع.
اهم شي ان نطور المواد الدينيه ياتوام الجود وانا اتكلم من واقع محسوس ومشاهد.الى متى ونحن ندرس كيفية الصلاة نظري؟اولا /تعقيد الطالب بحفظها وهو ليس مجبر على حفظها لانه سيعرفها اثناء تأديت الصلاة .طيب ليه اعقد الطفل بكلام يرهبه من المدرسه.
على سبيل المثال /الوضوء لاداء الصلاة تعطيه كلام نظري يدهوره ويشوش عليه .ليه مانقوم بأداء الوضوء عملي .
من الامثله السابقة نطلع بأن المقصود من هذه الدروس ان يعرف الطالب كيف يتوضأ وكيف يصلي.ليه اشوش على الطالب بهذا الكلام مثل اغسل يدي الى المرفقين ثم امسح رأسي الى الاذنين .صراحة فيها تعقيد .والمناهج اللي مثلها كثير.
الخلاصة /يجب عدم اعطاء التلاميذ كتب في مواد التربية الاسلامية من الصف الاول ابتدائي الى الثاني متوسط ويكون التدريس عملي ونظري استماع فقط .والله ان تجد فائدة عظيمة للطالب لان الكتب بحد ذاتها (ارهاب للطالب).
والحديث طويل بالنسبة لقناعاتي وانتقداتي انا شخصيا.وراح نستمتع في الحديث هذا معك ومع الاخوان.
نسيم

عن اذنك يا توام الجود ابرد على حبيب قلبي نسيم
يانسيم حنا نمشي على درب اهلنا وجدودنا وعلمائنا
العالم اول ما يطلب العلم يحفظونه المتون قبل كل شي ويحفظ من الكتب ماتعجز الحمير ( اكرمكم الله عن شيله ) وطلع لنا علماء ربانيين من امثال احمد بن حنبل وابن تيميه وابن باز وغيرهم كثير
ولادخلنا الدخن الا يوم جاء من يقول مانحتاج تلقين مثل تلقين الببغاوات
وفي صحيح البخاري باب عظيم بوب له بقوله بابُ العلم قبل القول والعمل
وش الفايده ان الشخص يجيد تطبيق الصلاة والوضوء وهو مايعرف اركان الصلاة من واجباتها وش الشي اللي لازم في الصلاة واللي مهوب لازم
واستغرب كلامك يومك تقول المفروض من اول ابتدائي الى ثاني المتوسط مهوب لازم كتب اجل قل لي وشلون نعلمهم الصوم وشلون نعلمهم الاداب العامه مثل اداب الاكل والشرب والمشي والنوم وشلون نعلمهم الاستنجاء والاستجمار بالتطبيق العملي واشايء اخرى كثيره لابد من دراستها وحفظها
انا معك ان التطبيق شي ضروري ومثبت للمعلمومه لاكن لايكفي وحده لابد من العلم والحفظ
هذا من ناحيه
ومن ناحيه ثانيه هل ترى ان من اراد تطوير مناهج الدين ودمجها قصده الاصلاح الديني
يجب ان لا نكون اغبياء ونقول نعم ونحن نرى هجمتهم الشرسه على بلادنا بقصد الافساد ونشر الرذيله وبحجه التخلف عن ركب الحضارة
لن يصلح حال هذه الامة الا ما صلح به اولها
والحديث معك ذو شجون ولاكن امسك فرامل شوي لا تندفع تراي خابرك

بالعكس ياجار القمر انت رجل واعي ومدرك .انا لست مندفع مع احد وضابط نفسي .
لكن الان شفت ردك وانا والله العظيم شفني احلف اني مشغول وقريت ردك وانا على عجاله وراح نكمل النقاش من بعد منتصف الليل يمشيئة الله.
بس على عجاله ترى رب العالمين ماينشدك كم اركان الصلاة بل هل انت تصلي والا الا؟
ماينشدك عن المتون وحفظها.
اركان الاسلام خمسه اكثر الناس يسقط منه ركن (الزكاة)لانه معدم ماعنده شي.واذا اديت فريضة الحج كم يبقى عليك؟ثلاثة اركان فقط.
وراجع لك ان شاء الله بس انتظرني.

للأسف يا نسيم انت تتكلم بمنطق العوام
الله اثنى على العلم واهله
والنبي صلى الله عليه وسلم قال فضل العالم على العابد ( شف قال العابد ) كفضلي على ادناكم وهل يقارن غير الرسول من الصحابه به وشلون وهو ادنى الصحابه
الله لن يسالني عن اركان الصلاة كم ولاكن سيحاسبني عن جهلي بامور تعلمها من فروض الدين وهي ما وصفها علماء الشرع بمالايسع فيه الجهل او بماهي من المعلوم من الدين بالضروره
لن سألني الله عن اركان الحج ولكن لو تركت ركن بجهلي فحجي باطل ولن يقبل حجي
لن يسالني عن صفة الغسل من الجنابه لاكن لو تركت عضو ماغسلته لجهلي لعاقبني بجهلي
تعلم أمور الدين نظرية وتطبيقية ولا يغني احدها عن الاخر
صف لي كيف تعلم طلاب الصف الرابع او الخامس انواع الشرك دون كتاب ( بالتطبيق ) او طلاب الصف الثاني متوسط بيع العينه والنجش
اعود واقول لن يصلح امر هذه الامة الا ما صلح به اولها
والاولون من نقلو لنا الدين حتى وصلنا صافيا من كل كدر وهم من طبقوه خير تطبيق كانو يثنون الركب في حلقات العلم السنين الطوال ويقطعون المسافات الطويلة بحثا عن حديث او مسالة فقهيه يحفظونها من اصلها ولم يكتفو بالتطبيق العملي وماقالو لن يسالنا ربنا عن اركان الصلاة والحج
والنبي صلى الله عليه وسلم علم اصحابه وقال من سلك طريقا يلتمس فيه علما سهل الله له به طريق في الجنه ولم يكن تعليمه للصحابه كله تطبيق ولاكنه علمهم الصلاة نظريا وطبقها امامهم وقال صلو كما رايتموني اصلي وعلمهم الحج وقال خذو عني مناسككم
ولو طبقنا تعليم الاسلام كما تقترح وتريد لخرج لنا اجيال الطيب منهم اشبه مايكونون بعباد بني اسرائيل الذين ذمهم الله بقوله يعبدون الله على حرف فان اصابهم خير اطمأنو به وان اصابتهم فتنة انقلبوا على وجوههم خسرو الدنيا والاخره لانهم لايعرفون من الدين الا مايطبقون فان وقع احدهم في مصيبه او ذنب لم يحسن التصرف
ولي بك لقاء غدا اما بعد منتصف الليل فحدي انا الساعه 12 وبعدها نوم
ارجو ان لا يفسد الخلاف الود
محبك

اقتباس: المشاركة الأصلية كتبت بواسطة جار القمر    تعلم أمور الدين نظرية وتطبيقية ولا يغني احدها عن الاخر

بيض الله وجهك

وانا متابع لنقاشك انت واخي نسيم ... "

..
.

دمت بخير وصحه وعافية

للاسف الشديد اخوي جار القمر صار النقاش معك مثل (استعراض القوة وفتل العضلات) لتبين لنا مخزونك الثقافي والعلمي وهذا من حقك لكن لم تختار الوقت المناسب والرد المناسب في مكانه الصحيح.
انت الان صرت مثل (اللي غادي في الليل عجته طاريه ويحسبنه مقتدي).
ضيعت نفسك وضيعتني .
انت الان تنتقد وتشكك في المطورين وتتهمهم بأنهم اعداء للاسلام ومحاربين له.
الوزير اتهمته يا اخي بالفشل وان اي واحد متخرج من الولايات المتحده عدو للاسلام.
سبحان الله .
يعني مابقي الا انت صاحب العقل الراجح !!!!!!!!!
الموضوع اللي نتكلم فيه ،له نقاط ومحاور عرضها اخي توأم الجود .
ههههههه تصدق اني قاعد احك راسي واضحك مدري وشلون نبدء معك او كيف نرسم خطوط نمشي عليها ياجار القمر.
للمعلومية على طاري خريجي الجامعات الاجنبية 90فالمية من هيئة التدريس في جامعة الامام محمد بن سعود الاسلامية درسوا خارج المملكة .
وين توأم الجود ؟يشوف جارالقمر .
تحياتي لك نسيم

تبون الجد دراستنا من الاساس كلها حشو في حشو
من تتخرج من المدرسه تتبخر كل اللي درسته .
انامع التطوير مادام الدعوه كلها علم في علم
ومعك يانسيم
تصدق اني تمصعت من شيل شنطة ولدي من ثقل فيها الله يكون في عونهم

التطوير لازم يصل للفكر قبل كل شي والافكار عندنا محطوط عليها عوازل للاسف .
مشكور ياتوأم الجود على الموضوع