خارجية..داخلية ..خارجية ..داخلية.. وبعدين دعوه للنقاش ؟؟؟

تحية طيبة وبعد...

موضوع يؤرقنا عندما ينتهي بنا العااااااااام الدراسي بعد أيام حاااافلة بالارهاق ووالجهد
وبعد ان نقطف ثمااااااااار االتعب بنجاااااح أبنائنا



يقفز السؤال اين سنسافر في هذه العطله
الناس بين مشرق ومغرب
ولكن نحن من الفئة التي يتعبها التفكير
ويؤرقها الاختياااااااااار
سياحة داخليه ام خارجية


طبعا لا يخفى عليكم الداخليه كلها عيووووووووب من غلاء وعدم توفر أماكن ترفيهيه ووو... ولكن تناسبنا واتناسب أبنائنا كمحافظين


أما الخارجية كلهاااا حسناااااااااااات ولكن يعيبها شيء واحد الانفتااااااح الغيرمحمود من اختلاط وغيره مع اني اصبحت ارى كثير من اخواننا الملتزمين ينطلقون للخارج بعوائلهم !!



أكيد لكل منكم تجاااااااارب مع السيااااحة داخلية اوخارجية
لو تكرمتم اريد منكم طرح تجاااااااربكم ومريئاتكم ونصائحكم الثمينه حول هالموضوع وهل تتفقون معي في وجهة نظري عن السياحة الداخلية او الخااارجية
ودمتم ساااااااالمين في حلكم وترحالكم



اتمنى القى تفاعل كما عودتوني
في تفاعلكم مع مايطرح من مواضيع
تهمنا كالسفر انتظركم
خالص تحياتي

مشكوره اختي على هذا الموضوع انا بصراحه مع السياحه الداخليه لان الواحد يكون مرتاح نفسيا في بلده ولايخاف من اي شي صح ان الغلا موجود فيها بس الواحد مايرتاح الا
في بلده مهم كان "اما عن السياحه الخارجيه احسن مافيها الخضره والامطار والبراد فقط لاغير ولايحس الواحد براحه الا ان كان معه احد" صراحة هذا راي
يعطيك العافيه

قوت القلوب العلم عند الحريم وعند اختها ورجلها وين يروحون امش وياحض اللى حرمته مدرسه بصراحه فله الرواتب دبل وكل سنه فى ديره وياعزتيل اللى عياله واجد كنه حارس مدرسه يقعدبها حده بريده والزلفى والشحمه

السلام عليكم ..

كلام .. ابو حلا .. صحيح .. و يمدحون مطل الزلفي ..

المسألة ليست وين نروح ؟ .. او وش المكان اللي بنرتاح فيه ؟؟ .. او هو غالي ما ينفع ؟ .. او يخالف ما نعتقد انه عندنا التزام و عند غيرنا مخالفة للدين و للعادات و التقاليد

السؤال .. وش الفائدة من .. السياحة .. ؟؟ .. اذا بنسافر و طبوعنا و حركاتنا ( الوجعانه ) .. معنا .. و نفس الشله و نفس السالفه ..

الواحد يسافر عشان يرتاح .. و يروق و يغير جو .. موب يغتث زود و يتحسر ..

ذكرت واحدا تواعدنا نروح للشرقية ... و الا الرجال معه .. دسوس و بطانيات .. و كاتم .. ( كتمني ) .. قلت له يا انا يا قشك ..

بعد طول نقاش .. اقتنع على زعله .. يا اخي رايحين نبلش بمواعينك و قرقعة و نوم مع القارص ..

رحنا .. فندق .. 5 نجوم .. فطور اشكال و انواع .. و مفتوح .. و الغدا على ما تشتهي .. و العشا ان بغيته على البحر ويوصلك ..

و الاسواق حواليك تخترش .. و على قولته .. لو ما جا .. تكرمون الا الحمام و الدش .. و الصوابين خذ و خل من كل نوع ..

بتقولي سياحة داخلية و جوله في ربوع بلادي .. كلها واحد .. اهم شي انك .. تريح نفسك و مخك .. و تسلم من تقطيع البصل

و مقلقل اللحم .. و المطامر ..

ولا واحد يجرجر حريمه و بزارينه و كل واحدا ماسك عزبته مع جهه .. رايحين يطبخون له .. يا اخي خلهم يرتاحون منك لو اسبوع ..

السياحة الخارجية .. لها اهلها و مزاجها ..

يقولون مد رجليك على قد لحافكـ ،
داخليه لذوي الدخل المحدود وخارجيه لذوي الدخل المرتفع ،
واما كلام اخوي عصي الدمع فمن وجه نظري ان الحركه زينه والطبخ والنفخ زين
ابرك من هالمطاعم وعلى قولته فندق خمس نجوم ،
وفي الاول والاخير كلن ينام على الجنب الي يرحيه ،
و سددوا وقاربوا يعني لاافراط ولاتفريط من هالناحيه ،
تسلمين قوت على الطرح .

طير شلوى،
ذوي الدخل المحدود المفروض هم اللي يسافرون للخارج مثل سوريا لانه رخيصة وزينه.اما ابها اللهم عافنا كنها اروبا من غلاها والمشكلة انها شينه الى من جيت من ابها يجي وجهك اسود من التعوب كنك رايح لمغزا

بصراحة كلها واحد اهم شي يكون الانسان مرتاح نفسيا وليس علية اي ضغوط تتعبة

اقتباس: المشاركة الأصلية كتبت بواسطة نسيم    طير شلوى،

اقتباس: المشاركة الأصلية كتبت بواسطة نسيم    ذوي الدخل المحدود المفروض هم اللي يسافرون للخارج مثل سوريا لانه رخيصة وزينه.اما ابها اللهم عافنا كنها اروبا من غلاها والمشكلة انها شينه الى من جيت من ابها يجي وجهك اسود من التعوب كنك رايح لمغزا

سمعنا عن رخص سوريا لاكن يقولون الوضع اختلف الان ،
يعني صار كل شي غالي هناكـ ،
ومن يوم يدرون انكـ سعودي يتوقعون انكـ تتوسد امهات خمس ،
والي بريال محسوب عليكـ يالسعودي او يالخليجي بـ 10 اريل ،
وينهبونكـ وانت تشوف .

اقتباس: المشاركة الأصلية كتبت بواسطة طير شلوى    سمعنا عن رخص سوريا لاكن يقولون الوضع اختلف الان ، يعني صار كل شي غالي هناكـ ، ومن يوم يدرون انكـ سعودي يتوقعون انكـ تتوسد امهات خمس ، والي بريال محسوب عليكـ يالسعودي او يالخليجي بـ 10 اريل ، وينهبونكـ وانت تشوف .

انت تقول يقولون وانا اقول قول مجرب ياطير شلوى لايهمك اللي يقول .رح واسكن معهم في بيوتهم فلة وسعة صدر مايعلمها الا الله جبلك طلي وانطله عندهم وابشر بالمشاوي والماء البارد والحكي الزين.صحيح ان الغلاء اللي مر على العالم مر عليهم لكن يعتبرون رخيصين بالمره .
اجل التيس الجبلي اللي كله عصب ولحمته كنها صاج حديد قيمته 1300ريال في ابها .يارجال ابعد عن الجنوب ويرزقك الله شمس حاره ونامس في الليل وصوت صوارير مايخليك ترقد قطع منها

اجل بقطع الشك باليقين دامك رايح لهم ومجرب،
وشورك وهدايه الله ،