نسيم .. في [ اضاءات ]

السلام عليكم ..
.
اسعد الله اوقاتكم بكل خير ..
مرحبا بكم من جديد في لقاء جديد . مع.
.
[ اضاءات ]
.
اليوم ضيفنا من اكثر الاعضاء .. شعبية و حضورا ..
بل يكاد ان يكون رقم 1 ..
مشرف تميز بحضوره المبتسم .. و الجاد .. بساطة
في الرد و عفوية في الكلام .. و خبرة في الحياة ..
.

- سيرة ذاتية مبسطة عنك ؟
انا نسيم من عائلة بسيطه متوسطه ،يتيم ،
متزوج لي اولاد متقاعد تقاعد مبكر .

- كل شخص في حياته له ميول .. مالذي يستهويك ؟ و يميل له قلبك ؟
انا والله يستهويني الصيد واحبه واحسب له الف حساب .

- امس من الماضي .. و اليوم حاضر .. و غدا المستقبل .. فهل ندمت على شئ من الماضي ؟
الحمدلله انا لا اندم على الفعل الماضي اطلاقا بل احبه واعشقه وانا كل احزاني اذا تذكرت الماضي اتمناه يعود.
و راض عن حاضرك .. و خططت لمستقبلك ؟
انا انسان واقعي اقتنع بما يكتبه الله لي والتخطيط مطلوب لكن الواقع يقف بعض الاحيان دون الاحلام
لوكل من رسم وخطط وصل الهدف كان الناس شرهين في طموحاتهم.

- امور تود تغييرها في حياتك ..
اكيد وكثير وانا والله اتعلم واستفيد من الاخرين الاخيار واحاول ان اتعلم منهم لكن بقناعة وليست انقياد
من باب اعجاب او تقليد او تأثر (الامعه)او تقديس.مثلا ودي اصير امام مسجد لكن مقدر اسلوبي ووضعي الحالي
ما يؤهلني لذلك.

- اشياء تسعدك .. و اخرى تحزنك ..
صلاح الشباب والبنات،،،، ويحزنني عدم المبالاة والاستهتار المفضوح المتصنع او محاولة اضحاك الناس على حسب شخص
في حاله مسالم او التقليل منهم.ويحزنني الخداع والشكاوي .

- مكان تحبه كثيرا و ترتاح فيه ..
البر واماكن معينه فقط .

- اقرب شخص لك في حياتك ..
اخي ابوحلا واخي محارب .و صديقي ابوحمد هو الصديق ياعصي الدمع وهو كل شي بالنسبة لي.
وهومن وقف معي وعلمني وناصحني ووجهني وهذي والله حقيقة يجب ان اعترف بها من باب رد الجميل.

- كيف كانت بدايتك في منتديات تمير ؟
بداية فضول فقط تسجيل بعدم قناعة او تسجيل لمشاهدة موضوع كان يلزم التسجيل وكتبنا المعرف الحالي نسيم لعدم القناعة بهذا الاسم من اساسه ولو كنت من البداية مهتم بالمنتدى لما كان المعرف نسيم لاني والله ما حب هذا الاسم اكون صريح معكم
.بعدها بحوالي سنتين دخلت كذا من باب الفراغ وبينما انا اتصفح شفت صديقي ابوحمد موجود!!!
قلت وش عنده؟وش صاير؟ابوحمد مرة وحده!!!
صراحة انجذبت للمنتدى لاني اشارك في مواضيعه ويرد علي واذا قال مشكور على حضورك قعدت اتقلب من الفرح والضحك مبسوط.
لاني احسبنه يخصني لحالي لاني غشيم في المنتديات والامور هذي ماعرف الا تصفح ماكنت اتوقع ان هناك سوالف واخذ ورد .وبعدها
استمريت .وعلمني كيف اقتبس الرد وارد عليه.

- هل وجدت ما تبحث عنه في المنتدى ؟ و عن ما كنت تبحث ؟
تبي الصحيح ياعصي الدمع ليتني ماعرفت المنتدى.وجدنا الاصحاب وجدنا السوالف
وفلة الحجاج والاناسة ووجدنا عكس ذلك .

- حتى تاريخه .. هل لمست تغييرا في المنتدى ارضى طموحك ؟
نعم تغير، تغير تغير جذري صار فيه صراحة اكثر وابداء راي وصار اكثر قوة.
والاخوة في الادارة صار عندهم وقفه واعادة نظره حول الاساليب القديمه القمعية لانهم كانوا
مضيقين الدائرة والان بدو يشوفون على حد السفح

- لو طلبنا منك تقييم المنتدى من 10 ؟ .. ما تقييمك ؟
المنتدى اعطيه 10على10لكن الاعضاء دون ذلك بكثير

- اقسام دائم الزيارة و المشاركة لها و فيها ؟
كنت في السابق في منتدى الحوار وبعدها الاقتراحات والحلول كانت متنفس لانها محط الانظار لان حنا نبي نسولف وبعدها
ساحة الاعضاء والمدونات والساحة البرية من قديم نتابعها ومهتمين منها.

- اعضاء تتابع مواضيعهم بشكل دائم ؟
جميع الاعضاء بدون استثناء وفي ساحات معينه .

- اعضاء .. حضورهم يعطي حركة للمنتدى .. و تفاعل
بدون مجاملة ابوحمد والمهند والوفاء وابومنيرة وفي الاونة الاخيره عصي الدمع بس تغير مدري وش جاه.

- لو كنت مكان .. احد اضلاع .. مثلث برمودا .. ما انت فاعل ؟
والله ياخي مدري لكن هم يقومون بواجباتهم ومهتمين وخصوصا بلاعضاء مهتمين بهم
اهتمام عظيم ويهمهم راحتهم.لكن هناك بعض الامور يجب ان يكون فيه اكثر قوة وصرامة
خصوصا ضد اعضاء الادارة يجب ان يكونوا حازمين معهم وان يعرف كل واحد سواء مشرف او مراقب او عضو مجلس ادارة حده.
وان يفهم ان كل واحد من هؤلا بداله غيره فيه اكثر من 17الف عضو مستعدين للخدمة والعمل وينكن انهم اجدر وافضل.

- فكره تتمنى ان تراها في منتديات تمير ؟
التصويت مشاركة الاعضاء في انتخاب المشرفين لكن المراقبين لا لان لهم صلاحيات غير ومهام غير ونعذرهم علي هالشي .

- هل تتوقع ان يأتي يوم .. لا نرى اسمك فيه ضمن مسجلي الدخول ؟
كل شي جايز انا شخصيا جايز.لكن المعرف بحول الله باقي لان فيه ناس محافظين عليه

- اختيارك لعنوان المدونة .. هل قصدت به شئ .. ؟
اختيار نسائم يعني عبارة عن ناتج نسيم كل شي طيب وجميل من هذا المعرف.

- في البداية .. هل وضعت هدفا او منهجا لـ مدونتك ؟
الهدف اخي من هذه المدونة مثل الانسان اللي مقبل على تقاعد لازم يضع له مكان يوسع صدره فيه مثل استراحة او مزرعة ومن هذا
القبيل

- هل تشعر بالرضا عن ما تقدمه في مدونتك ؟
انا لا احب التكلف ولا احب ان اتعب نفسي استخدم الموجود ومن البيئة فقط.

- لو طلبنا منك تحديد .. 3 مدونات هي الافضل في رأيك ؟
اكذب والله عليك لو اقول اني قد قريت منهن شي او اني فاهم معنى المدونات لاني
حطيتها وبس ابي ابعد عن الرقيب .
فيه مدونة ابوحمد حقيقة نموذجية ولها نهج واضح مثل الارشيف الخاص.

- مدونة غير مدونتك تحرص على متابعتها .. و لماذا ؟
مدونة عصي الدمع لاني اشوفه مثلي يحب سعة الصدر والسوالف ومن جاء الله يحييه
مثل الاستراحة ومدونة المتميزة كذلك نفس الطريقة يعني مثل بعضنا نسير على بعض ولا هناك
تكلف.لكن الاخرين جربتهم ولقيتهم مثل اللي يقول فيه موعد للزيارة واذا جيت زائر احترم نفسك ولا تخرب محلنا.

- مدى رضاك عن قسم المدونات .. و هل لديك ما يخدم هذا القسم من افكار ؟
بالعكس مشرفنا ابوحمد مانبي منه اكثر من كذا مريحنا ومعطينا الصدر الوسيع.وبعدين
مانبي فيه افكار وتجديد ثم يشغلونا وتفتح العيون علينا نبي العالم تدله في المنتدى.

- ما يعجبك في المدونات ؟ و ما لايعجبك ؟
الحرية اكثر حرية متنفس تقول اللي تبي تقوله ولا يجيك الاربعك القريبين واللي مثلك وغيرهم ماله درب علينا.

في الاخير

- تشرفنا بلقائك
الله يطول عمر ويعز مقدارك وانا اللي تشرفت بهذا اللقاء الجميل والاعداد الطيب.

- كيف تقييمك للاسئلة ؟
ممتازه جدا وفيها حرية وعدم تقييد ولو انها مسيسة وموجهه لكن زينه.

- و لمقدم الاسئلة ؟
اقوله بيض الله وجهك وكثر الله من امثالك على شجاعتك وصراحتك

- شعورك في بداية الاجابة .. و اثناء الاجابة .. و في النهاية ..
في البداية صراحة وقفت وجاني مثل اللي مايدري وش يقول لكن سهلها الله

- هل ترغب بنهاية اللقاء ؟ ..
اللقاء معكم ما يمل وودي والله انها استمرت لكن كل شي له حدود ونهاية.

كلمة اخيرة تقولها للاعضاء المنتدى ..
اقول رمضان كريم والله يكتب لنا ولكم الاجر والعتق من النار .وان يكون شهر
تصافي ومحبة وازالة كل شائب مر في هذه السنة لانه موسم والمواسم يستغلها التجار
ونحن الان في موسم مفتوح للجميع بجني الحسنات والكل ان شاء الله كاسب
والله لايخيب التعب

و اتمنى من استاذنا .. نسيم .. قبول هذه الهدية البسيطة ..

رجل لايعرف إلا درب الصراحة
اخلاقه عاليه ومحبوب من الجميع وأنا شخصياً أحبه في الله
بارك الله له وبارك عليه ورزقه بر أولاده
بشأن اقتراحك حول التصويت للمشرفين والمراقبين
اقتراح جميل يجسد دور العضو في المنتدى وأنه صاحب الصوت الأول وهو من يتخذ القرارات
لو حدث ذلك لأصبح المنتدى حضاري درجة أولى

لقاء ممتع وشيق مع مشرفنا المحبوب نسسسسسسيم
من جد نسيم متآلق ويستاهل كل خير
ربي يوفقه ويسعده بحياته
ومشكور ياعصي ع روعة الآستضافة
ودي ووردي لكم..~

وعليكم السلام
اللقآء هنا مختلف
نسيمُ شخصْ مميز جداً بـ روحه و إخلاصه
الله يحقق امانية و يسعده ويوفقه دنيا و آخره
وشكرٌ لاينتهي لكمُ

اقتباس: متقاعد تقاعد مبكر .

حلالكْ وآجد يومُ تقدمُ تقآعد مبكرِ

لقاء ممتع ومميز مع مشرفنا المميز والمحبوب
نسيم واعجبتني اجاباته وربي يوفقه بحياته
ومشور اخوي عصى على روعه اللقاء
احتراامي لكم,,

و اتمنى من استاذنا .. نسيم .. قبول هذه الهدية البسيطة ..





مقبوله.
اشكرك اخي عصي الدمع على هذا اللقاء وربنا يوفقك ويخليك ان شاء الله

</B></I>

اقتباس: المشاركة الأصلية كتبت بواسطة سمو الأمير    رجل لايعرف إلا درب الصراحة اخلاقه عاليه ومحبوب من الجميع وأنا شخصياً أحبه في الله بارك الله له وبارك عليه ورزقه بر أولاده بشأن اقتراحك حول التصويت للمشرفين والمراقبين اقتراح جميل يجسد دور العضو في المنتدى وأنه صاحب الصوت الأول وهو من يتخذ القرارات لو حدث ذلك لأصبح المنتدى حضاري درجة أولى

شكرا اخوي سمو الامير على حضورك وتعليقك.

اقتباس: المشاركة الأصلية كتبت بواسطة لميس    لقاء ممتع وشيق مع مشرفنا المحبوب نسسسسسسيم من جد نسيم متآلق ويستاهل كل خير ربي يوفقه ويسعده بحياته ومشكور ياعصي ع روعة الآستضافة ودي ووردي لكم..~

تسلمين يا لميس على هذه الاشادة.والله يرحم والديك عن النار وكل مسلم

اقتباس: المشاركة الأصلية كتبت بواسطة » اِلـَوَفْآءْ بـِنْـتْ    وعليكم السلام اللقآء هنا مختلف نسيمُ شخصْ مميز جداً بـ روحه و إخلاصه الله يحقق امانية و يسعده ويوفقه دنيا و آخره وشكرٌ لاينتهي لكمُ حلالكْ وآجد يومُ تقدمُ تقآعد مبكرِ

التميز حضورك الرائع وتواجدك اللي يعطي المكان اضاءة وجمال .
الحمدلله الخير واجد يالوفاء لكن اللي اهم راحة البال .تسوى ملايين الملايين انا ابحث عن الراحة فقط

اقتباس: المشاركة الأصلية كتبت بواسطة جنـgن رجل~    لقاء ممتع ومميز مع مشرفنا المميز والمحبوب نسيم واعجبتني اجاباته وربي يوفقه بحياته ومشور اخوي عصى على روعه اللقاء احتراامي لكم,,

تسلم والله على شعورك الطيب وحضورك .