ياليت للقلب كاشف كذب ومنبّه [يقرا قلوب البشر واعرف نواياها ]

’,

سلامة القلب مما جاه واربّه
مايذكر الي عذلته لين خلآهآ

كثرت طواريه قدله وقت ومسبّه
اذا تخلويت غافلني وطرّاها

تعطيني الجرح وتسآوم على طبّه
ياجعل ماجرحهآ بآصغر عطايآهآ

وشهو معيّن وشوقه كل مانبّه
يحد روحي من الوحشه على اقصاها

لاصار ماعندها عذرٍ تعذر به
ليه يتعذر لها كثرة خطاياها

اخر ماقالت له إن ذا من كثر حبّه
معن ماهيب تمشي بس مشاها

ياليت للقلب كاشف كذب ومنبّه
يقرا قلوب البشر واعرف نواياها

قدام لحدٍ يزكِ الباب ويسبه
يعرض لي القلب سيرتها ويقراها

وياليت جفنٍ لذيذ النوم ماطبّه
ماياخذ من السهر والليل لولاها

وياليت صدرٍ مغيب الشمس يلعبّه
ماضيقته الهجوس ولا تلقاها

جات الهواجيس ضيفٍ مايرحبّه
ضوت ولا ودك ان الليل ضواها

الصدر مجلس مضيف وضيفه محبّه
والشوق لا جا المحاني ماتعدآهآ

اليا تضيّف ما والله ينقضي نبّه
الين ياخذ عليهآ ويتعشآهآ

لوعآد سري مثل ماكآن فـ الغبه
ما اظهر ملامح حزن وجهي وعرّاها

الناس تحتار فيّ وتضيع وتشبّه
وتشك ماهوب انا لين اتحفاهآ

خذ مني الوقت عمري بأول الشبّه
واهداه من روحت به بأول اصباهآ

الغلطة الموجعه لو مالها سبه
شلون بردها ولا اتفاداهآ

لاجات من واحدٍ تغليه وتحبّه
ذي والله العله الي يصعب دواهآ

ــــ
لــ الشاعر : حمدان المري

صح لسان المبدعَ حمدآنْ
ولاهنتي يّ جميلة على الذوقَ المختلفَ دايماً ،

الغلطة الموجعه لو مالها سبه
شلون بردها ولا اتفاداهآ

لاجات من واحدٍ تغليه وتحبّه
ذي والله العله الي يصعب دواهآ

عافاك الله وماقصرتي ابيات رائعه
كروعة نشاطك وتفاعلك

اقتباس: المشاركة الأصلية كتبت بواسطة » اِلـَوَفْآءْ بـِنْـتْ    صح لسان المبدعَ حمدآنْ ولاهنتي يّ جميلة على الذوقَ المختلفَ دايماً ،

حياك الله . منوره يالغاليه بوجودك وحضوورك ..

اقتباس: المشاركة الأصلية كتبت بواسطة النادر    الغلطة الموجعه لو مالها سبه شلون بردها ولا اتفاداهآ لاجات من واحدٍ تغليه وتحبّه ذي والله العله الي يصعب دواهآ عافاك الله وماقصرتي ابيات رائعه كروعة نشاطك وتفاعلك

حياك الله .. الروعه حضورك ومتابعتك وياهلا فيك ..