جمــــــــال الطبيــــعه في خريف صلالــــه 2011

اسعد الله صباحاكم ومساءكم بكل خير
بعد انقطاعا عن التقارير اليوم احببت ان اقدم لكم هذا التقرير الموسمي الذي ينقلنا من موسمنا الحار جاف صيفاً الى موسم خريف صلالة 2011 م الذي اتى سابقا وقته كما ذكر لنا ذلك اهل صلاله
حيث كانت بداية الرحله يوم الاربعاء الموافق 5 من شهر شعبان وانتهت بحمد الله ليلة الجمعه الموافق 14 من شهر شعبان من عام 1432هـ .
واليكم الصور واعتذر عن عدم الصفاوه في بعضها حيث يخالطها ويمتزجها الضباب والرذاذ شبه الدائم .

بسم الله نبدا من جبل اتين ومع هذه الصورة

وهذه صورة للطريق لعين قريبه من جبل اتين ويقال انهم يذبحون بالقرب من العين زعما منهم انها سببا !!!

أعضاء الرحلة من اليمين فيصل ، تركي ، عبدالرحمن ، عادل

وبياله شاهي العصر هنا له نكهته الخاصة <-- اتطعم ببياله الشاهي لهالحزه

لعلها مزرعة مهجوره . !!!

صورة تذكارية لنائب الوالي أبو نايف

كم عمر هذه الشجرة ياترى ؟؟ لتقارن حجمها بالرحول تبعنا .. !!!

أين ماتصرف النظر تجد الخضرة والوجه الحسن

بسم الله والله اكبر تيوووسهم صغير الحجم جدا .. وسعره 40 ريال يابلاش صح ..
ولكن سعره بالريال السعودي 400 ريال .

وهذا الغد عش ... ( غدأ + عشاء ) ونصف التيس هنا في كاتم 9 لتر . !!

والى وادي دريبات والطريق لايخلو من البقر .. فكن على انتباه دائم فمع الضباب قد تكون الروئية على بعد خمسة امتار فقط احيانا .

المكان قد يخلو من السياح في فترة الصباح الأولى

الفطور هنا

البقر يرعى ( وش رايكم تصلح الصورة دعايه للبقارات الثلاث )

سحر الطبيعة هنا وهناك

هنا صادفنا رجل من اهل البلد ... وكلمه حق تقال لأهل عمان انهم طيبين بزود . (و نسيت ا قولكم تراهم باردين بالحيل )

محدثكم هنا ولعله طقه البرد مع الرذاذ

وهنا بحر العرب والطريق الى شاطئ المغسيل

والفطور والتقوي للمشي الله يديمها من نعمه

واستقبال حار من النوافير الخارجه من امواج البحر المرتطمة بالجبل

زوار الشاطئ من كل جنس ولون

وهنا الاطفال واللعب مع النوافير

ومن شاطئ المغسيل الى ضلكوت قرابه 130 كيلو من صلاله
وللوصول الى ضلكوت هناك نقطتين تفتيش تطلب منك جواز السفر او مايحل محله من بطاقة .
وصادف وقتنا ضباب على مدار الطريق وصعوبه في الوصول الى ضلكوت ناهيك عن قطاع الطرق من بقر وابل ( اهل عمان يسمون الابل بوووش ) !!

الوصول الى ضلكوووت ( جنه الله في ارضه )

ومن سلطنة عمان الى الامرات المتحده
والكشته حاصله على كورنيشهم

محدثكم خلف الكاميرا خلف ناطحات السحاب وتطاول رعاه الغنم في البنيان !!

وفي نهايه المطاف اتمنى ان قدمت تقرير موجزا عن خريف صلاله لهذا العام بالشكل المطلوب .
محبكم / طير شلوى - تمير

الحمدلله على السلامة ...

ما شاء الله تبارك الله ..

تابعت تقارير كثيرة عن صلالة وحشير وطوي اعتير والمغيسيل وطبراق وحمران وشير .. وأسامي غبص ..

لكن ما توقعت أنها بهالروعة اللي انا أشوفها في هالتقرير ..

أقول علم الرأس ولا علم القرطاس ..

بحول الله وقوته الاسبوع الجاي فيها .. نبي نتبرد قبل رمضان ..

وش أخبار الشلالات عسى فيها شيء لو سواريب ..
وعلى طاري الوالي : ماذا عن السياح وكثرتهم .. عسى مهوب واجدين ..
وما جاء طريق جديد يختصر لو مائة كيلو .. وإلا شيء ..
الله ييسر الأمر .. ونخت لها خته .. خفافية ...

يعطيك العافية يا طير شلوى ...

وانا اقول وين طير شلوي فيه
اثاريك عايش بنعيم وحنا ماندري

ما شاء الله علي الآجواء والله انها تفتح النفس
من يصدق ان هالصور في صلاله
لو مو حاط صلاله في العنوان كان قلت انها هالصور
في فرنسا ولا لندن

تقرير روعه | والحمدالله علي السلامه

مآشآء الله تبآرك الله منآظر تفتح النفس ..
آول تقرير بـ آلآجآزه هذي عن صلآله وتقرير مميز وممتع
تسلم يمنآك على التصوير والحمدلله على سلآمتكم

الحمد لله على سلامتكم . .
تقرير روعة ما شاء الله . .
شوقتنا نروح بس متى تجي الصمله واروح يمها. .

الحمد الله على السلامه

ويعطيك العافيه طير شلوى

تقرير رائع جدا عن صلاله 2011

ماشاء الله وش ها المناظر الروعه من جد ماودك ترجع اذا شفت ها الخضرة

والجو الزين،،كانك في اندونيسيا،،

مشكور اخوي على التقرير الجميل

اولا الحمدلله على سلامة الوصول
ثم : معقول يالطير ؟!!
تونا في بداية شهر 7 ..
مشكور على التقرير الرائع والرائع جدا

ماشاء الله تبارك الله طبيعه ولا اروووع

وتقرير تشكر عليه ,,,,

اقتباس: المشاركة الأصلية كتبت بواسطة المهند    الحمدلله على السلامة ... ما شاء الله تبارك الله .. تابعت تقارير كثيرة عن صلالة وحشير وطوي اعتير والمغيسيل وطبراق وحمران وشير .. وأسامي غبص .. لكن ما توقعت أنها بهالروعة اللي انا أشوفها في هالتقرير .. أقول علم الرأس ولا علم القرطاس .. بحول الله وقوته الاسبوع الجاي فيها .. نبي نتبرد قبل رمضان .. وش أخبار الشلالات عسى فيها شيء لو سواريب .. وعلى طاري الوالي : ماذا عن السياح وكثرتهم .. عسى مهوب واجدين .. وما جاء طريق جديد يختصر لو مائة كيلو .. وإلا شيء .. الله ييسر الأمر .. ونخت لها خته .. خفافية ... يعطيك العافية يا طير شلوى ...

الله يسلمك من كل شر ومكروة
ومن ناحيه الشلاااالات ياخيي مافيها شي ... لان موسم خريف صلاله بدري عليه بس على قولت اهلها هالسنه جاء الموسم بدري
يعني اتوقع بعد العيد بتكون صلاله في قمه جمالها ..
ومن ناحيه السيااااااح مثل ماتشوف بالصور خفيف .. والصبح خاصه تكشت كنك لحالك في ديرتهم ...
وحياك ومنور الموضوع .