يقــول : هــو رجــال يلبــس شمــاغ وعقــال

[align=center]يقــول : هــو رجــال يلبــس شمــاغ وعقــال

اسعد الله اوقاتكم بكل خير



في انتقاد لتصرفات بعض الرجال وسلوكياتهم اللا رجولية كتبت الآتي :


شاب وسيم اسمه جمال
يعيش في الدنيا وهو يختال
ويظن انه فارس خيال
ويوم قرر انه يتزوج قال
يمه ابي بنت الحلال
رحبت الأم وقالت في الحال... في الحال
يا ولدي يا جمال
وش رأيك في بنت عمك آمال
لا يمه.. لا يمه
ليه ياولدي البنت انتظرتك سنين طوال
ياولدي بنت عمك ماينقصها جمال
بنت عمك فيها جاذبية ودلال
ادري يمه ادري
بنت عمي يتمناها كل رجال
بس انا مااقدر اتزوجها ....محال
ليه ياولدي ؟؟
يمه ابيها مدرسة آخر الشهر تجيب لي ستة الاف ريال
ابيها تصرف على نفسها واعيش في راحة بال
ابيها تسدد فاتورة الكهرباء والجوال
يا خسارة ضاعت معالم الرجال
ضيع مستقبل بنت عمه بعد ماانتظرته سنين طوال
واختار انه يعيش ظل رجال تصرف عليه ام العيال
بس يا جمال ليه هالتصرف ليه هالخبال

ايه صح نسيت ماراح اعارضك...... انت رجال تلبس شماغ وعقال





وهذا الشاب سطام
يصحى الصبح ويروح الدوام
ولما يرجع الظهر يتغدى وينام
يصحى العصر النفس ( شاينه ) ولا يبي كلام
تجي اخته : سطام ابيك في موضوع هام
نعم وش عندك ماني فاضي لك ... قصري الكلام
تخاف البنت من قسوته واسلوبه في الصدام
ليه ياسطام هذي اختك اعطيها بعض الأحترام
والا عشانها بنت تعتقد ان الكلام معها عيب وحرام
البنت بحاجة لأخ يسمعها وتحس معه بالوئام
تشكي له همها وايش صاير معها في هالأيام
يمكن واحد مأذيها وحبت تشكي لك قبل ماتوقع في مصيدة كاذبه اسمها غرام
لكن سطام مايهمه انه يعطي بنت بعض الأهتمام
بس ياسطام ليه هالتصرف ليه هالخصام

ايه صح نسيت ماراح اعارضك..... انت رجال تلبس شماغ وعقال





وهذا الشاب عادل
ياكثر مايتهاوش ويجادل
مايبي احد يآمره ولا يعرف كيف يعامل
وان طلبوه اهله يآخذهم لمشوار قال لا ... مايعرف يجامل
وبعد الحاح عليه يآخذهم للمشوار وضيقه في خشمه واصل
وقف في اشارة وجنبه سيارة لشاب عاطل
ناظر الشاب لسيارة اخينا الخامل
يمكن مايقصد بس عينه جات على اهل عادل
يعصب عادل وبالكلام بدأ يطاول
ولولا حلف الوالدة والا كان تهاوش مع ذاك الشاب بالباطل
عادل وصل اهله المشوار بس وين يتنظر هالوقت الفاصل
ايه فيه مركز تجاري قريب يروح يضيع الوقت ولبنات خلق الله يغازل
عجبي يا دنيا قبل شوي مارضى نظرة لأهله بالباطل
والحين رايح للسوق يناظر فلانه ويكلم ثانية باسلوبه السافل
آه يا دنيا هذا زمن المناكر هذا هو اللي حاصل
بس يا عادل ليه هالتصرف الفاشل

ايه صح نسيت ماراح اعارضك....انت رجال تلبس شماغ وعقال





وهذا الشاب سامي
طبعه بالحيل حامي
مايبي احد يقوله انتظر اسمع كلامي
متزوج وعايش في البيت اناني
يعتقد ان الحياة بس بيت وعيال ومصروف كافي
وساير في حياته دوام وفي البيت احترام وسهر في الليالي
تبحث الزوجة عنه...وينه يسمع الامي
ابي انسان يآخذ ويعطي ويفهم غرامي
ابي انسان يشوف مشكلة ولده وبنته اللي تتساءل عن ابوها الغالي
سامي يشوف انه مو مقصر وكل شيء متوفر وماهو فاضي
ايه اخينا مشغول بالأستراحات وسهر مع الشباب لأنصاف الليالي
سامي مايبي يسمع كلمة من الشباب انه مايسهر معهم خوفا من ام العيالي
عجبي يادنيا متى كانت الرجولة اثبات بالسهر خارج الداري
ليه يا سامي ليه هالتصرف الجاني

ايه صح نسيت ماراح اعارضك....انت رجال تلبس شماغ وعقال





منذو فترة طويلة كتبت و نشرت هذا الموضوع في احد المنتديات واردت طرحه حاليا هنا لأرى ارائكم في مثل هذه العينات ممن يطلقون على انفسهم رجال وهم ابعد مايكون عن هذه الصفة


تحياتي لكم

مشرف متقاعد هبوب الشمال
l[/align]

[align=center]صدقت يا هبوب الشمال

والله الحال هالوقت مال

والناس ما تعرف الا شماغ وعقال

وما في جيبه من مال


اتمنى ان يكون قولي قد الحال

كلامك منطق وعال العال


مشكور ياهبوب الشمال


ام توتو[/align]

نعم ام توتو لانة انت اللى من خلالك يكون المجال مفتوح للابداع

وماصار فى المشاركة شى موجود فعلا

مشكور يا الهبوب وماتقصل وتسلم يا هبوبنا


لووووووووووول

انشهد ان كلامك كلها صح

انت عسل يا عسل


والله صارت الناس مظااااهر مهيب مخابر

صاروا يدورون ابو بشت وعقال


شكرا لك يا هبوب الشمال


سلام