قصيدة قديمة ومتواضعه سامرية

ولو كلماتها قديمه ولا تصلح لبعض الاذواق لكن حلوة ولها متذوقين ,

ياسيد روحي ترى عيني دمرها السهر
وريتني يالغضي بقعا وصكاتها

وان كان قصدك تغلي مر كم من شهر
وعشرتك يانور عيني ذقت علقاتها

ومن يوم فارقتني وانا في ضيم وقهر
حرمتني من حياتي وانت لذاتها

والله ماأنسى غرامك لويطول الدهر
ارتاح لاشفت عينك وحجاتها

ارسلت لك مناديب ولاجا خبر
ومودتك ضعت انا داخل ملفاتها

والروح مني تراها يالغضي في خطر
الله حسيبً على الدنيا ولوعاتها

غصبتني بالظلام ورغبتي بالسفر
سجنتني وسط دارن خذت لمباتها

كُل بيت في هذه القصيدة اجمل من قصيدة كامله

ياسيد روحي ترى عيني دمرها السهر
وريتني يالغضي بقعا وصكاتها

معاناة وصف للحالة اللي هو عايشها !!!!!!!!!!!!!

وان كان قصدك تغلي مر كم من شهر
وعشرتك يانور عيني ذقت علقاتها

ومن يوم فارقتني وانا في ضيم وقهر
حرمتني من حياتي وانت لذاتها

وش بقي يعني ينشده يقول كان تغلي تراه ضايقني تغليك ،كم لك من شهر مالك حس ولا لك خبر ،حس ياخي !!
يقول حرمتني من النوم وذبحني التفكير فيك .
حرام عليه والله

والله ماأنسى غرامك لويطول الدهر
ارتاح لاشفت عينك وحجاتها

ماهوب ناسي ذيك الايام الجميلة ولا هوب مرتاح الا بشوفته

ارسلت لك مناديب ولاجا خبر
ومودتك ضعت انا داخل ملفاتها

والروح مني تراها يالغضي في خطر
الله حسيبً على الدنيا ولوعاتها
تعب من ارسال الرسائل ماجاء منه خبر،يعني ضاع بين تفكير وهواجيس فتح ملفات ماضيه يشوف وش الاسباب،
واخر شي تحسّب على الدنيا كان كلها هم وضيقة صدر

غصبتني بالظلام ورغبتي بالسفر
سجنتني وسط غرفة و خذت لمباتها
شبه فراقه بالسجن في حياة مظلمة ،ونور عينه وسعادته واطلاق سراحه شوف من يحبه.

كان الله في عون العشاق .

والله ماأنسى غرامك لويطول الدهر
ارتاح لاشفت عينك وحجاتها\

الله عليك يانسيم ابيات رووعة وشرح وافي..

اقتباس: المشاركة الأصلية كتبت بواسطة عَ ـزَوـوفْ ..(~    والله ماأنسى غرامك لويطول الدهر ارتاح لاشفت عينك وحجاتها\ الله عليك يانسيم ابيات رووعة وشرح وافي..

الله يخليك ياعزوف على تواجدك وتشجيعك

عشق زمان غير الحين

كان فيه من الوعات الكايد

ابيات فاقت الوصف في الجماال

سلمت اناملك على الأنتقاء الرائع بروعة تواجدك

اقتباس: المشاركة الأصلية كتبت بواسطة اسيل التميمي    عشق زمان غير الحين كان فيه من الوعات الكايد ابيات فاقت الوصف في الجماال سلمت اناملك على الأنتقاء الرائع بروعة تواجدك

سلمت على حضورك الكبير يااسيل التميمي .
موضوع مايجي فيه ردك يعتبر مشلول مع احترامي للجميع .
كلمة صدق من قلب صادق لايعرف المجاملة ابد !!!!!!!!!