الحظ الردي للشاعر هداج

ياحبيبـي لاتقـول آه لـو تـدري بـلآه =وش تسوي كان غرغرت فيهـا غرغـره
لابغيت آجرها صح سـوت بـي سـواه =كنهـا منشـار اجتـر قلبـي ونـشـره
وانت لاقلت آه من حب والا مـن سـواه =جات ملتمـه وهـي بالخفـوق مبعثـره
ياحبيبـي ياهنـا القلـب مـدري ياعنـاه =يابعد من يقسـم القلـب شفعـه ووتـره
صاحبك وده يفضفض ويكشف لك خفـاه =استـره لازل بلسـان شكـواه اسـتـره
صاحبك حده زمانه على الشكوى وجـاه =جاه مابيـح كنينـه ومـا جـاب اخبـره
لابغى يضحـك لدنيـاه ويـداري عنـاه =ويتناسى طول وقت عبـث فيـه اقصـره
عكرت ليام ماطاب له مـن صفـو مـاه =واستباح الحـزن دنيـاه واجتـاح اكثـره
النهار اللي ترى الناس شمسه في سمـاه =في عيونه من عنا الوقت كاسيـه اغبـره
ان رمى سنارة الحظ فـي بحـر الحيـاه =طالت المـده وسنارتـه وسـط ابحـره
وان رماها طول جاته على عرض عصاه =وان رماها عرض ماجاوزت حد انظـره
وان زرع زرع جديـد وبآمالـه سـقـاه =كـل عـام يزرعـه بـر ويحصـده ذره
وان بسط كفه لطير شـدا بأعـذب غنـاه =من على كفه بدل واحـد طـار اعشـره
له سنين تنحت ايديه في صـم الحصـاه =يستثير الحـظ والحـظ معطيـه اظهـره
ياحبيبي كـف الايـام مـن مثلـي قـراه =مـادرا بالغيـب لكـن قـراه وفـسـره
اتـوقـع والله اعـلـم دوا قلـبـي وداه =من خـلال التجربـه والسنيـن المدبـره
ان فالآفـاق بـرق يطمعنـي ضـيـاه =يغسل اهموم المسافـات برقـه ومطـره
ماني ابكاهن ليـا ضـاق بالعلـم الدعـاه =مومن(ن) بالله واومـن بحكمـه وقــدره
عارف ماانصكت ابواب وانسـدت قنـاه =الا فرجهـا كريـم العطـا والمغـفـره
واعرف ان ماكربه الا ويفرجهـا الالـه =وان مامـن عسـر الا وعقبـه ميـسـره
ياحبيبـي جـاك علمـي وبلغـه الـرواه =والله اني شيخ قوم عنـا الوقـت اغـدره
كلما لاحظت كـن القـدم تثقـل خطـاه =اعتزيـت بعـزوة كـل كسـر تجـبـره
طيب ساسي ولا ابغى على طيبي وصـاه =الصديق اقـدره واعسـر اللـي يعسـره
اغدي لـه ليـن الجـال واعـادي عـداه =وانتصر له وان نخاني على الضيق انصره
خل من ينكر صديقه ويطعـن فـي قفـاه =واحد قسمه من الهـرج هزلـه واكسـره
ذاك لا حسب حسابه ولا ابحث عن رضاه =والله اني ماربحته علـى شـان اخسـره

طيب ساسي ولا ابغـى علـى طيبـي وصـاه
الصـديـق اقــدره واعـســر الـلــي يـعـسـره

اغــدي لــه لـيـن الـجـال واعـــادي عـــداه
وانتصر له وان نخاني على الضيق انصره


روووووعه وجماااااااااال

صح لسانك على هالابياات

مشكوووووووووووووووور



سلام

أخي سنافي
مشكور بيض الله وجهك على الاختيار الرائع
ما يستكثر عليك الذوق الحلو
أنت ممن يعتد بذوقه
بيض الله وجهك مرة ثانية (تستاهل )
أخوك العالمي

صح اللسانك

اخوي الغالي و شاعرنا السنافي

اغــدي لــه لـيـن الـجـال واعـــادي عـــداه

وانتصر له وان نخاني على الضيق انصره

خـل مـن ينكـر صديقـه ويطـعـن فــي قـفـاه

واحـد قسمـه مــن الـهـرج هـزلـه واكـسـره

ذاك لا حسب حسابه ولا ابحث عن رضـاه

والله انــي ماربحـتـه عـلـى شــان اخـسـره

قصيدة جميلة واما الشطر الاخير منها فهو قصيدة مستقلة بحد ذاته

وننتظر منك الكثير

تقبل تحياتي

صاحبـك حـده زمانـه علـى الشكـوى وجـاه
جــاه مابـيـح كنيـنـه ومـــا جـــاب اخـبــره


رووووووعه يالسنافي

اخي الغالي

السناااااااافي

مشكووووووووووووووووووووور

دائما رائع

وأروع في اختيارك وذوقك

ذاك لا حسب حسابه ولا ابحث عن رضـاه
والله انــي ماربحـتـه عـلـى شــان اخـسـره


نقلت فأبدعت...

مشكوووور اخي السنافي ع النقل وصح لسان الشاعر...

تحياتي,,,,,,,

اخي السنافي مساء الخير

لقد نقلت فأحسنت الأختيار كعادتك فهذا ليس بجديد

وصح لسان هداج اما آخر بيتين ففي الصميم

وخاصه في هذا الوقت