[align=center][grade="4B0082 DC143C FF1493 4B0082"]سلام عليكم ..هااااااااااااااي افري بدي
حيالله الوجيه الزينه اللي تهبل
بما اني متشعشعه اليوم ومتفرفشه ..ومبسووطه بالعوده للمدارس
(( تعرفوون الكليات أول أسبوع اسحب عليهم السيفون ))
قلت خلني اداعب اصدقائي الأعضاء ..وامغطهم بموضوع ..!
قبل الغوص والأبحار في ردهات القصه وتفاصيلها
كلنا بصووووووت واحد >>>(( تعيش حبيبتنا كروووز ))
** نبذه عن حياة الكاتبة **
الأسم :- زريفه .. ويدلعوني زروف لأني حلووووه شوي
مكان الميلاد:- في مستشفى (( شولمان سكي )) جنوب غرب تركيا
الهوايات :- طرح القعدان .. و قراءة الكتب المفيده >> انواع التناقض
الديانه :- مسلمة .. بس احيانا ألبس عباة مخصره >> لزوم الدلع
المؤهل العلمي :- ليسانس حقوق من جامعة النعيريه
المؤهلات الجسمانيه :- طويله وجلفه ما ادخل مع الباب .. والعيون زرق طبعا >> بس يبيلي تقوووويم في الضروووس .. وتتتعب معي بريتني سبيرز
الفنانين المحببين :- خالد الشيخ و فله الجزائريه >>> الله يعز النعمه
الأكلات المفضله :- ربيان نسمه وعصير ربيع ..واحيانا بسكوت بسكوت أبو ميزاااان
الأعضاء اللي احبهم :- اقووول ياحبكم للشر والمشاكل (( كلكم حلوين طيبن بنحبكن ))
الزبده :- كل واحد يطالع قدامه ويقرا القووووووووووصه
***القووووووصه في الأسفل ***
v
v
هييييه القووووصه سوف تبدأ
هذا يومني صغيرة في صف خامس ابتدائي >> منازل طبعا
قدر الله علي وخذيت الشهاده .. ويوم خذيتها وانا اللي اسحب على الباص واروح للبيت كعاابي منها اتمشا واقزقز خلق الله .. ومنها امر بقالة ياسر واشتري فرايكو ودخان >>> داشره من يومها صغيره
لالالالا اكذب وقسمن عظمن ما ادخن ...كنت اتبردق بس
الموووووهم وصلت للبيت وانا اللي القط السماعه وادق على ابوووي في الدوام >> ناشبه
انا :- هلووووو ماي فاذر
بابا :- خير إن شاء لله نعم وش تبين
انا :- ابشرك نجحت
بابا :- طيب والمطلوووووووووب ؟؟>> يوم قال والمطلووب .. حسيت الدنيا تفتر بي وعلى عيوني ضبااااااب
انا :- اقووووول ابي نجاحتي لأبنشر مووووترك
بابا :- خلالالالالاص ألفقيها ورحي انتي واخوكي يشتري لك اللي تبغين
>>> فاااااااصل ونوااصل <<<<
نظرا لأرتفاع نسبة الرطوبه في المنطقه الشرقيه .قام اهالي المنطقه
بعمل مظاهره سلميه .. تهدف الى رفع لوحات وصور اعلانيه للمنتج المشهور وفكرة هذه المظاهره نتجت من ارتفاع عدد ضحايا
** ابو زليغه **
وعنوان المظاهره (( كم نحبك يافازلين ))
>>>>>> عدناااااااا <<<<<<<
الله الله وعقبها .. طلعت انا واخوووي للمحلات اللي قدام القيصريه ..عرفتوها؟؟
والله وانا اللي اطق سيكل 16 تتعبون معه ونمر حق الزينه .. واركب له علمين قراصنه (( وسله ورا )) علشان يمكن اردف معي احد
ونرووووح للبقاله واشتري مالذ وطاب من البساكيت والمأكولات الشهيه
وبعد رحلة من التقضي والتبضع بمناسبة النجاااح ..! رجعنا للبيت
الا مااااي فااااذر ينتظرني في الصاله .. وعبارات الترحيب تضع بصمتها وصداها في الصاله
)) هلا والله ببنيتي .. بعدي من جابت الشهادة ))
ايييه يا زرزر ابيكي كذا دايم تنجحين وتتفوقين >> مايمديكم على الأسم
وانا الخدوووود محمره .. والبرطم التحتي ارتخاااا من كثر المدح
وفجأه .......!
بابا :- زرزر وشو تقديرك فديت قلبك؟
انا :- والله هه تقدر تقول جيد
بابا :- عطيني شهادتك اشوووووف
عطيته الشهاده .. وابتسامتي شاقه الوجه
ثلاث دقايق وخمسطعش ثانيه ..الا الطفاااااااية تمشي مليون باتجاه جبهتي
ليييييه يادادي شو عملت انا ل حتى تصفءني بالطفايه >> من القهر قلبت لبناني
وانواع التهزيء والسب فيني .. زين ان واير الفيديو مهب حووله والا كان علوووووم
سؤال يتبادر الى الذهن :- لماذا عصب البابا لما قرا الشهاده؟؟
تبون تعرفووووون؟؟؟؟
7
7
7
7
7
7
انا بقوووول لكم ليه عصب البابا لما قرا الشهاده .. بس ماتهاوشوني ؟؟
الموضوووع ومافيه ..اني راسبة ورايحة في عين امها .. وزورت الشهاده وظبطتها
بس نسيت حاجه وحده ...!
(( غيرت الدرجه رقما .. ونسيت اغيرها كتابة((
** النهاااااااااااااية المأساوية **
1 ـ اقامه في البر عند الغنم طوول العطله الصيفيه
2 ـ ترجيع السيكل ..ومصادرة جميع البساكيت >>> وافشلتااااااااااااه
3 ـ سحب مني بطاقة صراف الراجحي >> صلختها
* طراااها عاد العوده للمدارس .. والقلق النفسي .. وتذكرت السالفه هذي
------------------------------------------------------
والحين اقدر اقوول لكم (( كل واحد يشوف اكل عيشه اصرف له ))
بااااايااااتوووو[/grade][/align]
17 / 09 / 2004, 04 : 05 PM
ههه بمناسبة العودة للمدارس ههه
