بدري على الوقت يامرني وينهانـي

العمر محدود ولاّ الوقـت لـه دوره
وانا الى الحين واحزاني هي احزاني

والوقت لو جار ماهتميت من جـوره
بدري على الوقت يامرني وينهانـي

شفني هنا والنجوم هنـاك منثـوره
ان كان ماطلتهـا مانيـب عرجانـي

شاعر واحب الشعر واغوص فبحوره
كن القصايـد تعزوابـي وتنخانـي

والشاعر اللي لا غنّى يفقد شعـوره
يستاهل انك تجي لمشاهـده عانـي

والجادل اللي معي بالصوت والصوره
تاقف على بـاب فكـري ماتعدانـي

كنهـا تـردد بعـون الله منصـوره
وكنها تغذا علـى دمـي وشريانـي

احيان فيها عقل واحيـان مطيـوره
واحيان تخطي علي وتقول بلعانـي

تضحك على لهجتي لاقلت ماجـوره
والحين صـارت بلهجتنـا تحدانـي

ماهي على الوصل ملزومه ومجبوره
تقرب وتبعـد وتذكرنـي وتنسانـي

تقول كان الغلا في جـوف سبـوره
قم اكتب اسمي غلا ولاّ قم امحانـي

لبّى الغـلا يابرنسيسـه ياسنيـوره
امن الغلا ماذكرت اسمك على الساني

اخاف مـن واحـدٍ لادق لـي زوره
قدام عيني والى من رحـت يقفانـي

يامطلعة شاعر الابداع عـن طـوره
الى متى والخطـا منـك يتمثنانـي

تخطين واسامحك واقـول معـذوره
اروح فيها لمن قلتي علـى شانـي

القلب بستان وانتي اجمـل زهـوره
مايقطفك من خفوقـي واحـدٍ ثانـي

تربّعي دام لـك فالقلـب مقصـوره
والله ماانسى غـلاك ان الله احيانـي

تربّعي دام لـك فالقلـب مقصـوره
والله ماانسى غـلاك ان الله احيانـي

مبدع دائماً آخي النادر في ذوووقك
قصيده رائعة بكل ماتحمله الكلمة من معنى .. عاشت آلآيادي ع آلآختيار..

اقتباس: المشاركة الأصلية كتبت بواسطة النادر    تخطين واسامحك واقـول معـذوره اروح فيها لمن قلتي علـى شانـي القلب بستان وانتي اجمـل زهـوره مايقطفك من خفوقـي واحـدٍ ثانـي تربّعي دام لـك فالقلـب مقصـوره والله ماانسى غـلاك ان الله احيانـي

عيني عليكـ باردة ماشاء الله عليكـ
تمتلكـ ذائقة جميلة في تذوق الشعر أيها النادر أهنئكـ عليها كثيرآ
تحياااتي لكـ أينما كنت

اقتباس: المشاركة الأصلية كتبت بواسطة الراقيه    تربّعي دام لـك فالقلـب مقصـوره والله ماانسى غـلاك ان الله احيانـي مبدع دائماً آخي النادر في ذوووقك قصيده رائعة بكل ماتحمله الكلمة من معنى .. عاشت آلآيادي ع آلآختيار..

الله يعافيك وشكرا لمرورك اختي الراقية وماقصرتي وصباحك اجمل

اقتباس: المشاركة الأصلية كتبت بواسطة عساف الأصايل    عيني عليكـ باردة ماشاء الله عليكـ تمتلكـ ذائقة جميلة في تذوق الشعر أيها النادر أهنئكـ عليها كثيرآ تحياااتي لكـ أينما كنت

حيا الله اخوي عساف شاكر لك هالاطراء وشهادة اعتز بها كثيرا
وعلى الرحب والسعه وصباحك الله بالخير

ماجمل حضورك وانتقاءك الرائع

ابيات جميله ومميزه كتميزك

ابدعتي ايها النادر بذوقك

ماننحرم من ذوقك

اقتباس: المشاركة الأصلية كتبت بواسطة ملامح صادقه    ماجمل حضورك وانتقاءك الرائع ابيات جميله ومميزه كتميزك ابدعتي ايها النادر بذوقك ماننحرم من ذوقك

الجميل حضورك وتفاعلك والله يحييك شكرا لتواجدك

ابيات رائعه وجميله

شكرا لك يالنادر