سقا الله زمانٍ يوم كان [ اللقا يفرحك ]

,.

سقا الله زمانٍ يوم كان اللقا يفرحك
............ يومنا إنتقاسم ضحكة الوقت وإزعاجه

زمانٍ ليامنه طرى / قلت :يا مملحك
............ اثارِ السنين إبدون وصلك ولا حاجه

تعبت أسهرك واليا سهرتك تعبت أمرحك
............ ي حلم السنين وسيد الشعر وأفواجه

خسرتك وانا اللي كان لازم علي أربحك
............ شبيه المريض اللي بيده ضيع إعلاجه

إذا قلت لي مشتاق / قلت الله يسامحك
............ وش الشوق لا صار الرجل شوقه إحراجه

أجي للمكان اللي تجي فيه لجل ألمحك
............ ولو كان مالي في مكانك ولا احتاجه

ي فيني حزن وأخفيه وارسم ملامح ضحك
............ وانا لي سبب والا الفرح طافي إسراجه

أخاف العدو يضحك إحجاجه وأبا اصارحك
............ يموت الرجل ولا العدو يضحك إحجاجه

ترى أوضاعنا ماظن تسرك ولا اتريحك
............ إذا كنت غالي قدر الوضع بامواجه

أشوفك قريب ولاني بقادر أستسمحك
............ وإذا جيت بيتك ردني العقل وإسياجه

ي كثر الذي مر بعيوني ولا طيحك
............ يطيحون هم وقدرك أبراجه أبراجه

وانا خابر لي بحر بقلبك وسابحك
............ ي بحر تحسفنا على امفارق أمواجه

لفيتك وانا سيد مسا الماضي وبارحك
............ فلا تكابر بشوقك وللشوق مخراجه

لو أخفيته بقلبك عيونك تبي تفضحك
............ يموت الكلام ونظرة الشوق زعاجه

تعال وتهايق في خفوقي وشف مطرحك
............ وشف كيف لك نار من الشوق وهاجه

وإذا كان درب امواصلي لك يبي يجرحك
............ صحيبك على شانك يبي يرجع أدراجه

لا صار البعاد اليا استوا يستوي لصالحك
............ أبرضا ولو ماني براضي بمنهاجه

يا شين المكابر والبلا اللي لجا يذبحك
............ ليا قلت ماحتاج اللقا وإنت محتاجه

لــ الشاعر : سعد المطرفي

ترى أوضاعنا ماظن تسرك ولا اتريحك
............ إذا كنت غالي قدر الوضع بامواجه

أشوفك قريب ولاني بقادر أستسمحك
............ وإذا جيت بيتك ردني العقل وإسياجه

ي كثر الذي مر بعيوني ولا طيحك
............ يطيحون هم وقدرك أبراجه أبراجه

الله الله
قصيدة رائعه جدا وكل بيت عن قصيدة حفظك الله واختيار جميل جدا
عافاك الله يالراقيه

اقتباس: المشاركة الأصلية كتبت بواسطة النادر    ترى أوضاعنا ماظن تسرك ولا اتريحك ............ إذا كنت غالي قدر الوضع بامواجه أشوفك قريب ولاني بقادر أستسمحك ............ وإذا جيت بيتك ردني العقل وإسياجه ي كثر الذي مر بعيوني ولا طيحك ............ يطيحون هم وقدرك أبراجه أبراجه الله الله قصيدة رائعه جدا وكل بيت عن قصيدة حفظك الله واختيار جميل جدا عافاك الله يالراقيه

ياهلا فيكِ اخي النآدر بين متصفحي
والذي زادهه نوراً وجمالاً بروعةً حضورك ... وحياك الله ..

والله ان كل بيت يكفي عن كل الابيات

قصيدة هي علاج كافي و وافي

ذوقك الرفيع مميز بصراحة

شكرا اختي الراقية

لفيتك وانا سيد مسا الماضي وبارحك
............ فلا تكابر بشوقك وللشوق مخراجه

اختيار جميل وقصيده راائعه

تسسلم الايادي يالراقيه

اقتباس: المشاركة الأصلية كتبت بواسطة للغايب عذر    والله ان كل بيت يكفي عن كل الابيات قصيدة هي علاج كافي و وافي ذوقك الرفيع مميز بصراحة شكرا اختي الراقية

حياك الله اخي للغايب عذر .. تواجدك المميز للابيات هو الإبداع بــنفسه .
لآتحرمنا طلتك الجميله وياهلا فيك

اقتباس: المشاركة الأصلية كتبت بواسطة أبـوحـمـد    لفيتك وانا سيد مسا الماضي وبارحك ............ فلا تكابر بشوقك وللشوق مخراجه اختيار جميل وقصيده راائعه تسسلم الايادي يالراقيه

الجمييل تواجدك وطلتك البهيه
لاتحرمنا هالحضور الجميل ابوحمد ..