صقنقور النفود

بسم الله الرحمن الرحيم

السلام عليكم ورحمة الله وبركاته

من مبطي وانا ودي اشوف الصقنقور اليوم شفته يسبح في رمال الدهناء
اسمع عنه انه يؤكل مشوي .. ولا ادري هل يجوز اكله ام لا!!
وسمعت ايضاَ انه منشط للرجال ومفعوله قوي جدا..

المهم هذي بعض الصور الي التقطتها له ..

ويسمى ايضاَالسمكه الرمليه..

يوم شافنا حاول الهرب والتخفي داخل الرمل..



بعدنا عنه ويوم حس بالأمان طلع يستطلع المكان..





يلتقط الحشائش الصغيره وقيل انه يأكل حبيبات الرمال الصغيره..



خرج للتسليه والسباحه في رمال النفود..



شكل الراس مدبب حتى يسهل دخوله في الرمل سبحان الله..







تم مسكه بعد جهد وعناء لاني كل ما جيت امسكه غاص في الرمال
ولم اعثر عليه الا بصعوبه جداِ..



يتميز بنعومته وملوسته وسرعه حركته فوق وداخل الرمال..







وهذا منظر الغروب اخذته بعد خروجنا من النفود..
تحياتي لكم..

شكله جميل لاكن يوكل شي قبيح

اقتباس: وسمعت ايضاَ انه منشط للرجال ومفعوله قوي جدا..

انا سمعت ان القصمان يموتون فيه اجل لهالسبب
شكرا ابوحمد

مشكور ابو حمد على المعلومات والصور
شكله يشبه السمكه الصغيره
اشوفه بالبر بس اول مره اعرف ان اسمه الصقنقور
وبعدين وشلون ياكلونها شكله يحوم الكبد
لأيشوفه المتحد والمهند ويرحون يصيدونه ويشوونه مو بعيده عنهم ههههههه
مشكور ابو حمد تقرير رائع
وجهد تشكر عليه

مشكور ابوحمد على التقرير

أول مرة أشوفه ،،،، بس شكله مثل السحبلة اللي في المزارع ،،،، نفس الشكل بس اللون يختلف ، .... السحبلة لونها أسود ،

تسلم يابوحمد على التقرير الجميل.
صراحة منظره جميل جداً

ماشاء الله ...
عجزنا نصيده بيدنا وأنت يدلع عندك ويخليك تصوره .. وزود عليها تمسكه ...

تكفى ليتك جايبه ..
مرة لقيته في طعوس الحيرا ... ونقلت الطعس للمحل الثاني وعجزت ألقاه ...

أما شكله... فيا قربه للسمكه والداب ...

الرقاية .. على ما أظن اللي تشوفين سحبلاء .. مدري حربلاء ...
هذا عجزنا نشوفه .. وأتوقع أن الصور مصورها في بلاد الأندومي وجايبها لنا أبوحمد ...

الله يعطيك العافية .. وموضوع سيستفيد منه الباحثين عن صور الصقنقور ...

سبحان الله الخالق

مشكور ع الصور

وشلون طاعك قلبك تمسكة
مشكور ابو حمد على الصور الرائعة

اقتباس: المشاركة الأصلية كتبت بواسطة جار القمر    شكله جميل لاكن يوكل شي قبيح انا سمعت ان القصمان يموتون فيه اجل لهالسبب شكرا ابوحمد

هالقصمان تراهم صادقين وكل نادر فيه فايده يا جار القمر ..
هلابك وشكرا لك يا جار القمر..