[align=center]الأخوه محبي الشعر أنتشر عبر رسائل الجوال بيت الشعر ( من شانه أسهر كن ماعندي فراش** ومن قل مرقد باعوا أهلي فراشي ) وهي قصيده جميله فيها جزاله والتحدى وخفة دم (بقافيه صعبه جداً وهنا مربط الفرس) وهي موجهه لحتحوت ( شاعر وكاتب هزلي في مجله فواصل )من شاعر أسمه جارف الدوسري وقد رد عليها حتحوت برد لايقل روعه ..أذكرها هنا كامله وأتمنى أن تعجبكم [/align]
[poem=font="Tahoma,4,red,normal,normal" bkcolor="transparent" bkimage="backgrounds/2.gif" border="groove,4,red" type=1 line=0 align=center use=ex num="0,black"]
البارحه جوي تكدر وأنا ماش=من صاحب ولع حريقه بجاشي
غروٍ رماني رمي جندي برشاش=رمشه كما هتلر قوي وفاشي
هشم ضلوعي هشّم بزرٍ لفش فاش=واقفى بروحي في يدينه بلاشي
مافاد بي طب وغرفات الأنعاش=شوفة حبيبي غرفتي وانتعاشي
اللي خدوده لونها كنه الشاش=والعنق كنه زي عنق الفراشي
محدن قدر ياصل جماله ولاناش=كن ((البني)) حوله وجنبه مواشي
حبه ملكني من عصر طاش ماطاش=ومن قيصر وكسرى وعصر النجاشي
لاعاش منهو لامني فيه لاعاش=والله فلا اسمع به عذولٍ وواشي
من شانه أسهر كن ماعندي فراش=ومن قل مرقد باعوا اهلي فراشي
ليت الوصل ينباع واشريه أنا كاش=وألا أدفع اقصوده ولو هي معاشي
اليوم انا بشكي على الذيب لاهاش=حتحوت مهدي كل بكره وحاشي
حتحوت ياذباح جزلات الأكباش=ليتك تقدر لهفتي وارتعاشي
الزين دوخنا ولا عاد يناش= وحنا تعبنا والنتيجه ولا شي
وش رايك أصمل في طريقي أو انحاش=أمشي عن المجمول لا صار ماشي
وأقبل سلامٍ من كذوب و غشاش=ياجعل ياطا ((فرتك)) ساق حاشي[/poem]
[align=center]ورد حتحوت بروعه وأثبت أنه قد التحدي[/align]
[poem=font="Tahoma,4,darkblue,normal,normal" bkcolor="transparent" bkimage="backgrounds/1.gif" border="groove,4,darkblue" type=1 line=0 align=center use=ex num="0,black"]
يامرحبا في شاعرٍ ماش في ماش=من جرف في دحديره لجرف ماشي
ياريحة اللي له اسبوعين مهتاش=ومن حر مابه ماتروش ولا شي
فيلٍ عيونه مرمده كثر الأرماش=وإن مر جنبه قرد كشر وهاشي
واذا لمس جمره بكى الخبل وأنحاش=يم الطبيب ولف بالصبع شاشي
شاشٍ مشيش بالشياشي من الشاش=ماشاف من شوشه نتفها خماشي
أظن قلبك له مخاليب كماش=بس أن حظك ماينوشه نواشي
شوري عليك أتروح مع كل طراش=وتصبح وتمسي بين بر وطاشي
مشيت عيني بالبصل ثم هلاش=دمعي على وجهي تسكب رشاشي
والصوره ان صارت بديكور وفلاش=أوضح من الصوره بليا فلاشي
وان جاك قل صديت ما آكل عراش=مهوب أنا اللي حام حول العراشي
وإذا أنت تختبرن على قافية آش=معاك حتحوت القوافي على آشي
وياحش قلبي حش (ربله) بمحشاش=خله عنكّ وأعلف شعير المواشي
شجع مع الجمهور كوره وقل عاش=للاعب اللي شاتها بفن عاشي
أنقش جروحك نقش نقش بمنقاش=تصبح مرنقط من كثير النقاشي
وان كنت بالشكوى كذوبٍ وبكاش=ردي عليك أقره على طول كاشي[/poem]
[align=center]أتمنى تكون عجبتكم [blink]وأهداء خاص للمدرس[/blink] الشاعر المتميز في مثل هذه القصايد صاحب الرائعه
( عقب الفقر جابت شريحه وجوال)[/align]
13 / 04 / 2004, 39 : 03 AM
من قل مرقد باعوا أهلى فراشي !!!
