أكرم عليها بالكفـن يـا مطـوع

قصيدة قرأتها فأعجبتني ، فأحببت نقلها لكم :


خايف عليها من الثرى غطاها .... والا الحصى حافيه اخاف اذاهـا
اكرم عليها بالكفـن يـا مطـوع .... بالبيت ضل فراشهـا وغطاهـا
اكرم عليها بالكفـن هـذي امـي .... و شهد عليها في ما عطت يمناها
هذي الضحى واليـل يتحرونهـا .... هذي السماء و نجومـه تنعاهـا
هذي السوالـف مثلنـا تبكيهـا .... والارض تنشد عن اثر لخطاهـا
هذي الكبيره كبر هـذي الدنيـا .... هذي العظيمه جل مـن سواهـا
ابكي عليها مـو نهـار و ليلـه .... و لا سنه تمشي وعـد قضاهـا
ابكي عليها كثـر مـا شالتنـي .... و كثر الحنين الي اختلط بغناهـا
و كثر الاسامي و كثر من سموها .... و كثرالنجوم و كثر من يرعاهـا
ابكي عليها من القهر يـا دنيـا .... مـن لـي انـا عقـب فرقاهـا
من فتحت عينـي و لا خلتنـي .... وشوفوا ولدها بالقبـر خلاهـا
هل التراب بوجهـا مـا قصـر.... شفتوا ولدها كيف هـو جازاهـا
لو انهـا مكانـي مـا سوتهـا .... لاكـن اعـز عيالهـا سـواهـا
يا دود يا دود شفها ذابله جنبها .... انا ولدهـا و حاضـر وأفداهـا
قطعني هاك الي تبي من جسمـي .... بس الكريمـه لا تجـي بحذاهـا
و وصيك امانه قل لها تعذرنـي .... وتكفى تروح تحب لي ماطاهـا
ابيها تغفر لي مثـل مـا كانـت .... كل خمله منهي بطيبهـا ترفاهـا
يالله عساهـا بالنعيـم الخـالـد .... وعساها في جنة عدن سكناهـا
يا فضو هذا الكون يا هو خالـي .... يا ضيق هذي الدنيا يا مقساهـا
يا مر طعـم فراقهـا يـا مـره .... ماني مصـدق ارجـع ومالقاهـا
وشلون اجي غرفتها ما هي فيها .... وش عذري لسبحتها ومصلاهـا
وش اقـول انـا لدولابهـا شنطتها ....واذا سالني مشطها وحنها وعباتهـا
ومي زمزم ومصحفها والمبخـره .... ورشـوشـهــا ودواهــــا
الكـل فـي غرفتهـا متفقدهـا .... حتى الجدار متفطـر ويرجاهـا
الكـل يبكيهـا مهـو ناسيـهـا .... يالله صبرني و شلـون انساهـا ياليتهـا
ياليتها مـاراحـت وخلتـنـي .... او وسعت لـي بالقبـر وياهـا






* أطال الله في أعمار أمهاتنا.

الأخت المبدعة ( الدامياء )

لا خلا ولا عدم من روائعكــ

وأسأل الله أن يوفقك لبر والديكــ

وأن يجعلك قرة عين لهم

قصيدة رااااائعة كناقلتها

وتقبلي مروري عزيزتي،،،،

عاشق مطير الأول

أشكر لكـ مروركـ الجميل

ولاعدمناكـ .

/
\

ابكي عليها كثـر مـا شالتنـي .... و كثر الحنين الي اختلط بغناهـا
و كثر الاسامي و كثر من سموها .... و كثرالنجوم و كثر من يرعاهـا
ابكي عليها من القهر يـا دنيـا .... مـن لـي انـا عقـب فرقاهـا

.
.

الدامياء

دمتِ رائعه ودام احساسكـ بهذا الجمال

احترامي وتقديري لكـ

أختي الفاضلة : سحايب

سلمت أناملكـِ ، وما تخطه من كلمات .

لكـِ الشكر الوافر على المتابعة الدائمة .