كشته صمانية وأجواء ربيعيه بروائح زكيه

كيفكم يا اعضاء ان شاء الله انكم بخير..

بدايه الامر شاهدت عده مواضيع منقوله الى منتديات كبيره ولم يغير فيها اي شي بس بلقب اخر..
علما َ انني لم اسجل الا في منتديان فقط وهنا اكثر مشاركه واغلب مواضيعي حصريه على منتدانا وبنفس لقبي هذا..

****
مرورا بالدهناء وبين رمالها الذهبيه هنا وهناك وكثره الابل هذي الايام والبدو الرحل
في هذي المناطق بحثاَ عن الرعي نسأل الله ان يغيثنا ويسقي البلاد لترزق منه النعم.
شدني منظر اشبه مالها عشه دجاج قلت اتوقف عندها واذا يخرج منها راعي الغنم النيبالي
سألته عن حاله قال كل شي زين وتمان بس لو تكون بدل من هذي خيمه على
الاقل تحميني من الهواء والعجاج.. وين الرحمه هل ماتت انتزعت
كل راع مسؤال عن رعيته يوم القيامه ..

الخيمه التي يقطنها هذا الراعي..



يقول لي كل شي موجود بس الخيمه هذي تجيب الهم ..

وسألته اذا يبي شي قال شكرا كيفيلي يسكن بالقرب مني هناك >>



***

كملت مسيرتي واستوقفت عند راعي الابل الهندي الذي استقبلتي بحليب الخلفه
الصراحه اول مره اشرب من الحليب هذا تتعب وانت تقول حلو!!

سألته عن حاله قال اتمنى ان تقضي هذه السنه بسرعه ونشدته لماذا
قال راح اسافر لأن اولاد كفيلي يربطوني في الوايت ويضربوني لأسباب ما تستاهل وحتى لوكانت تستاهل ايعقل
ضربه بهذي الطريقه >> يقول تأتين عده ضربات كدت ان اموت منها شاهدتها بنفسي في رجله ويده وراسه
لا حول ولا قوه الا بالله .
فوالله هناك قصص كثيره ومؤثره في هذي الصحاري وفي هذي النفوذ ما يعلمها الا الله.

المهم قيد الناقه لي واكرمني جزاه الله خير
وسألأته اذا يحتاج شي
قال اتمنى بطاقه زين ابي اكلم اهلي لي فتره منقطع عنهم
قلت لك ما تريد..

للمعلوميه حليب النياق فيه علاج للأمراض المزمنه بس يجب الاستمرار عليه..



بالعاااافيه علي



بعد ذالك واصلت المسيره ولا زال البدو الرحل يشدون بحلالهم وابلهم
مرورأ بخط الصمان الى النفود وهنا وهناك ترى الابل ترعى بكثافه..

دخلت الصمان انا وابو عبد العزيز وشدني عروق الحمض اليابسه واستوقفت قليلاً
وخذتلي بعض الشي منها لأعداد وجبه الغداء..

عض الفياض سبحان الله مغبره عسى الله يجيب لها سيله لو تغسل شجرها..

وبعض الفياض جايها ريح مطر بس ما بها ربيع يذكر..



مررنا بفضه جميله قد ذكرها لي احد الاخوان وكان غير مصدق بأن يوجد بها ربيع
لم نتوقف عندها قلنا يمكن نلاقي الاحسن والاجمل ..
الحمد لله لقينا شي اجمل بقليل وشي لا بأس به
وهذي الفياض تعد على اليد الوحده وامتنع بذكر اسمائهن....
هذي بعض الصور للفياض ..

وقفنا بين اشجار هذي السدر في ضل وجود روائح العشب الطبيعيه لتجهيز الغداء وتناول القهوه ..



هجم علينا قطيع من الاغنام النجديه لتبيت خلف الروضه وتستكمل هجومها في الغد,,

ويقول الراعي انها تشبع ولله الحمد ..

يا زين المنظر هذا يا جماعه ولو الود ودي مارجعت ..



هذي الصوره اهديها للأخ مازن (ابو عبدالله)
ليته بعد ما يشوف هالصوره يسجل معنا بدل من المشاهده فقط..



وهذي صوره للغروب داخل الروضه قبل تحركنا من مكانا...






هذه النجوم سخرها الله لنا لنرى بها الدخان الكوني قال تعالى ((وَالنُّجُومَ مُسَخَّرَاتٍ بِأَمْرِهِ أَلَا لَهُ الْخَلْقُ وَالْأَمْرُ تَبَارَكَ اللَّهُ رَبُّ الْعَالَمِين))

وفي الاخيرآمل ان يحووز التقرير على اعجابكم ..

ابــو حــمــد..

الله الله الله

مرة رووعة تصويرك وربيع الصمان مرة خيــــــــــــــآأل بس البعد اقشر..

ام الناقة احمد ربك ماكسرت كاميرك ههه

وبالعافية عليك الحليب,,.

من هذا يابوحمد؟

رحلــه مـررـرـرررــرررررررررررهـ رووووووووووووووووووووووعـه


والله اني رحمت ذاك الضعيف حق البعارين :(

والله حليب النياق اسستغفرالله بس *~*


وما شاء الله عليك ابو حمد تصويرك خطيـر

تقريــر من جد جميــــــــــــل


تسلم خيو ع الصور

تقبل حضوري ...~

اقتباس: المشاركة الأصلية كتبت بواسطة نسيم    من هذا يابوحمد؟

يؤيؤيؤ لا يكون هذا انت يا نسيم ؟

اقتباس: المشاركة الأصلية كتبت بواسطة المتميزة 26    يؤيؤيؤ لا يكون هذا انت يا نسيم ؟

هههههههههه اسكتي .ابو حمد لاتعلم

ما شاء الله عليك يا ابو حمد كثيييير انسان الله يزيدك


صور حلوه جدا خاصة الغروب


وبريقك الاسود صار له صاحبه <<<< الدله

الله من الحليب في هالحمرا

مآشآء الله تقرير وصور أحترآفيه ... وأجوآء ومنآظر روعه
تستآهل من يروح لهآ ..
بالعآفيه عليك الحليب مآشآء الله وشلون تشربونه طيب والرغوه فوقه مرتفعه ..
شكلي بجرب شربه لو مره بس ريحته مآتقبلتهآ

تقرير رائع يا ابوحمد
وكان الله في عون بعض العماله على كفالائهم الذين لايعرفون الرحمه وبعضهم لايعطيه رواتبه




نسيم الصوره فيها شبه منك!!