ناصر الجوهـر .. وسلـطان بن فهـد .. واخيرا .. رؤيــا مواطن في حلمه تصدق وتتحقق

بسم الله الرحمن الرحيم

اكتب الموضوع ومباراه المنتخب مع البحرين في اخر عشر دقايق

شوط اول ممتاز .. لكن شوط ثاني ياقلب لاتحزن . المشكله ما اشوف على وجيه الاعبين اي تعابير استياء او حماس .

1- اذا المنتخب ماتأهل عن قاره اسيا .. بوجود 4 مقاعد ونصف .. هذا دليل على انه منتخب لايملك المواهب او منتخب لايملك مدرب جيد او ( منتخب لايملك اداره تجيد اختيار المدربين )

2- اضاع المنتخب من النقاط مايكفي لتأهله مباشره .. لكن لولا العناد والاصرار على الخطأ والمكابره .. كله علشان مايقولون ان سلطان بن فهد يتأثر بالاعلام .. طبعا اتكلم عن اصراره على ناصر الجوهر على رأس الجهاز الفني على الرغم من كونه لايفقه بكره القدم اكثر من جدتي .. مع احترامي الشديد ..

3- اذا كان هذا اداء المنتخب في ارضه وبين جمهوره وقدام 70 الف حنجره تهتم باسم الاعبين واحد واحد وتصرخ مع كل هجمه للاخضر .. اجل اذا راح لجنوب افريقيا وماسمع الا صيحات العنصريه وش يبي يسوي ؟

4- اذا تأهل البحرين الي سكانها اقل من مليون نسمه .. عن طريق السعوديه .. وتأهلت كوريا الشماليه عبر نفس البوابه .. بوابه السعوديه .. اقول عمر السعوديه ماتأهلت .. ويكفي فضايح وثمنيات

5- توقفت عن كتابه الموضوع بعد هدف الفوز للسعوديه .. بس هذاي اكمل بعد هدف البحرين

6- التأهل اضعناه بالتفريط في النقاط الاولى من التصفيات ..

7- اختم النقاط البسيطه بحلم او رؤيا مواطن .. قريتها بزاويه احد الكتاب من فتره طويله .. انه حلم انه يرى كوره تطلع من الملعب .. ودق على شيخ وقال له .. ان صحت رؤياك معناتها السعوديه تبي تطلع من التصفيات .. وميب متأهله لكاس العالم

والله اني اعيش قمه الاحباط .. بس جزء مني مبسوط وفاق خشته .. لاني عارف لو يروح هالمنتخب يلعب كاس عالم .. موب جايب الا العار .. ويكفينا شماته

=
=

السلام عليكم

ما اقول غير . . الله يذكر ايام فؤاد انور بالخير . .

يكفي انه يحترق و يتحمس . . و سوا شي ما سووه عقبه لهم سنين . .