لارحت للصمان والضبان ترجيك يوم الخميس

بسم الله الرحمن الرحيم

السلام عليكم ورحمة الله وبركاته

كيف حالكم بخير ان شاء الله لي كم من اسبوع رحت ابا اروح واخيرا رحت... مع شباب شقرديه... في 4/6/1430هـ

المهم للصمان ليله الخميس انطلقنا
وبالقرب من الريضان نمنا


بيني وبينكم الجو كان في الليل كايف !!!





لكن ما بعد الليل!!!
::::::::
::::::
::::
:::
::
:

اصبحنا واصبح الملك لله .....ابو عبدالله يجهز قهوه الصباح....





وبعد القهوه والفطوور كان اتجاهنا خلف روضه بربك دغيم من شمال
.... للتمشي والصيد...


وجدنا زول بجانب ابله واعطانا من حليب الخلفااات الطازج....
وش نسوي الرجال حلف علينا




لقطه سريع سريع من عند الوايت
كارف عمره على شي ماله سنه



تعبنا وحنا ندور على ضبان لكن مابعد لقينا شي الى الآن...



وفي الساعه الثامنه خرجت الضبان من جحورها....
لقطه من قرب ومن بعد!!



وكان لها معنا موعد مع الركض والصيد والضحك.....

ضبين في جحر واحد بس مالنا فيهن نصيب دخلن....







محاوله لامساكه بعيد عن جحره!!!




تم مسكه



يحاول ان يلهي بالضب لكي نتمكن من اصطياده من الخلف.....
تمت الخدعه بنجاااج>>>>>>> لكن!!!!



وجدنا به طلق ناري من بندقيه خرازه لا حول ولا قوه الا بالله...
والله اني اكره الصيد بالبندقيه...
فمصير هذا الضب الموت الا ان كتب الله له الحياه... تم اطلاقه...



ملزومين نتبرد شوي ولو بعصير البرتقال درجه الحراره الحين 42الساعه التاسعه صباحا...



صيده ثانيه ومحاوله ناجحه....





ضب مكانس بس هرب ولم نمسك به لضيق جحره!!



بحثنا عن مكان لنستريح به لكن حراره الجو و(الذباب) الله يكرمكم ما خلونا نجلس!!
غيرنا اتجاهنا الى شعيب الطوقي حيث البرادات
والهواء الطلق>>>>امحق هواء درجه الحراره 44 بعد الساعه 12الظهر




السفاح يسبح في دماء الضبان ما عنده رحمه



شلوووطه الضبان بالشاخووووف اسهل طريقه لازاله قشره الضب...



سلايق على الكيف وبيض يحبه قلبك وينك ياالنجدي تجي تشووف....
وهذا احسن مافي الضب...



شكلهن مغري بس عجزت اتقبلهن لكن الي معي ماشاء الله ما خلو شي...






هذي قدرين قدر لي انا وصاحبي ((دجاج))
والقدر الثاني لاخويانا ومرقه الصراحه انسدت نفسي...




حمس السلايق وشوفو الدهن كيف جاي يقولون الضب الواحد يعادل ربع بعير في الكروستلول...




اضافه البصل والطماط اليها... وين الخبز بس!!



الرجال مهتوي يحمس من قلب..... داري ان معد فيه طلعه خلاص______________>>لاطلعه بعد اليوم...




هذي دجاجتي يا حليلها متى تستوي بس....






وبالعافيه يالي تبون الضبان....

وبالعافيه يالي تاكلون الدجاج...

والى اللقاء ان شاء الله

تحياتي لكم وان شاء الله استمتعتم بمشاهده هذي الصور
...

لقطات منوعة ... وفقرات جميلة ... تجسدت في :

** النومة المميزة ..
** فنجاناً من القهوة ..
**احتساءالحليب ...
**أبوجعل مدري وش هو يدربي !!..
**انتظار خروج الضبان ..
** شرب العصير البارررررد..
** صيد الضبان ..
**الانتقال إلى الشعبان..
** تلبية الرغبات في الأكل ..
** كبسة على كيف كيفك ..

كشتة مميزة أخوي أبوحمد كما هي عادتك وإن شاء الله هاليومين عندي كشتة حولها لكن يبي لي شوي وأعد التقرير ...

الله لايهينك ويعطيك العافية أخوي أبوحمد ..

[align=center]
وش حادك على الغثى والشقى مطامر عشان ضبان وفي عز القوايل والحر مايسوى التعب عشانهن , ملاحق ومطامر
وضما من العطش وعرقان تصبصب وذبان يدودي حولك واخرتها ما تاكله !!


انا نفس نفسيتك يابو حمد ما تقبل الضب ولكن ما افكر اطامر عشانه واغث نفسي سلامتي وراحتى اهم عندي الحمدلله
النعمه متوفره عندنا من لحوم ومن ارانب ومن دجاج ومن حمام ابرك من ملاحق ضب في
الشوكي او في الصمان .


ابو حمد ياحظ منهو يخاويك انشهد انك رجال ولد رجال .
[/align]

ابوحمد شف انذار اخير لك ،تطلع المرة الجاية ماتعلمني لاتلوم الا نفسك.خلاص معد ينفع من اليوم ورايح الا القوة ابسوي مثل شموخ انثى ان لم تكن ذئبا كلتك الذئاب صراحة جملة رائعة اعجبتني ياصديقي .
الصورة هذي يابوحمد تسد النفس وشلون ياكلونه !

اااااااااااااااوب ياضببه
مشكور اخوي ابو حمد

دآئماً متميز يا ابوحمد بكشتاتكـ وطلعاتكـ ومتميز بتقريركـ

ولك مني اجمل تحيه على التقرير الرائع

تقبل كامل تحياتي ولد
العز

أخيراً تمت الرحلة المرتقبة من عشرات الأيام !!!

بس جت في وقتها ..

الضبان في عز مرباعها وسلايق وبيض .. وش خليت ..

لكن هين يا ابو حميد ..

تواعدني أنا ونسيم بكشته وتكشت بغيرنا ، يعني حنا ماحنا بشقردية ..

عندنا دواك نروح لوادي لجب ونخليك .






يا بييييي .. ربيع قلبي هالجلسة ..




منظر بانورامي للضب داخل القدر




يا ويل حالي !!! فديت هالكبسة ... جعلها على كبود أهلها بالعافية ...




هذا وش عنده كنه أعمى الـ .... مسوي فيها فاهم الحركات



يا ويلي على الشبب .. ما زين لحمته ..


تدري وش أحسن ما في الضب يا بو حمد ؟!!!!!!!



إذا حطيته في القدر وشبيت النار عليه ثم بدا يتحرك وهو يغلي




رحلة موفقة وسعيدة يا ابو حمد

[align=center]دائما متميز برحلاتك يا ابو حمد ومشكور على التقرير الرائع[/align]

[align=center]
مشاء الله عليكم
وناسه
ليتني رجال اطامر في البران
بس ماكل ضباااااااان
[/align]

سلمت يمينك على التقرير الرائع الجميل

لك تقديري واحترامي الجزيل .