سيول وضبان الصياهد - شعيب الرضيمه - التنهات - الجمعه 23 / 5

الحمد لله على ما انزله علينا من أمطار خبر وبركه

كانت الامطار يوم الخميس ليلة الجمعه قويه جدا من شعيب الودي الى ام الرجوم

مما ادى الى جريان الاوديه والشعاب

كانت الوجهه الى شعيب الشوكي فتم تغير الموقع الى شعيب الرضيمه لصعوبة الوصول اليه

وفي الطريق تفاجئنا بأن صياهد ام ارجوم مليئه بالمياة مما ادى الى غر وخروج الضبان





ضب برمائي



ما تشوف الا روسهن مرتفعات







بداية الخير مع ابو حمد خمس ضبان



ابو ريداء ثلاث ضبان



محدثكم خمس ضبان



اثنين مع بعض



كانت الضبان الصغيره واجده





جلب من الضبان للصندوق



احد الجرابيع التائهه



ضب مسوي نفسه تمسااااح



هذا احد الضبان لم يستطع الصمود طويلاً



ابو عيسى واخذ نصيبه من الضبان



صوره لرزة الضب



صوره للصياهد



مغطي وجهه غثاء السيل



التوجهه الى شعيب الرضيمه



المغامره للوصول الى الموقع



الموقع



الجلوس ونثر القش للغداء



ثم بداية الذبح والدم





بداية الشلوطه بالنار



غسلها بمياه السيل قبل التقطيع



وتزهيز الغداء



موقع للجلسه





تم التوجه الى شيب التنهاة لمشاهدة المياه الى اين وصلت



وصلت الى الشيب





صوره للضب



بلغت حصيلة الضبان حوالى الـ60 ضب

وترك صراح 25 منها في براري تمير




انتهى التقرير والى لقاء جديد معكم

وتقبلو تحياتي

ماشاء الله تبارك الله ...

والله الكسب ..
هذا الشغل وإلا بلاش .. أعدل السيل ويجيك مسلفح ..

مناظر عجيبة .. ولأول مرة أشاهدها بهذه الطريقة ..

والحمدلله السيل وصل للشيب ..
اللهم من الخطمي في التنهات يبي يظهر إن شاء الله ..

بحق .. للبراري ملك .. وأنت ملكها ..

ماشاء الله تبارك الله ،،
وس هالشغل الزين يالمتحد ،،
ضبان جاهزهـ وين الي يجمعهن بس ،،
عفيه عليكم يالذيابه ،،
ويبي لهن روحه نجمع ضبان الصياهد ونطلقها حولنا يم العرمه وجاي ،،

لاهنت وتستاهل التقييم والخمس نجوم

ياساتر ،منظر غريب والله.
تقرير جميل جدا

اليوم انا حول النظيم بدور شي اعدل الماء عليه مالقيت شي
لكن الضبان الي مطلعه روسها غريبه جدا وزين الي ما ماتت ..
والحمد لله انكم لحقتوا عليها...
مشكور على التقرير الجميل..

ماشاءالله عليك يالمتـ2007ـحد وجتك بارده مبرده

يعطيك العافيه على هذا التقرير الرائع

عساك ساعدته يالمتـ2007ـحد

سبحان الله ..

صراحه اول مره اشوف صيد ضبان بهالطريقه ..

جعل مهابيطها العافيه ..

لاهنت يالمتحد ..

مـاشاء الله والحمد لله أنها في بطونكم ولا في بطن أباحصين
تحسد يالمتحد على هالتقرير
بيض الله وجهك دنيا وأخره
أحترامي لك وشوقي لتقاريرك.

مآشآء الله تبآرك الله
تقرير رآئع جدآ
وصورة السيل كان في منتهى الروعه
كأنكم جالسين على شآطئ البحر

يعطيكم العآفيه على أمتآعنآ بالمنآظر الخلآبه
واللهم زد وبآرك
وأجعلهآ أمطآر خير وبركه

الله يعافيك يالمتحد والي يعجبني فيك انك
قنوع زين يوم تركت 25 ضب والله
عمل طيب عشان تتكاثر عندنا
ومشكور على التقرير المميز