عشقت القمر

[poem=font="Times New Roman,5,blue,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
عشقت القمر حيث القمر ينبعث به نور=وأخص الليالي البيض تزهاه ويزهنّـه

واحب الهوى لاهب من خايعٍ ممطـور=وريح النفل حيث النفل طيـب الخنّـه

واحب الجمالة والجمالة عمل مبـرور=واحب الغناه واعز نفسـي عن المنّـه

واحب الصّراحة والصّراحة بها مسرور=ياحيث الصّراحة تقطع الشك والظنّـه

واحب الكريم اللي يفرج عن المعسـور=اليا من عطا حتى هلـه ما دروا عنّـه

واحب الرجال العارفة واكره المغـرور=من اغتر في بعض المظاهـر يغرنّـه

سقا الله ليالٍ ماضية قبـل هدم السـور=نحفر العدود ونشرب الماء من الشنّـه

نشوف البنات اليا أوردن كنهن الحـور=مهـار مشـاويلـن بالأعيـاد معتنّـه

على الماء تشوف بيوتهم كنهن القـور=كثيـر القبايـل تقطـن العـد بالكنّـه

على البال ذكراها ياليـت الليالـي دور=ياليـت الليالـي مـا خذنـه يجيبنّـه

تذكـرت شيبـانٍ لنا يوم حنـا بـزور=يحثوننا بالطيـب والفـرض والسنّـة

و عاشوا حياة قاسية في بحر وبـرور=عسى الله يعوضـهم بما فـات بالجنّـة

و دورن مضى من بينهم وين ذاك الدور=زمـان مضـى لـه ذكريـات يحلنّـه
يوم الذهب ما يلبسونه بـدون خصـور=جمال النسا ما هو من السـوق يشرنّـه

فقدنا حياة البـدو مع شوفـة المظهـور=ولا عاد به بدو ولا الطـرش له حنّـه
[/poem]

سليمان الهويدي

تسلم على الاختيااااااااااااااااااار

قصيدة جميلة جداااااااااااااا


مشكوووووووووووور







ســــــــلاااااااااام,,,

تسلم يدينك على الاختياااار

وصح لسانك ولسان الشاعر

قصيدة كلها ابداااااااااااااع ولوحة جميلة

مشكووووووووووووووووووووووور


سلام

نشوف البنات اليـا أوردن كنهـن الحـور
مــهــار مـشـاويـلـن بـالأعـيــاد مـعـتـنّـه

قصيدة رائعه