مسكة غلط ورحنا للدهناء يوم الخميس24/1

كيف حالكم ياأعضاء ان شاء الله طيبين

المهم هذي طلعتنا ومسكة غلط معنا نوينا بل عزمنا على ذهابنا إلى الرمال الذهبية ولفلة الحجاج وخوة النشاما بالدهناء الموافق 23/1/1432هـ يوم الخميس..

واشغلونا الناس الله يجزاهم خير بالتكبيس ديورو ديورابس كل مالنا نصمل زود>>> خخخخ

أعذروني على جودة الصور اهم شي الاخلاق وحب الوطن والنوم بدري ..

المهم إليكم الصور تتحدث عن نفسها

بسم الله نبدأ

هذي صور لريش الشعب

طريق ام رجوم مغبر بس كانة عزيمتنا اقوى ولله الحمد

بعد وصولنا ام رجوم والتزود بالوقود والحليبة وجهنا للحومة حومة النقيان(نقا فجحان)

هذا بعد وصولنا واختيار مكان مناسب وذاري والتجهز للصلاة..

وبدأ العج يخف تدريجياً ولله الحمد وبعد اداء الصلاة..

قام النشمي ابوناصر جعل يدة ماتشل وشب الدلة والشاهي شاهي الوزة ااناشهد انه شاهي مضبوط >> دعياة خخخخخ

وبعد شرب القهوة والحليبة بدأ يمطر علينا هتف بسيط يازينه زيناه..آثار المطر على الدريشة

اثار المطر على البدي وسمعنا صوت الرعد وطمرنا كلن قام يزين شي الي يقطع البطل والي يقطع الدجاج بس اعذرونا ماصورنا العشا
خفنا يجينا سحابة وتحوسنا

وشبينا العشا قلبه قلبه

ابوناصر وأبوعبدلله

وبعد ماكبينا المكرونة ننتظر العشا

ونزل مرة اخرى المطر رش خفيف وهتف يمكن خمس دقايق يمطر ويوقف سمعنا الرعد مرة وحدة بس ماشفنا شي يذكر رشاش بس الله يجيب الخير

صور المطر بالارض وبعضها حبات كبير اللهم زد وبارك

صورة لبوعبدالله وابوشوق

وصور للمطر مرة اخرى يمطر يرش شوي ويوقف شوي

جهزة المكرونة عطونااها بس قبل يجي المطر..

وبدأ الرش يقتوي اللهم زد وبارك

وبعد ماتعشينا
ازبن الذرة جهزنا خيمة بلاستيكية ضد المطر بنسبة 90 بالمية والله ياهي حلوة هي ماتاخذ الا اثنين مبسوطين يتقلبون فيها
بس يوم جا المطر زبنا فيها اربعة متراصين >>خخخخخخ

وبعد النومة الهنيئة قمنا للصلاة الفجر وقاموا الذيابة وشبوا الضو الصلاة الصلاة اصلحكم الله ..

صورة طولية مع القمر والنجمة هع

وراح ابوناصر النشمي وجاب لنا كسيرات حطب حقت القهوة و الشاهي

هذي صور عقب ماطلعت الشمس سبحان الله الجفيل مغيم علينا صحو همن جفيل

هذي صورة من مكان مرتفع لموقعنا

وبعدها ذهبنا للتمشية واختيار مكان مناسب للشاهي ..

فوجدنا هذا المكان المناسب وهي ارطاة مغطية بالشري والله ياهي ذارية خبال >>خخخخ

وشبينا الشاهي ومخمخنا مع شاهي الوزة يصك بالراس

وبعدها وجهنا الديرة تخبرون يوم الجمعة كلن وراه شغله والحمدلله على هذه الطلعة المباركة..

اتمنى ان يحوز التقرير على رضاكم واستحسانكم

الشقردي

ماشاء الله تبارك الله تقرير رائع منك اخوي ابراهيم
والله يونسكم بالعافيه ؛

وش حادكم على هالبرد والغثاء .. ؟؟

لكن الهمه والصملة تكسر جميع الحواجز ...

الحمدلله فكنا الله من روحة لها ..

برد وعج ... أنواع الأجواء الجميلة ...

الله يعطيك العافية ...

يعطيك العافيه اخوي الشقردي
وتقرير جميل يكفي شفتوا المطر شوي

سلمت الانامل

رحله حلوة بمخاوة النشامى ...والاحلى ابوناصرمنووووور ياحموووووود

يسلمك ربي يالشقردي
والحمد لله الذي فككم من البرد

الله يجيب الخير

الله يفكنا من مسكات الغلط هع
تقرير جميل ..
تسلم يالغالي

تسلم على التقرير الرائع
وتعجبك بعض المرات الصمله

كفو والله يا الشقردي انت والشقرديه اللي معك

هذي الطلعات الحلووووه

يا ليتنا جالسين الين العشاء حتى نتمتع بزخات المطر

كل الشكر لك على هذا الطرح

والله يعطيك العافيه