ولاجمع الله الرجال اللي تفرقهم مره

[poem=font="Times New Roman,5,blue,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
إي بالله أخطوا والخطا اللي جابهم عين الصواب =مبطي وأنا أشوف الطمع يكشف رداهم وأستره
مايملي عيون الحسود بهالزمن غير التراب =ومن لايتوب من الخطا تحرم عليه المعذره
اللي من أولها خراب أكيد تاليها خراب =والبندق اللي ماتثور في هدفها تذعره
ودك اليامن جاتك الغلطه من الناس القراب =الصاحب اللي ماكسبت محبته ماتخسره
مشكلتي إني ماعرفت أحسب لصدتهم حساب=قلطتهم صدري على ذكرى قصيد وحنجره
صوت ٍ يصول بمنبره واخطاب مامثله خطاب =والطيبه اللي زعزعت صوت الخطيب ومنبره
مافيه دمع ٍ صوبوه أحبابي بوجهي وخاب =ولازرق حزني على غالي ولافج انحره
كل الزهاب اللي معي ذكرى من أصحاب الزهاب =واللي بقالي من عذاب اشرس طريقي وأخطره
لأني تجنبت الغرق.. عديت من فوق السحاب =لأن أكثر أصحابي ورق..ماشفت للطيب إثمره
والله ماحطيت بين الحقدوالخوه حجاب =حتى غدوا ربعي يحدوني على الضيق أشكره
البارحه ثارت علي رقاب وأوتني رقاب =البارحه ياثقل دم البارح ويامحقره
أثر المصايب ماتجيك إلا من الناس القراب =وبهالزمن حتى الخوي اللي تثق فيه أحذره
أهب ياوجه الحسد وشلون جمعهم وغاب =كيف السنين اللي عطتني بعثرتهم بعثره
لابارك الله في رفيق ٍ تزعله كلمةعتاب =ولاجمع الله الرجال اللي تفرقهم مره
الصاحب اللي مايجي من صحبته غير العذاب =نذر ٍ علي إن ماهجرني وإلا أنا اللي باهجره
من يفتح لفرقاي باب أفك له عشرين باب =وأذا خويي مايقدر خوتي ما أقدره
عو ّدت نفسي كل ماشددت لليمّه ركاب =مأصد وجهي عن طموح إلا لياجبت خبره
أن روّحوا فأنا بري منهم ليوم الحساب =وإن جرحوا قولوا لهم ماحركوا فيّ إشعره
شفهم لهم حول السنه ولا خذوا مني جواب =أحسن دوا للي يحاول يستفزك تحقره
ماكنت أحاتيهم صغيّير ..عاد أحاتيهم شباب =الصاحب اللي ما أذخره لليوم الأسود ما أذخره
شفني جمعت أوراقهم بكتاب وأغلقت الكتاب =ياوقت لم اللي تلمه وأنثر اللي تنثره
اللي يخاف من الظما يترك لنا طرد السراب =واللي ماهو بقد الظلام ووحشته لايسهره
عقب أكتئاب البارحه ماعاد انا حمل إكتئاب =الطيب جرجرني وانا ماني بناقص جرجره
انا تجرعت الظما لين أحترق وجهي وذاب =انا كسرت بخاطري قبل الصداقه تكسره
انا خسرت اللي غيابه غير عن كل الغياب =انا غفرت لعالم ٍ ماتستحق المغفره
انا أكثر (أنسان) تعلم من كثر ماأخطأ وصاب =انا أخر (لسان) يتكلم في زمان الثرثره
انا القصيد اللي فزع من دفتره مليون ناب =وانا الوحيد اللي جمع مليون ناب بدفتره
جفني وجرّحه السهر ، حيلي وهدّته الصعاب =دمعي هدر،ضحكي ندر،عمري وضيعت أكثره
شيب بعقول العرب..هيبت روس ٍ ماتهاب =جمهرت ناس ٍ عمرهم مايعرفون الجمهره
ماصرت ذيب إلا لأن اللي تحدوني ذياب =ما كنت أغيب إلا لأن العفو عند المقدره
ترى حلاتك لاحملت لصاحبك كلمة عتاب =أن مانطقت بها بوجهه ماتذمه بظهره
في هالزمن مايملي عيون الحسود إلا التراب =والا الحظيظ.. الطلقه اللي ماتصيبه تذعره
ودك اليامن جاتك الغلطه من الناس القراب =الصاحب اللي ماكسبت محبته ماتخسره[/poem]

حامد زيد

تسلم يمينك يالغالي

ابياااااااات جميلة

ولشاعر معروف بجزالة شعرة

ربي يسلمك



سلام

اخي السنافي سلمت اناملك على هذا النقل الرائع

ولا جديد فقد عودتنا على ذلك

وصح لسان الشاعر الفذ حامد زيد

وفعلا ً كما قال

أهــب يـاوجـه الحـسـد وشـلـون جمعـهـم وغــاب

كـيـف السنـيـن الـلـي عطـتـنـي بعثـرتـهـم بـعـثـره

لابـــارك الله فـــي رفـيــق ٍ تـزعـلـه كلمـةعـتـاب

ولاجـمــع الله الـرجــال الــلــي تـفـرقـهـم مــــره

ومن قال سالم ياهادي وحياك الله

ويسلم من قال يالدبلوماسي وتواجدك له بصمته

الصاحب اللي مايجـي مـن صحبتـه غيـر العـذاب &&&& نـذر ٍ علـي إن ماهجرنـي وإلا أنـا اللـي باهـجـره


تسلم يالغالي على هذا الأختيار الرائع..قصيدة فيها من الحكم والدروس الشي الكثير ..

صح لسان قايلها...وتسلم يد من جابها ...

اختيار راااائع

وحامد زيد شاعر رائع

كل الشكر لك

عقـب أكتئـاب البارحـه ماعـاد انـا حمـل إكتـئـاب
الطيـب جرجرنـي وانـا مـانـي بنـاقـص جـرجـره
انـا تجرعـت الظمـا لـيـن أحـتـرق وجـهـي وذاب
انــا كـسـرت بخـاطـري قـبـل الصـداقـه تـكـسـره
انـا خسـرت اللـي غيابـه غيـر عـن كــل الغـيـاب
انــــا غــفــرت لـعـالــم ٍ مـاتـسـتـحـق الـمـغـفــره
انا أكثر (أنسـان) تعلـم مـن كثـر ماأخطـأ وصـاب
انــا أخــر (لـسـان) يتكـلـم فــي زمــان الـثـرثـره
انـا القصيـد اللـي فـزع مـن دفـتـره ملـيـون نــاب
وانـا الوحـيـد الـلـي جـمـع ملـيـون نــاب بدفـتـره


سلمت يالسنافي على على هذا النقل الرائع وصح لسان الشاعر حامد زيد فعلاً قصيده تحكى الواقع فاكثر شي يفرق بين الاصدقاء هي المراءه

الاخوان
ملك روما

نقا هشال

باحث قضايا

الله يسلمكم جميع على تشريفكم وعلى مروركم الكريم وياهلا فيكم