ياااهل الطيب

ياشين ناس (ن) ماتعرف المواجيب
وجبتهـا صــدت ولا وجبتـنـي

الطيب يجزا ياااهل الطيب بالطيـب
لكـن سـودان الوجيـه جحدتنـي

ماجيت ادور من وراهـم مطاليـب
والله ماغيـر العـلـوم غبنتـنـي

ولا جيت اجرب طيبتـي للاجانيـب
ولاني مجاوبها لـو انهـا نشدتنـي

معروف ساسي مادنس ثوبي العيب
يومي وغد مافيه نـاس احقرتنـي

انا ولد عـود(ن) قليـل العذاريـب
كم ديرت(ن) من طيب ابوي عرفتني

فيالله ياللي عالـم السـر والغيـب
لاتخذلـن يـوم الوجيـه خذلتنـي

هقوه وخابت دايم تخيـب وتصيـب
لكـن سـودان الوجيـه جحدتنـي

قصيدة جميلة ومعبرة ..سلمت يمنآك اخي النآدر ع الذآئقه المميزه
دمت ودآم عطآئك وحضورك .. وماننحرم يآرب ..

اقتباس: المشاركة الأصلية كتبت بواسطة سُلاَفْ القَصِيدْ    قصيدة جميلة ومعبرة ..سلمت يمنآك اخي النآدر ع الذآئقه المميزه دمت ودآم عطآئك وحضورك .. وماننحرم يآرب ..

على الرحب والسعه اختي سلاف

في بعض الأوادم طيب وأنت منهم .. عسى الله يطول بعمر الطيبين ،
لاهنت على الأبيات الـ معبرة ..!

اقتباس: المشاركة الأصلية كتبت بواسطة » اِلـَوَفْآءْ بـِنْـتْ    في بعض الأوادم طيب وأنت منهم .. عسى الله يطول بعمر الطيبين ، لاهنت على الأبيات الـ معبرة ..!

ماعليك زود اختي الوفاء الله يحفظك وشكرا لحضورك الطيب