[align=center][poem=font="Simplified Arabic,4,firebrick,bold,normal" bkcolor="transparent" bkimage="" border="double,4,sienna" type=1 line=0 align=center use=ex num="0,black"]
مرحوم يا حباً تجوّل من خفوقي للوريد=واصبحت جثه هامده بين الضلوع المحدبه
كنت التعفف والبراءه في ابتسامات الوليد=كنت الرجوله والشهامه في السنين المجدبه
كنت السحاب اللي تعدى فوق هارون الرشيد=ضمن عطا جودك ولا حتى تنازل يطلبه
كنت البخور اللي ليا شبوك في ريحك تزيد=هم يحرقونك وانت تعطيهم من الريح اطيبه
خدعك شعر النابغة واغراك باشعاره لبيد=كنت الوحيد اللى يقول إن اصدق الشعر اكذبه
يا ترفة اجهزتي على الصنديد ذو الباس الشديد=الذنب ذنبي يوم اغامر به ولا انتي مذنبه
غروري اعماني وجيتك باندفاعات البليد=غلطت في الحسبه وجاني شي ما كنت احسبه
اجري وامد اكفوف قلبي يمة الحلم البعيد=والحزن يضحك والضما يمطر وفكري يشربه
شريت با فكاري من اللا شي خدام وعبيد=وحصان اصيل وزدت له راساً وجزّيت اذنبه
شلتك عليه وكنت ضامن لا يفر ولا يحيد=ما دام له راسين يمشي باتجاه اللي ارغبه
انا ادري انه فكر من مجنون لكن وش يفيد=مجنون يتخيّل عصاته خيل حتى يركبه
ما رد عقله لين قلتي له ترى حلمك بعيد=وافقت من حلمي وكان ارهان صعب اني اكسبه
رصاصة الرحمه هوت بالقلب وارتاح الشهيد=الله يغفر للشهيد ويرحم اللي عقبه
وارجع واقول اللى حصل شياً مقدر لى واكيد=إني عرفت الفرق بين ( اهواك موت ) و ( معجبه )
صراحتك ما زعلتني ريّحت قلبي العنيد=اخرجتي افكاري من اوهام الخيال المتعبه
خيالي المجنون خلاني على عرشك فريد=بالله من يشره على مجنون راكب بخشبه
ماله لزوم نرجع اللي فات واشرح لك واعيد=برحل ويبقي داخلى لبيات شعرك مكتبه
انتي تريدي وانا اريد ويفعل الله ما يريد=ما هو على كيفي ولا كيفك قدرنا نغصبه
هذي ترين آخر رساله لك بصندوق البريد=واقسم برب البيت لتجرى على اسمك واشطبه [/poem]
للشـــاعر/ مســتـور المالكي[/align]
27 / 02 / 2008, 25 : 11 PM
رصاصة الرحمه
