قصيدة مؤاثره في اب يطلب من ابنه ترك الدخان

قصيده للشاعر حمد بن عبدلله المعجل(رحمه الله) قالها يطلب من ابنه ترك الدخان
وهي قصيده مؤثره جداً.......
وقد استجاب له ابنه.....
أليكم الأبيات اتمنى تعجبكم
يقول من حده من البين حادي
قد لي وأنا قلبي من البن مضهود
من واهجنٍ بالقلب حرق فؤادي
بالليل عني كنها عين مرمود
وبهالسبب حاربت نومي وزادي
إلى ذكرت عبيد وفهيد وسعود
والرابع اللي مثل طير الهدادي
أخاف طير الصيد يرد مصيود
تجنبوا درب البلا والنفادي
سو تعرفونه وجع قلب وكبود
خوفًًً على الصفحه يجيها سوادي
وانتم رجال الطيب من فضل أبالجود
ترا الهوا والنفس تبغي جهادي
ومن طاوع الشيطان والنفس مقرود
لاشفت بعض الناس تايه وغادي
أنت أحمد المعبود منتاب محدود
هذا نصيحة والدك ياسنادي
ما أذكر بالدخان ربح ولا فود
لاشفت حالك مثل بعض العوادي
توك شباب وحالتك كنها العود
تدخل على الله ياصميمه فؤادي
أمكن على نفسك ترا الصبر محمود
سويت شرٍ للعيال الجدادي
تفتح لها باب وهو قبل مسدود
حتى يقال النار ترث رمادي
خليت درب الجود والجود ماجود
ماربح واحد من جميع العبادي
وعندي على هذا براهين وشهود
صرنا ندور رزق في كل وادي
وخفنا من المنقود والنقص والزود
نخاف من هجره عدوٍ عنادي
حبله لعورات المخاليق ممدود
والكل منكم فاهم القصادي
ويعرف طريق أبوان وأعمام وجدود

الشششششششمالي


يعطيك ربي العافيه على هالقصيده


وتسلم يمناك على نقلها


احترامي لك

شكرآ على مرورك اختي سحايب صيف الله لايهينك

الشمالي تنويعك دليل ذائقتك

قصيده مؤلمه وتحمل فكر واعي جدا ً ..

لاهنت على هذا الاختيار الجزل ياجزل ..

اقتباس: المشاركة الأصلية كتبت بواسطة السنافي    الشمالي تنويعك دليل ذائقتك قصيده مؤلمه وتحمل فكر واعي جدا ً .. لاهنت على هذا الاختيار الجزل ياجزل ..

اخوي السنافي شكرآ لك على مرورك الدائم على متصفحي

صح لسانك والسان الشاعر

قصيدة مؤثرة وابيات جزله ومعاني جميله

اقتباس: المشاركة الأصلية كتبت بواسطة عبدالله بن عبدالعزيز    صح لسانك والسان الشاعر قصيدة مؤثرة وابيات جزله ومعاني جميله

صح بدنك يالغالي عبدالله بن عبد العزيز واسعدني مرورك

//
\\
*


صح لسان قايلها

ويسلم ذووق الناقل


الشماليـ

كعادتك في أختياركـ

مبدع .
لاهنت
..,

الله لايهينك اختي شموخ على مرورك العذب وشكرآ لكي

شكراً أخي الكريم[ الشمالي]
على نقل هذه القصيدة التي تحمل النصح
والتوجيه والفائدة وليت كل من ابتلي بهذه العادة
يستفيد منها
لك تقديري