ماكتبتـك ياقصيدي لأجل .. يقراك الحثاله

ماكتبتك ياقصيـدي لأجـل .. يقـراك الحثالـه
.. وماكتبتك لأجل أهايط وأكسب إعجاب البنـات
وماكتبتك لأجل أسمع (قولة أبدع فـي مجالـه)
أو بعد عشان .. أجَمع .. (معجبين ومعجبـات)
ماكتبتك (ليـس إلا) ترجمـة إحسـاس حالـه
أو مواقف هيضتني .. مـن عجايـب هالحيـاة
أنت تدري في شعوري وتدري وش يخفي بخياله
. ودام تدري.. ليه تزعل من.. حثالـة كائنـات
ياقصيدي قم فديتـك .. لايهـزك قـوول قالـه
.. أنثر أبداعك .. وغرد في زمـان ..الامنيـات
أنت شيخٍ بين ربعـك . وأنـت للعـزه مثالـه
. أنت منضومك ..لأ لى .وكل مابـك زخرفـات
أنت مزنٍ لو تأخر صاحـوا. يرجـون بهمالـه
.. وإن تناثر ( بالمحبه ) أعمر الدنيـا.. نبـات
ياقصيدي..( طال عمرك).. لايهمك .. هالحثالـه
ولاتضايق من..هروجٍ أو.. سوالـف.. خايبـات
دام لك ناسن تحبك وترجي من شعرك وصالـه
لايهمك قول منهو.. قـال: عنـك .. خربشـات
ذولا .. ناسن عايشينٍ عالشعر .. غثـه وعالـه
همهم نقد .. (المميز ).. لاجل ..كسب المعجبات
بس مقيوله من أول اللـي عالـي فـي جبالـه
. مهما سووا .. من سوايا ماتزعزعه الحصـاة
ياقصيدي قبل لاختم .. بس وصـل هالرسالـه
.. للي همه لاكتب كسب.. ( إعجـاب البنـات)
قلـه يفكـر بنفسـه ولايغـش بنـت بفعالـه
. ويتذكـر . ويتذكـر. إن لـه ..أم وخــوات

ياقصيدي..( طال عمرك).. لايهمك .. هالحثالـه
ولاتضايق من..هروجٍ أو.. سوالـف.. خايبـات

دام لك ناسن تحبك وترجي من شعرك وصالـه
لايهمك قول منهو.. قـال: عنـك .. خربشـات

الف شكر يا شموخ انثى على القصيده الراااااائعه واكيد فيها مغزى مخفي

اشكرك علي مرورك العذب
..
دمت بخير