مقتطفات من آخرايام القميري نسيم وابوحمد

من هنا وهناك بحثاَ عن هذا الطائر الذيذ اليكم بعض ما اقتطفته عدستي
من اخر ايام رمضان وحتى قبل اسبوع من تاريخ اليوم
كان في صحبتي في بعض تللك الايام الاخ نسيم
لن اطيل عليكم اترككم مع الصور
>> يوجد صور حصريه للاخ نسيم
بس شارط علي شرط ادخلو وتتشوفون الشرط وشو>>
الله يستر لا يجي واحد وفاهم يحوس نسيم ويطلع الـ ....>>>
اخليكم مع..

استفتح الصور بهذي القميريه >>اهداء الى محبي هذه الساحه..



وهذي مجموعه صور من صيد هذي الشهر 1430هـ

















هذا الطائر يسمونه الرقاص او ابو لسان..







اتوقع الحين عرفتو شرط الاخ نسيم











وهذي هي نتيجه الصيد والتسليه ..





والى اللقاء ان شاء الله
الى موسم ثاني ومكان آخر..

تحياتي لكم..
ابــــوحـــمـــد

ابوحمد والله مدري !الناس ماتخلي احد الله يستر.

ما شاء الله عليكم
يابو حمد ونسيم صيد طيب
بس الحين عرفت شروط نسيم
بس على العموم الموسم الجاي احجز مكاني



بالعافيه يارب على قلوبكم
بس ما علمتنا من الي طابخ الكبسه <<< احراج هاااهـ

ابوحمد ليت من يدبغ في الكبسه هالحين والله ياني جوعان

وعليكم السلام ورحمة الله وبركاته

مشاءالله تقرير كالمعتاد يابو حمد
قمة بالروعه مشاءالله
من مصوركم هنا اعترف





شعندكم موشوشين على الوجيه
اكيد نسيم شارط عليك !!

موضوع يستاهل التقيم

معانق هم حنا مانحب الاعلام والظهور هههههههههه

القميري جا وانا عـن مضاريبـه بعيـد = ليت من هو في شعيب العصل يومه غشاه
ليتني به يوم جاه اشهد انه يـوم عيـد = اشهد انه يـوم عيـدن لصيـادن لقـاه
في شعيبن كل من ماجاه قناصـن يفيـد = مدهلـن للطيـر لا دونـه ولا مـن وراه
اعترض للصيـد فـي مهمهياتـن وبيـد = مايمر بجورتـه طيـرن الا قـد نصـاه
طلحه يناد البعيـد فيـه ميقاعـن فريـد = لو وقع به كل سربـن مهاجـر مامـلاه
اهجدن بيض الصدور العصل من كل حيد = واصبحن مكنفشاتـن بطلحـه وبحصـاه
لاوصل سربن وقع اقبلن سربـن جديـد = لين دكن في طلاحه وفاضن فـي شغـاه
كل ماقيل امتلا قـال لا هـل مـن مزيـد = قامت اسراب القميري تهاوى من سمـاه
كل طلحه تشتكي لاختهـا حملـن شديـد = من كثر حمله تهصر غصونه من عنـاه
لو حلت فيها عمى كان باليسرى يصيـد = كل طلحه بالعصل واصلـن بـه منتهـاه
يحترن الرامي اللي معـه رايـن سديـد = مايـذيـر او يطـيـر ويتركـهـن وراه
يمشي بهـون وركـاده وياخـذ مايريـد = باخصن ماهوب ماشاف من طيرن رمـاه
مايفيـد الهـرج وإلا التمنـي والقصيـد = مير انا مما معي قمت اخطـط بالعصـاه
طردي المقفي خساره خذ العلـم الوكيـد = يوم انا اكتب هالقصايد واسوي هالسـواه
ادري انه لا مضى الوقت لايمكـن يعيـد = ساعتن زلـت وولـت بخيـره وبغثـاه
ياحـلالات القميـري علـى رز الرشيـد = وشاهي الرمث ان خدر غاية النفس ومناه
ودلتن صفرا قدوعه نما حـدب الجريـد = في شعيبـن مايدلـه ولا فـرخ القطـاه
ذا وصلى الله على المنذر ليـوم الوعيـد = ازكى تسليمن له من الولي وافضل صلاه

وداعاً أيها الضيف العزيز ... جئت إلينا فلم نكرمك كما ينبغي لك ...
فعذراً وعذراً ...

تصدق يا أبوحمد إني إذا شفت القميرية وبغيت أصيدها إني أرحمها وأسمي عليها ... مدري ليه .. وبعض المرات إذا شفت ثنتين مع بعض خطر أنه يتقطع قلبي وأنا أرمي ... لكن مدري وش السواة ...



بناء على وصف الصورة : نسيم يميل إلى السمار ... ومقصقص شعره كابوريا .. وحاط فرنسيه على جنب .. وراعي قمصان ... ويحب التنتيف ... !!
بصراحة شخصية غامضة ..!!

على العموم رحلة موفقة ... وكشتات منوعة ... وبيض الله وجهك يا أبوحمد ...

بناء على وصف الصورة : نسيم يميل إلى السمار ... ومقصقص شعره كابوريا .. وحاط فرنسيه على جنب .. وراعي قمصان ... ويحب التنتيف ... !!
ياخوي كنك تاصف واحد مطلوب.وش جاب القصات ؟
نسيم

اقتباس: المشاركة الأصلية كتبت بواسطة نسيم    ابوحمد والله مدري !الناس ماتخلي احد الله يستر.

ما عليك يا صديقي هو لا يجي احد ويشيل الثياب والباقي في الطاعون ههههه

ماشاء الله
كشته جميله بكل معانيها
بوجودك ووجود نسيم
وماشاء الله هذا نسيم متوقعته دب لكن ماطلعت توقعاتِ في محلها
تطورات اليوم طلع الجسم وبكره الوجه !



الله يفرح قلوبكم على هذه الكشته الرائعه
ودمتم بخير