صغــيــر الـــسـن لـــو يعـــشــــــق

اقلب صـفحه الماضي مع الأيام لـو لجن &&& دموع العـــين ما ترحم عـلى الخــدين لـو سالت

أراجع ذكريات لي يوم آني صغـير السن &&& واضن تــوي بعـد ما عـرفـت الـناس وش قالت

صغير السن لو يعشق لاياعي ولا يفطن &&& يحسب آن دروب العـشـق هي لعـبة وما زالـت

بلاك اللي تعـلق في بحور ما بها يسكـن &&& سوى صوت الهجير ونغمه بالحزن وان طالت

وآنا ساهر طوال الليل وبي هم ومتمكن &&& أعدد في نجوم اللـيل بطـلوع الصـبح آلي حالت

انادب حظي العاثر أقول الصد ما يمكن &&& واشـوف عــيون ترمش لي تناديـني ولا احتالت

وغنيت القصيد بصوتي الخافت المحزن &&& وزنـت آبــيات ما تـوزن والى من عـدلـت مالت

سبايب واحد وارجي من الله علي يحـن &&& وانال مـن العـشـق بعضه مثل هالخلق وما نالت

وإذا كانه نسى طبعي نسيانه علي أهون &&& ولعـلـه يسـعــد بغـيـري وابـمــسح دمـعــه سالت


شعر ابو ريان

الله قصيدتك ذكرتني بجريدة المسائية

تصدر كل مساء


اتحفتنا في الصباح والمساء

الله لا يحرمنا منك

ولا من مشاركاتك


سلام

تسلم اخوي ابو ريان

قصيدة جملية كلماتها حلوه


وانا اعجبتني كثير وكل الابيات فيها كلمات قوية ومعبره


تسلم لنا

والله لا يحرمنا من ابياتك وكلماتك


ام توتو

فعلا قصيد جزلة من واحد جزل وتسلم اخوى

تسلم ابو ريان ويعافيك ربي ونشوف كل جديد
اخوك/ حمد

تسلم وصـــــــح لسانك يابوريان يابو الخير والجديد يعطيك الف عافيه وتحياتي لك واهنيك للمره الثانيه على الشاعريه المميزه وارجع وأقول (( الحي يحييك...والميت يزيدك غبن ))

من رافقك والـلــه حشــا مايــخــلـــيــك *** لــوعــاشرك كل الـــدهر مــايــــــملك
أنا أشهد إني أحترت مدري ش أسميك *** كـــل الـــخــصـال الــنـادره يــنتمن لك
الــطيب كـــنــه شابك إيـــديه فـــــيديك *** إن كان له صاحب فهو صــــــاحب لك
((( يــــــــــــــــــــــــــــــــــاأبوريان ))) .......

تحياتي لك ولايهون الجميع ،،،،،،

يابور يان صح لسانك

وقصيدتك معبرة وكلماتها سهله



الله لا يحرمنا منك



نور العين

الحمدلله على كل شي والحمدلله اني لقيت في هالمنتدى ما كنت ابحث عنه الا وهو حب الجميع واشكر كل من ساهم في مشاركته على هذه القصيدة واقولكم ابشرو بالمزيد ومالكم الا طيبة الخاطر وفالكم طيب تقبلوا تحياتي اخوكم المخلص
ابو ريان ( عادل عبدالعزيز الحسين )

صغير السن لو يعشق لاياعي ولا يفطن &&& يحسب آن دروب العـشـق هي لعـبة وما زالـت

مسكين صغير السن ما يدري وش نهاية دروب العشق



تسلم يا عادل على هالابيات الحلووووووه

ولا تستغرب هالمعجبين فقصيدك حلوووو



بنـ الشيوخ ــت

ابو ريان شاعرنا الغالي

مشكور على هذا الاختيار الراقي والشامخ

والله مادري اي بيت من الابيات اختااااار !!

ولا ادري وش اخذ وش اخلي؟؟

كل بيت يقول للثاني انا احسن منك

والابداااع والشموخ فيني

لله درك ... كنت رائعا ومميزا بهذه القصيده المميزه

تحياااااااتي