» يا شمعة دروبي ويا غاية الروح

,
.

يا شمعة دروبي ويا غاية الروح
من نزف احساسك نزف لك احساسي

هواك يجرحني وأنا منك مجروح
ولا غيرك معزي ولا لي مواسي

يا عطر ورد ٍمن شذى شوقي يفوح
يا مسك أنعش ريح عطره أنفاسي

حظي ابتسم لي يوم شفتك لي تلوح
ووقتي تسهل بعد ما كان قاسي

القلب لوصالك ولاماك مشفوح
والمر والعلقم أذوقه بكاسي

أكحل عيوني بشوفتك وأبوح
لا يا بعد ناسي عسى ما أنت ناسي

باب الصدر لعتاب الأحباب مفتوح
صدري بحر ولك ضلوعي مراسي

لرضاك أبمشي لك وأنا كلي طموح
تامر وأطيعك رافعة فيك راسي

شيدت لك في القلب من شوقي اصروح
يا مسهر عيوني وسارق نعاسي

إن كان تحلا لك دموعي وأنا أنوح
ترى دموع الضعف من قوّ باسي ..
,.

صح نبضْ قلبكِ يامبدعة ،

اقتباس: المشاركة الأصلية كتبت بواسطة » اِلـَوَفْآءْ بـِنْـتْ    صح نبضْ قلبكِ يامبدعة ،

ياهلا فيك وبحضوورك الجميل ياجميله
منوره دوووم ..