أخر الصفحات
هذه قصائد بشائر الشيباني النصية اللتي طلبتها
تحب غيري
تناديني باسم ثاني وتحلف زلب الساني
وقلبي يحضن كذوبك عماها الحب صدقني
أحس اني غريبة عنك وقلبك هاجر أوطاني
ياخوفي يصدق احساسي وألاقي الحب ظالمني
أتوه بحيرة أفكاري وأضيع بغربة أحزاني
أدور في الملا عيونك أناظرها تصد عني
أناديك بشقا همي تروح بعيد وتنساني
وأقول بداخلي اصبر ياقلبي لا تلوعني
أولين اقبلت مثل الحلم أقول اللاه يهواني
وأسلي نفسي بأوهام اهي بالتالي تخدعني
أشوفك سارح بفكرك بعيد بعالم ثاني
وقلبي حاير بأمرك واحساسه يعذبني
أنا من كثر ماأحبك رسمت الكذبة بألواني
قدرت أكذب على نفسي وخاب اليوم بك ظني
حبيبي انت تحب غيري تفضل روح واجفاني
عرفت اليوم مقداري كفاية لا تعشمني
ولا فيه داعي تشرحلي وتحلف زلب لساني
خلاص ارحل لها ارجوك لا توقف تطالعني
***
سكة أحزاني
رجعت لسكة احزاني أنين الشارع المهجور
على نفس الوهم أمشي يضيق الدرب بأحزاني
يطل الخوف من عيني يدور للأماني حضور
بعانق بالندم نظرة تضيع بعبرة أشجاني
يمر الوقت مستعجل وينسى يحتضني شعور
على حد الألم قلبي جلس والوقت عداني
نفضني كل فرح مرني على غفلة حزن مغرور
تلقفني الزمن يضحك على يأسي وحرماني
أضم الهم واحساسي أخذني للورى مجبور
لدنيا كانت الفرحة سما والضحك أوطاني
على ذاك الوعد جرني زمان العاشق المغدور
رمى همي على قلب شعوره فارق أزماني
مشيت فدربنا المنسي مشيت وخافقي مبهور
أطالع حولي أتأمل سكون الكون بكاني
أدور للقا لمحة تطيب خاطري المكسور
أملي بشوفها عيني وأحضنها بأجفاني
تغير كل شي بعدك تلعثم بالظلام النور
أناديلك وأنفاسي تبعثر صرخة الساني
تمرغ بالالم وجهي وبات بهالشقا مغمور
تضيعنا تعابيره وأجهل كيف تلقاني
تلبسني الحزن واصبح رفيقي والهنا مأسور
في ركن أجهله بعدك وأعرف ليه ماجاني
لأني من بعد عينك شعوري طاربه عصفور
راح لأبعد مدى وقفى ولا عودلي من ثاني
وقلت بداخلي ترجع بنيت من الاماني قصور
وكن أضحك على نفسي الين الوقت صحاني
زماني غرني ضحكك تبعتك والنظر مسحور
هقيتك بالفرح تزخر صدمني فرحك الفاني
صدمني وبعدها جرني لسكة حزني المنثور
على نفس الطريق أمشي ألملم باقي أحزاني
***
خنتك
خنتك اي نعم ادري وخانت خطوتي دربك
وخانت عيني اهدابك وكل مافيني شقى واحزان
خنتك للاسف عي زماني يصون لك حبك
وكلي علم بحالك حزين وبالوهم غرقان
لاني في يوم انا مثلك حسبته وافي قلبك
وخنت الحب أظن تذكر جرحت احساسي ياخوان
وجا وقتك تذوق المر عسى تتهنى في شربك
وحط بالك ترى كاسي امر منه ابد ماكان
تقول شلون خنتيني وكيف اغفر انا ذنبك
حبيبي ريح احساسك ذنوبي مالها غفران
انا مت بقهر حبك بعد مابان لي كذبك
بعد ماشفتك معاها ومات بداخلي انسان
رجعت وكل جنحاني كسيرة وضعت انا عقبك
وصارت دنيتي بلحظة كأيبة مابها الوان
ومر الماضي قدامي في لمحة مرني حبك
وصرت أبكي على قلبي ياليته لك ابد ماصان
وقلت أصبر وأتحمل أجاري كذبك ولعبك
مشيت وسكتك ظلمه وسرت أمشي بلا عنوان
وخنت احساسي وخنتك جرحت بقوتي قلبك
عطيتك درس ابد مااظن يعيش بعالم النسيان
وشفت اليوم انا دمعك سمعت ألحان من نحبك
وسرت أحن على حبي عليك انت وعلى ماكان
بعد هذا انتهى دوري انا ماعدت ابي قربك
كفاة بسبتك قلبي رمى اخلاصه وراه وخان
***
عذر مقنع
أب منك عذر مقنع تعبت اعطيك من عندي
أب صدقك ولو مره يفوق الكذب في ذاتك
اذا اخطيت لا تنكر ولاتتوارى في صدي
يضايقني الجفا منك كثر شوقي لجلساتك
تزعلني اولين ارحل تخليني بشقا وحدي
أظل ابكي ولا اشكي تزيد أكثر بغيباتك
ولا تسأل ابد عني تمر ايام في بعدي
تجافيني ولكنك علي مخطي بكلماتك
أخاف وحيرتي تكبر وأحط يدي على خدي
أفكر فيك وين انت حبيبي طول شتاتك
أطالع صورتك واسرح عيونك حلمي الوردي
أموت بنظرتك وأعشق سكون الحرف بشفاتك
أبي أصبر على بعدك ولكن كل ش ضدي
أصد الشوق يعاندني يحنني لهمساتك
ولا اقدر على بعدك خلاص بشوفتك ودي
حبيبي كانك المخطي حظنت بروحي زلاتك
واذا عندك عذر مقنع أنا هاللحظه ماعندي
سوى حب ملا صدري يفوق الحب في ذاتك
17 / 11 / 2004, 22 : 10 PM
حبيبي انت تحب غيري تفضل روح واجفاني
