وتبقـى سيـرة الذكـرى قصيـده تكـتـب التـرحـال

علـى ذكـر‎ المواجـع والسفـر والحـل والترحـال !!
طويـت آخـر ورق عنـدي فـي دفتـر أحـزانـي ...

طويتـه .. وانكسـر قلبـي وصوتـي بالمواجـع سـال
ودريت إن الظلام اللـي تحـت كـف السهـر جانـي !!

جلسـت أجمـع مسافاتـي وأغنـي للسـفـر مــوال
على صفحة مـن الماضـي بهـا حلمـي وعنوانـي ..

بهـا كـم سافـرت عينـي ليالـي والظـلام أهــوال
وبهـا كـم سافـرت روحـي وأنـا بالليـل وحـدانـي

![حبيبـي كـل مـا أشوفـك تجـي بالذاكـره تخـتـال
نهر من فايض الذكرى يجي مـن داخـل أشجانـي]! !!

تخيل يـوم عانقنـي خيالـك .. خاطـري وش قـال !!
تخيـل قبـل أسولفلـك نشدنـي عـنـك وجـدانـي!.

نشدنـي ليـن خلانـي ![مدينـه هـزهـا زلــزال ]!
تخيـل !! ماهـدى حتـى لقـاك بـوسـط شريـانـي

أروح لسـدرة الموعـد مـعـاي لمـوعـدك مـرسـال
وأخـاف إنـك تجـي قبلـي وترحـل قبـل تلقانـي ..

هنـا كانـت ليالينـا ![غــلا]! والمقبـلات![آمـال ]!
وهنا كانت مواعيـدك مطـر تخضـر بـه أغصانـي !!

هنا شف .. باقي آثارك علـى رمـل الوعـد مـازال !.
وهنا شف دمعـه طاحـت مـن عيونـك علـى شانـي

حبيبي !! لا تنشدني عن أوضاعـي وكيـف الحـال !!!
أنا بعدك سحـاب أبيـض ![أضـم الريـح بأحضانـي]!

تسافر بي الذكرى وأحسب إني وصلت آخر وطن بالبال !!
واثـرنـي ماوصـلـت إلا بـدايـة درب حـرمـانـي

وتبقـى سيـرة الذكـرى قصيـده تكـتـب التـرحـال
سوالـف للعيـون الـلـي صـداهـا "دمعةأحـزانـي

وتبقـى سيـرة الذكـرى قصيـده تكـتـب التـرحـال
سوالـف للعيـون الـلـي صـداهـا "دمعةأحـزانـي


يعطيكي العافيه وتسلمي علي القصيد
رائــــــــــــــــــــــــــعه

الله يعافيك

شرفت ونورت متصفحي
دمت بخير