انقطاع الكهرب من المسؤول ؟

السلام عليكم ورحمه الله وبركاته
ياإخوان وش سالفه الانقطاع هذا ؟
ضاقت يعني ب عز نومه الواحد تقطعونه ؟ تبونا نصير مخلل ؟
اذا بتقطعون الكهرب اقطعوه وقت ذروه الواحد يطلع برا لا حس بالحر مو والواحد نايم يالله براد الجنة
وش فيها لو قطعتوه الساعه 8 او 9 ؟
خربت اجهزتنا ترا ، والخافي اعظم تجلس ساعتين على عمل بالجهاز فجأه يضيع كل شي بسبب هالكهرب
استغفر الله

السنه هذه اقل من الاعوام السابقه في انقطاع الكهرب
ولكن ليس هنالك مبرر في اطفاءه في الصباح الباكر
وطيرو النوم في هذا الصباح

في بعض الدول الاقل منا اقتصادا يتم الاعتذار لهم والتعويض عن الثلاجات الي خربت والغطاسات الي احترقت والمكيفات الي دخنت
وليتهم يطفونه وما يشتغل الا عقب ساعه كان ما احترق شي !!

من اليوم ورايح اربطو الاحزمة استعدادابكهرباء متقطعة
اقول الله يعين بس..

اقتباس: المشاركة الأصلية كتبت بواسطة زمان الصمت    السنه هذه اقل من الاعوام السابقه في انقطاع الكهرب ولكن ليس هنالك مبرر في اطفاءه في الصباح الباكر وطيرو النوم في هذا الصباح

الحر ما بعد جاء شكل رمضان بيكون فيه انقطاعات كثيره..

الله يكون بالعون..

الله يعينا بس في رمضان


الحل ما فيه حل ؛ كل سنه هالكلام و كل ماخذنا خربت الاجهزة و المعمل الان على الصيام ؛ تراه صيف !!

محد درى عنكمم لو تهرجوون الين باكر الصبح ماافيه احد يسمع

مهما كانت فعالية قوة مولدات الكهرباء لدينا فأنها لاتستطيع مواجهة شدة حرارة الاجواء وهذا واقع صحيح لأن مولدات الكهرباء هي اساساً في ايام فصل الصيف تتلقى احمال زائده من قبل استهلاك الكهرباء في المنازل والمحلات التجاريه واضف الى ذلك عندما تأتي موجة شديدة الحراره فأنها سوف تزيد الطين بله بهذا الامر المولدات الكهربائيه اصبحت بهذا الحال تتلقى حمل كهربائي فوق الطاقه وثم يحصل انفجار لها او ينقطع التيار الكهربائي وهذا الحال ينطبق في جميع مدن العالم ككل وليس فقط بالسعودية ولكن الحل الامثل لتفادي انقطاع التيار الكهربائي هو ترشيد استهلاك الكهرباء بالمنازل والمحلات التجاريه من قبل المواطن والمقيم بهذا الامر تخف حدة الضغط على المولدات الكهربائيه لأن الحين لو أتينا الى احد المنازل نجد ان اهل المنزل مشغلين جميع المكيفات وهم اساساً ليسو بحاجة لتشغيل كافة المكيفات او الاجهزه الاخرى المتعدده يعني فقط اهدار للطاقه الكهربائيه وفوق ذلك قوة احمال زائده على كيابل الكهربائي الرئيسيه اذن المشكله الاساسيه هي من قبل المواطن والمقيم حيال هذا الامر وليس من المولدات .








هذا مالزم التنويه والاحاطه عنه

منقول لأهميته

زي ماقال المفروض فالليل عالاقل يجي ابرد من الصبح الجو والناس تكون في إشغالها

وميزة ثانيه ان الواحد اذا بينام عنده السطح يرش مرقده ويسمي لين يولع >>

الي يقول بسبب الحر وماتتحمل ليش احنا بالذااات ..!

يعني الحر علينا لحالنا المناطق المجاوره مايطفي عندهم ابد ..

وليش العزيزيه بالذات هي اللي يطفي عليها بكثره عكس الخالديه ..!

الله لايوفق من كان السبب

الله يكوون في عونا ويرحمنا برمضاان ,,