تِعبنا من بعضنا ,يـا عسـى بفراقنـا راحـة

دخيلك لا تعاتب ما بقى عقـب الفـراق عتـاب
رقص ليـل المفـارق للبعاد,وغنّـت أشباحـه!
نبي نرحل على درب التناسي ,والسنين ركِـاب
تِعبنا في هوانـا ,يـا عسـى بفراقنـا راحـة
هويته!, لا تنشّدنّي, قلت له :ما للغرام أسبـاب
تركته !, أنغلق بـاب الكلام,وضـاع مفتاحـه!
تلحف دمعتك !, فارسك عن درب المحبة تـاب
تناسى عِشرته!,غصبٍ عليه ,وصـادق جراحـه
وِقِع عن مهرتـه, لملـم بقايـا عزته,منصـاب
رحل عن دار حبك ,والشقـى مجنِّـد وشاحـه!
حبيبي ,لك صدقت بكل كلمـة ,والزمـن كـذاب
عطانـي لِيـن صدقـت بوفاه,وركّـز رماحـه!
بسيطة يا عيونٍ تسرق الفرحـة مـن الأحبـاب
بسيطة يا زمانٍ خان عهده!, وأشهـر سلاحـه
مصير الجرح في ركض الليالي , يصدق الأطباب
ومصير القلب في ليل العذاب ,يشـبْ مصباحـه
دخيلك !, بس لا تعاتب!, كفى دمع العيون عتاب
تِعبنا من بعضنا ,يـا عسـى بفراقنـا راحـة!

قصيده رائعه

فيها صور شعريه رائعه جدا ..

صح لسان شاعرها .. وتسلمين يا شموخ

قصيده رائــــعـــــــــــــــه

سلم إحساسك ونبضك اختي شموخ

الله لايحرمنا جديدك

دمتي بخير

اقتباس: المشاركة الأصلية كتبت بواسطة السنافي    قصيده رائعه فيها صور شعريه رائعه جدا .. صح لسان شاعرها .. وتسلمين يا شموخ

الروعة اكتملت بمرورك يالسنافي

الله يسلمك ويسعدك يالغلا
دمت بخير

حبيبي ,لك صدقت بكل كلمـة ,والزمـن كـذاب
...........عطانـي لِيـن صدقـت بوفاه,وركّـز رماحـه!

سلم بنانك يالشامخه

قصيده رائعه جدا ً جدا ً

لله درك ياشموخ أنثي على النقل الذوق


تقبلي مروري

اقتباس: المشاركة الأصلية كتبت بواسطة الشمالي    قصيده رائــــعـــــــــــــــه سلم إحساسك ونبضك اختي شموخ الله لايحرمنا جديدك دمتي بخير

الروعة مرورك يالغلا
والله يسلمك ويسعدك
ولايحرمني تواجدك بين صفحاتي
دمت بخير

اقتباس: المشاركة الأصلية كتبت بواسطة العضيد    حبيبي ,لك صدقت بكل كلمـة ,والزمـن كـذاب ...........عطانـي لِيـن صدقـت بوفاه,وركّـز رماحـه! سلم بنانك يالشامخه قصيده رائعه جدا ً جدا ً لله درك ياشموخ أنثي على النقل الذوق تقبلي مروري

هلا بك
والروعة مرورك اخوي
والله يسلمك ويخليك
دمت بخير