|
|
هَمْس الْقَـgافِــي مآتغترفه ذوائقگم من بحور الشعر |
آخر 10 مشاركات |
|
أدوات الموضوع |
21 / 02 / 2005, 19 : 04 PM | #1 |
|
أخــترت لــكم
لا والله الا ناسبت شبت النار=البرد قام يحوفها من شمالي عندي لها في العايرة كن واوجار=قربت به عيدان سمرٍ اجلالي في مجلسٍ متشطرٍ في ذرى جدار=يلقا على يمنا المسيٌر اموالي يازين شب النار به بعض الامرار=متحري(ن) مسيار بعض الرجالي احدٍ بعيد الدار واحدٍ لنا جار=وذا من بني عمي وذا من خوالي وانقضي المجلس سواليف واخبار=مع ماهوى ببطون صفر الدلالي ومربعٍ بين المناعير دوار=فيه ازرقٍ يلطم بلون الشعالي وعقبه على الميسور قـَدر ومقدار=وانحاول العليا على كل حالي حقٍ علي ما نيب بالحق بوار=وان برت به لاحل جوفي حلالي والى حصل مجلس ونار وخطار=اصبح وانا بالي من الهم خالي احب ذا واحب غمرٍ كذا سار=ولا نيب انا اللي بس احبه لحالي كلن يحب الخير وافعال الاخيار=الا الردي لا غلى ولاهوب غالي [blink]مختارات عهود[/blink]
يا محمد رح لعبدالله وقل له=لا يخلينا ترانا في البلادي قاعدين والتبرد زان حله=والله انا ما رضينا بالقعادي ناخذ اللي حط له فالبر حله=كل صبحٍ فوق راس الحزم بادي ما تعلق بالحضارة في الممله=ضاهرٍ يم النفاه وفي البرادي في محله من يحله ما يمله=بين روض وبين ضلع وبين وادي عقب ما علـّمت كني فوق مله=زاد بي همي وانا قلبي حشادي اتمنى دوجةٍ في الصوط كله=واتمنى قصرت الربع العوادي اشتحن للبر جعل الله يعله=وعن طلوعه كن في رجلي قيادي المدرس يغتنمها فرصةٍ له=ايتمشى في البلاد وفي البوادي والموظف مثل خبرك في محله=وان تعدى ما عدا مفلا البلادي [blink]مختارات عهود[/blink]
|
|
21 / 02 / 2005, 51 : 06 PM | #2 |
VIP
|
وش هالززززززززززززززززين
وش هالقصيدتين ما اروع من الاوله الا الثانية مشكوووووره وسلمت يدينك اللي كتبهن سلام |
|
24 / 02 / 2005, 43 : 11 AM | #3 |
|
مرحبا بك استاذ هادي والله يسلمك
وشكرا لمرورك الكريم تحيتي لك |
|
25 / 02 / 2005, 07 : 02 PM | #4 |
المشرف العام
مؤسس منتديات تمير |
اختيار موفق اختي عهود فالقصيدتان رائعتان شكرا لمجهود وذوقك فى اختيار القصائد
تحياتي للجميع |
|
27 / 02 / 2005, 06 : 04 PM | #5 |
|
مرحبا بك الأخ النادر
وشكرا جزيلا لمرورك العذب تحيتي وتقديري |
|
28 / 02 / 2005, 42 : 02 AM | #6 |
ضيف تمير
|
الله يعطيك العافيه قصائد في قمه الجمال والروعه
|
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
|