الى مته المهزله في تمير

بسم الله الرحمن الرحيم .. . .

الى مته المهزله في تمير مدخل تمير فيه التحويله مطبات مسار ضيق

وانت داخل على يسار السيد فيه عمال يشتغلون واكياس اسمنت وبلك على الشارع

وطريق عشيره الى مته مغلق
والكهرب و . و . و .


تم رفع بلاغ لـ نزاهـ مكافحة الفساد < اتوقع حق من حقوق اي موطن سعودي دام البلدية تتجاهل اسىلت وحقوق المواطنين

وتستمر المهازل !!

لاحسيب ولا رقيب .!!

ياخوي شف طريق مبايض تمير البارح بغيت اموت فيه

ايام زمان كان فيه رجال كل من عمره فوق 30سنه يعرفهم اذا البلد في حاجه الى اي خدمه من الخدمات ذهبوا الى الرياض والطريق بعضه وعر ويتكبدون المشاق ويحصلون مرادهم اما الأن سيارت فارهه وامكانات موجوده وطرق سريعه ولكن كل واحد خايف {يركن على جنب }او يقال هذا مشكلجي هذا فعل رزت المجالس البلديه وشوفوا اذا حصل مناسبه كيف حضراتهم يحضرون بالبشوت ورز الكرش والخشم وكأن على رؤوسهم الطير والنتيجه لاشئ ولوكان الأمر يعني بعضهم وهوخارج المجلس رأينا كيف يطول لسانه ونفسه اما مايحل ببلدتنا الحبيبه من خنق مداخل او استهتار شباب او نقص في عددالأئمه والمؤذنين ونقص خدمات المساجد والصحه هذا اخر مايفكرون فيه اما حضور الأحتفالات والتكريمات خذ رجال المهم مكافأت المجلس لاتخصم والباقي في ستين داهيه الى الله المشتكى وحسبنا الله ونعم الوكيل


موضوع مهم جدا امل نقله لجميع محطات الأتصال { تويتر . فيس بوك . وايضاء تفاعل الجميع للعل الضمائر النائمه تستيقظ }

ياكثر الشكااوي في تمير

يامن سميت نفسك كيان الكيان امه والأمه تشتكي الحال ولاتخص احد بعينه وليس بعيب ان تطلب حق العيب في ان تشكو فلان اوفلان او تعارض مصلحه عامه افهمت اصلح الله قلبك وعملك كنت اتمني ان تشارك مشاركه فعاله ولكن الباب مفتوح .

الله يعينكم يارب ويسهلها ان شاء الله

والله الطرق كلها خطره كل الي تدخل لتمير لا طريق مبايض ولا عشيره ولا مدخل تمير
عيالنا وبناتنا راحت ضحايه هالخطووط


محد تحرك وتكلم لا تقولون شكيتو حقت الفساد لان هم ماراح يسوون شي


الطريق مدخل تمير قسسم بالله اذا جينا معه اول مطبات اذا هديت كم سياره وراك تبي تطلع


كانهم ملحوقين ولا فيه مكان توخر علشان هذا الشخص الطاير يطلع


الي مته وانتم ساكتين وربي حرام المفروض خط عشيره مخلص الحين دخلنا ثلاث سنوات وماشفنا اي تطور


لو تسكر مدخل تمير مع الامطار لو كتب ربي الناس وين تروح ؟




عجبكم الوضع ياهلي تمير وين الفزعه لهلي الديره وين مطمركم الي قبل اي شي تبونه تسووونه


مانبي كتب موضيع في المنتدى نبي افعال

الله يعين مثل شكاويكم عمري ماقد سمعت احمدو ربكم انكم تمشون على سفلت غيركم مابعد وصله التقدم. يمشون على رايغن طايرتن بهم

يافراوله تنقط غبار الحمدلله وجوبا اما قولك اننا نمشي على اسفلت وهل تريدنا نركب حمير لأن غيرنا ماحصل سياره ياليت الواحدمنا يقول خيراو يصمت الحال لاتسر واموات الطرق في زياده وابناءنا وبناتنا يسلكون هذه الطرق المتعرجه السيئه كل يوم ومامن مجيب ويأتي ُاناس فاضين ويقولون لماذا تطالبون بتحسين الخدمات هل ينتظرون هؤلاء ان يموت لهم غالى لاسمح الله او ان تصدم سياراتهم ام انهم يمشون راجلين ام هم عميان لست ادري..