نظمت عشر ابيات

الشعر للشاعر عمامه وملبوس=وكلٍّ على كيفه يفصل لباسه
كلٍّ على معنى معانيه مقيوس=شعره بضمونه عليه انعكاسه
من كان شعره بالتفاهات متروس=بلواه تاليها تعوِّد لراسه
بعض الملا في جوفه الشر مغروس=بلاه مزمن ما يونِّي عطاسه
هرج القفى والنم يشريه بفلوس=والكلمه الشينه بعرفه فراسه
هذاك في عُرف الاجاويد فيروس=نبات شر اطلب من الله يباسه
والطيب يا شعّار مطلب وناموس=راعيه غانم بين ربعه وناسه
ترا الذي في وجهه الطيب ملموس=كل الملا تاقف معه عند باسه
نظمت عشر ابيات من صدق هاجوس=تعبير موجز والنصيحه أساسه
يفهمني الفاهم وبعض الملا سُوس=يجوز فيهم ما تفيد الدراسه

عـهود

صح السانك

وانتظريها بلحن زى القمر


هلافيك

تسلمين ياعهود وصح لسانك مليون
تحياتى

مرحبا بك الاستاذ هبوب الشمال وصح بدنك

وشكرا لك مقدما

وشكرا لمرورك الكريم مع التحيه

الله يسلمك يابو لافي

والف شكر لتواصلك الدائم

تحيتي لك وتقديري

صح اللساااااااااااانك كلمات ومعنى تسلمين على هذا الابداع

اسجل اعجابي وتقديري واحترامي

أخوك/ مهنا العتيبي
المـــــــوج

مرحبا بك هيل ابو مهنا وصح بدنك

وتسلم والله لمرورك الكريم

تحيتي لك واحترامي

والله كلامك هو عين الصواااااااااب

والوقت هذا ما تعرف الطيب من الردي ولا على الواحد منهم علامه

وكثير ما يغرك الشكل

مشكووووووووووووووره


سلام