ياللي تقولون المره ماتحفـظ السـر الصغير

ياللي تقولون المره ماتحفـظ السـر الصغير ....انا اللي بعطيكم علـوم البنـت ويـا اسرارهـا
اللي تربت في بيـوت العـز بتشـوف الكثيـر.....ومهما تشـوف وتستمـع مافرطـت بخبارهـا
لاجات اميره طيبه من نسل اميـر ابـن اميـر....اسرارهـا تبندفـن فـي قلبهـا وفـي دارهـا
يمكن يضج بها الفكر مـره وتخطـي فالمسيـر....لاشـك طبـع الطيبـه يغلـب علـى افكارهـا
العاطفه تسرح بها مـرات فـي مـوج الاثيـر....لكنهـا تبقـا حبيسـه صـدرهـا واسـوارهـا
امي تعلمنـي العلـوم بقلبهـا الحانـي الكبيـر....لين افرقت طبعي عـن العالـم وشبـت نارهـا
اساير الواقع واشوف النـاس يجذبهـا الحريـر....يـوم الحقيقـه واضحـه مانستطيـع انكارهـا
انا اشهد اني عارفه منهـو باخلاصـي جديـر.....اللي عطاني من سنيـن العمـر كـل انوارهـا
اللي معلمنـي علـوم الخيـر بعلومـه خبيـر....اللي عطـا نفسـي موازيـن الحيـا وعيارهـا
اللي حماني من الزلل يضحك ولو وضعه خطير....اللي ملك رووحـي وخلاهـا تجنـب عارهـا
هذاك ابوي اللي عرف وشلون يملانـي عبيـر....وهو الوحيد اللي فهـم نفسـي وادق اسرارهـا

والله يقولون انها ما تنعطى سر
ولكن ليس كلهن
فبعض الرجال أيضا لايحفظ السر ولا ينعطى علم
ولا حتى تسرحه مع الغنم ,,
وقد قالوا ( كان ودك تهاوش مع رفيقك عطه سر )
ويعطيك العافيه أخي الغالي في الصميم
وجميل من الشاعره أن تنسب الفضل لابيها وأمها ،،
والله يخلي لنا والدينا ,,

اخوي السنافي اصابعك ماهي سوا .... ولا موبايلي ههههههه
شاكر مرورك العطر واضاف نورا على صفحتي المتواضعة

يا أخي الغالي ((في الصميــم))

عمل رائع جداً الله يوفقك
الله يعطيك ألف ألف عافية
بارك الله فيك.
وهذه تحية لك من قلب أخ محب صادق تحية إجــــــــــلال وتقديررررر

دمتم لنا سنداً ودعماً ودامت توجيهاتكم واستمرت جهودكم الجبارة والمميزة.
منكم أنتم وبكم نستمد العلم والفائدة حفظكم الله ورعاكم لنا ذخراً

أجتهد في خدمتكم,فان أصبت فمن الله وان اخطأت فمن نفسي,وشفيعي امام الخالق ثم امامكم اجتهاد المحب لاعضاءه الحريص عليهم اكثر من حرصه على نفسه.......مرعب النفوس

انا اشهد اني عارفه منهـو باخلاصـي جديـر.....اللي عطاني من سنيـن العمـر كـل انوارهـا
اللي معلمنـي علـوم الخيـر بعلومـه خبيـر....اللي عطـا نفسـي موازيـن الحيـا وعيارهـا
اللي حماني من الزلل يضحك ولو وضعه خطير....اللي ملك رووحـي وخلاهـا تجنـب عارهـا
هذاك ابوي اللي عرف وشلون يملانـي عبيـر....وهو الوحيد اللي فهـم نفسـي وادق اسرارهـا



يعطيك العافيه اخوي في الصميم...

قصيدة روووووووعه...

ننتظر جديدك...

.^_^.